Read Biblija - Pe Baltitko Romani čib (Romanes) 2019 Baltic Romani Bible Čysly 26 Bible Online

Čysly 26 - Biblija - Pe Baltitko Romani čib (Romanes) 2019 Baltic Romani Bible bible

Čysly 26

¹Paló davá maribén Raj Devél phendiá Mojzáske i Jelizaroske, Aaronóskire-rašaskire čhavéske:

²“Piriginen saró Izrailjoskire-čhavéngiro skedyibén bišé beršéndyr i phuredýr, pir léngire čékarja (siemieistvy), [dadéskiri seménca-ju.o.], sarén, kon isyn lahčo vaš maribén dro Izrailjo.”

³I phendlé lénge Mójza i Jelizáro, rašái, pe loščýna Moavitoskiri pašýl Iordáno, proti Jerihóno:

⁴“Piriginen sarén manušén bišé beršéndyr i phuredýr, syr phendiá Raj Devél Mojzáske i Izrailjoskire čhavénge, savé vyginé Jegiptóskire phuvjátyr:

⁵O Ruvimo, anglatunó (pérvo) čhavó Izrailjoskiro. Ruvimóskire čhavé sys: Xanohostyr streč (pokolienijo) Xanohoskiri, Falustyr Faluskiri streč (pokolienijo),

⁶Hiecronostyr streč Xiecronoskiri, Xarmastyr streč Xarmaskiri.

⁷Ĥáda, isyn stréčy Ruvimóskire: i pirigindlo len sys štardešá trin tysjoncy eftašelá trijánda.

⁸I Faluskire čhavé: Jeliavo.

⁹Jeliavoskire čhavé sys: Niemuilo, Dafano i Avirono. Davá sys odolé Dafano i Avirono, savé khardé pe skedyibén te rakirén, savé podrakirde manušén proti Mojzaste i Aaronoste khetané Koriejoskire manušénca, kiéli jone podrakirde manušén pe Raste-Devléste;

¹⁰i rosčhakirdia phuv péskire uštá i proglytyndia len i Koriejos; khetané lénca myné i drúgi (malá) léngire, kiéli jag shaia dujšelá pandždešá manušén, i jačné jone syr ĥiertýk (znamiénijo).

¹¹Ne Koriejoskire čhavé na myné.

¹²Simieonoskire čhavé pir léngire stréčy (pokolienii) sys: Niemuilostyr streč Niemuiloskiri, Jaminostyr streč Jaminoskiri, Jahinostyr streč Jahinoskiri,

¹³Zarostyr streč Zaroskiri, Saulostyr streč Sauloskiri.

¹⁴Ĥáda, isyn Simjonoskire stréčy: biš te duj tysjoncy dujšelá.

¹⁵Gadóskire čhavé pir léngire stréčy sys: Cefonostyr streč Cefonoskiri, Xagiejostyr streč Xagiejoskiri, Šunistyr streč Šuniskiri,

¹⁶Oznijostyr streč Oznijoskiri, Jerijostyr streč Jerijoskiri,

¹⁷Arodostyr streč Arodoskiri, Arielijostyr streč Arielijoskiri.

¹⁸Ĥáda, isyn Gadóskire stréčy, pir léngiro piriginybén: štardešá tysjoncy pandžšelá.

¹⁹Judáskire čhavé sys: Iro i Onano; ne Iro i Onano myné pe Xanaanóskiri phuv;

²⁰i Judáskire čhavé pir léngire stréčy sys: Šelastyr streč Šielaskiri, Fariesostyr streč Fariesoskiri, Zarostyr streč Zaroskiri;

²¹i Fariesoskire čhavé sys: Esromostyr streč Esromóskiro, Xamulostyr streč Xamuloskiri;

²²Ĥáda, isyn Judáskire stréčy, pir ginybén léngiro: eftadešašov tysjoncy pandžšelá.

²³Isaharoskire čhavé pir léngire stréčy sys: Folastyr streč Folaskiri, Fuvastyr streč Fuvaskiri,

²⁴Jašuvastyr streč Jašuvaskiri, Šymronostyr streč Šymronoskiri.

²⁵Ĥáda, isyn Isaharoskire stréčy pir léngiro ginybén: šovdešá štar tysjoncy trinšelá.

²⁶Zavulonoskire čhavé pir léngire stréčy sys: Seriedostyr streč Seriedoskiri, Jelonostyr streč Jelonoskiri, Jahlieilostyr streč Jahlieiloskiri;

²⁷ĥáda, isyn Zavulonoskire stréčy pir léngiro ginybén: šovdešá tysjoncy pandžšelá.

²⁸Iosifóskire (Jozáskire) čhavé pir léngire stréčy sys: Manásija i Jefriémo.

²⁹Manasijáskire čhavé: Mahirostyr streč Mahiroskiri, Mahirostyr bijándyja Galaádo, Galaadostyr streč Galaadoskiri.

³⁰Ĥáda, isyn Galaadóskire čhavé: Jezierostyr streč Jezieroskiri, Xieliekostyr streč Xieliekoskiri,

³¹Asriilostyr streč Asriiloskiri, Šehiemostyr streč Šehiemoskiri,

³²Šemidastyr streč Šemidaskiri, Xiefierostyr streč Xiefieroskiri.

³³Salpaadoste, Xiefieroskire čhavéste na sys čhavén, a jekh čhaja; lavá Salpaadoskire čhajengire: Mahla, Noa, Xogla, Milka i Firca.

³⁴Ĥáda, isyn Manasijáskire stréčy, a pirigindo len sys pandždešá duj tysjoncy eftašelá.

³⁵Ĥáda, isyn Jefriemóskire čhavé pir léngire stréčy: Šutielastyr streč Šutielaskiri, Biehierostyr streč Biehieroskiri, Tahanostyr streč Tahanoskiri;

³⁶i ĥáda, isyn Šutielaskire čhavé: Aranostyr streč Aranoskiri;

³⁷ĥáda, isyn Jefriemóskire stréčy, pir léngiro ginybén: trijandaduj tysjoncy pandžšelá. Ĥáda, isyn Iosifóskire (Jozáskire) čhavé pir léngire stréčy.

³⁸Vieniaminóskire čhavé pir léngire stréčy: Belastyr streč Belaskiri, Ašbielostyr streč Ašbieloskiri, Ahiramostyr streč Ahiramoskiri,

³⁹Šefufamostyr streč Šefufamoskiri, Xufamostyr streč Xufamoskiri.

⁴⁰I Bielaskire čhavé sys: Ardo i Naamano; Ardostyr streč Ardoskiri, Naamanostyr streč Naamanoskiri.

⁴¹Ĥáda, isyn Vieniaminóskire čhavé pir léngire stréčy; a pirigindlo sys len štardešá pandž tysjoncy šovšelá.

⁴²Ĥáda, isyn Danóskire čhavé pir léngire stréčy: Šuhamostyr streč Šuhamoskiri. Ĥáda, isyn Danóskire čékarja (siemieistvy) pir léngire stréčy.

⁴³I saré Šuhamoskire stréčy pir léngiro ginybén sys: šovdešá štar tysjoncy štaršelá.

⁴⁴Asiroskire čhavé pir léngire stréčy sys: Imnastyr streč Imnaskiri, Išvastyr streč Išvaskiri, Vierijatyr streč Vierijaskiri;

⁴⁵Vierijaskire čhavéndyr: Xievierostyr streč Xievieroskiri, Malhiilostyr streč Malhiiloskiri;

⁴⁶Asiroskire-čhakiro lav sys Sara [Serah-ju.o.].

⁴⁷Ĥáda, isyn Asiroskire-čhavéngiro stréčy, pir léngiro ginybén: pandždešá trin tysjoncy štaršelá.

⁴⁸Niefalimoskire čhavé pir léngire stréčy sys: Jahceilostyr streč Jahceiloskiri, Gunijostyr streč Gunijoskiri,

⁴⁹Jecerostyr streč Jeceroskiri, Šyliemostyr streč Šyliemoskiri;

⁵⁰ĥáda, isyn streč Niefalimoskiri pir léngire stréčy; pirigindlo len sys štardešá pandž tysjoncy štaršelá.

⁵¹Ĥáda, kicý sys manušén, savé zaginé dre Izrailjoskire-čhavéngiro piriginybén: šovšelá jekh tysjonco eftašelá trijánda manušá.

⁵²I phendiá Raj Devél Mojzáske, rakirí:

⁵³“Pir davá piriginybén trej te rozdes phuv syr meknó mištypén adalé manušénge pir léngiro ginybén (kicypen) pir lav.

⁵⁴Konés butýr, odolénge phuv de butýr; a konés tyknedýr, odolénge phuv de tyknedýr: kažnonéske trej te den phuv dakicy, ci but manušén zaginé dro ginybén.

⁵⁵Pir žriébijo trej te rozden phuv: pir lavá léngire-dadengíre ródycy jone isyn bangé te doresen phuv;

⁵⁶pir žriébijo trej lénge te rozden léngiri phuv syr meknó mištypén, syr buté-manušengirenge, adiáke i tykné-manušengirenge.

⁵⁷Ake, adalé isyn, kon zagijá dre ginybén Lievitengiro pir léngire stréčy: Girsonostyr streč Girsonoskiri, Kaafostyr streč Kaafoskiri, Mieraristyr streč Mierariskiri.

⁵⁸Ĥáda, isyn stréčy Lievijonoskire: streč Livnijoskiri, streč Xievronoskiri, streč Mahlijoskiri, streč Mušyjoskiri, streč Koriejoskiri. Kaafostyr bijándyja Amramo.

⁵⁹Amramoskire-romniakiro lav sys Iohavieda, Lievijoskiri čhaj, savjá bijandiá Lievijoskiri romný dro Jegípto, a joj bijandiá Amramoske Aaronós, Mojzás i Mariam, léngire pheniá.

⁶⁰I bijándyne Aaronostyr Nadavo i Aviudo, Jelizáro i Ifamaro;

⁶¹ne Nadavo i Aviudo myné, kiéli jandlé natrebimo jag angíl Raste-Devléste.

⁶²I sys pirigindlo len bište trin tysjoncy sarén muršén, jekhe čhonestyr i butýr, pal-dová so jone na sys pirigindle khetané Izrailjoskire čhavénca, pal-dová so na sys dynó lénge učastko (phuv) maškír Izrailjoskire čhavénde pir phuv syr meknó mištypén.

⁶³Ĥáda, isyn odolé, savén pirigindle Mójza i Jelizáro, rašái, savé gindlé Izrailjoskire čhavén pe Moavoskire loščyny pašýl Iordáno, proti Jerihóno;

⁶⁴maškír lénde na sys ni jekhe manušés, savén gindia Mójza i Aaróno, rašái, savé gindlé Izrailjoskire čhavén pe Sinajoskiri čhučí phuv;

⁶⁵pal-dová so Raj Devél phendiá lénge, so meréna jone pe čhučí phuv, — i na jaciápe léndyr nikón (nikonés), apríč Xalievoste, Jefonijaskire čhavéste, i Isusóste (Johošuaste), Navinoskire čhavéste.