Read Biblija - Pe Baltitko Romani čib (Romanes) 2019 Baltic Romani Bible Mihiejo 6 Bible Online

Mihiejo 6 - Biblija - Pe Baltitko Romani čib (Romanes) 2019 Baltic Romani Bible bible

Mihiejo 6

¹Šunén akaná, so Raj Devél rakiréla: “Terdjov pe ĥerá, obsendiakir tyró réndo (diélo) angíl bérgi, i mek bérgicy te šunén tyrí zan.

²Šunén, bérgi, pal so Raj Devél sendiakiréla [žalinelape-ju.o.], i šunén tumé, zoralé-phuvjákire rikiribnytka (fundamienty), pal-dová so Raste-Devléste isyn séndo Léskire manušénca, i Jov lydžála réndo proti Izrailjo.”

³O Raj Devél rakiréla: “O Miré manušále! So Me kerdjom tuménge? I syr davá sys, so sýrby Me menčyndjom tumen? Dosykaven [otphenen-r.s.] Mánge.

⁴Pal-dová so Me vylydžijom tumen Jegiptóskire phuvjátyr, Me vyrakhcjom tumen pishar'jengire sastyrendyr; i Me bičhadjom angíl tuménde Mojzás, Aronos i Miriam.

⁵O Miré manušále! Priripiren akaná, syr o Valáko[2], králi Moavitoskiro, priduminelas čoripén, i so otphenélas léske Valaámo, čhavó Vieoroskiro, i so kerdiápe pe malia (stiepi) maškír Sitimo i Galgálo, sob (kaj) tumé moginénas saštý te udžinén čačipén Ráskire-Devléskiro.”

⁶Sósa te javav mánge angíl Raste-Devléste, i syr mánge te bandiakirav šeró angíl Bolybnáskire Devléste? Ci te javav mánge angíl Léste xačkiribnaskire sventoné dyibnenca? Ci jekhe-beršeskire cieliantenca?

⁷Ci javéla lačhó Ráske-Devléske, kóli me janáva but (tysjoncy) bakrén? Ci deš bará (tysjoncy) réki (leniá) maslinitkone dzetesa? Ci mánge trej te dav miré pervones, kon bijandjola mánde pal miro čoripén, bijatós miré maséndyr paló grého miré-dieskiro?’

⁸O Raj Devél sykadiá túke, o manuše, so isyn lačhipén, i so trej Ráske-Devléske tútyr: te kerés pir čačipén, te vykedes te kerés lačhipén, i te dživés naphut'kirdes angíl tyré Devléste!

⁹Ráskire-Devléskiri zan déla gódla foroske Jerusalimoske, i godypén déla patýv Léskire lavéske: “Šunén, khija, i Kodolés, Savó čhudiá les.

¹⁰Ci isyn iščo (inké) savé kučipena (sokroviščy) dro zlydnitko kher, dro savó zlydni manušá jandlé; i tykniakirdy (krotko) miéra, saví isyn džungaly Mánge, Ráske-Devléske.

¹¹Syr Mánge te ginav pal čačunende kodolén, savénde isyn načačune (fuj) ubladýtka (viesy), i xohané phurdyne (giri) dro jekh gonó?

¹²Barvalé manušá dalé foróstyr isyn drieván načačune [nahrata-ju.o.], i kodolé saré, kon dživéla dro davá fóro, xohavenas, i čib léngiri isyn xohany dro léngire uštá.

¹³Paldavá Me adiáke-pac' keráva, so tu javésa ĥará nasvaly, kiéli Me pekavava tut, kiéli Me keráva, so jačélape golotýnia (čhučipen) tútyr pal tyré gréhi.

¹⁴Tu javésa te xas, ne tu na javésa čaly; bokh (čhučipen) javéla andré tyró kužum (želudko). Tu javésa te lydžas krig vari-so [otčhuvesa péske-r.s.], ne tu na zrakhésa dová, i kodová, so tu zrakhésa, Me dáva tel kurtála.

¹⁵Tu javésa te počhuves dre phuv, ne tu na javésa te sčhines givá; tu javésa te tasaves (te štakires) maslinitka múri, ne tu na javésa te makhespe maslinitkone dzetesa; i tu vytasavesa vinagradýtko sóko (xum), ne tu na javésa te p'jes mol (vino).

¹⁶Pal-dová so tumé rikirdepe ke statúty Amvrijaskire, i ke saré butiá Ahavoskire kheréstyr, i tumé keréna saró pir léngiri godý, so Me keráva tuméndyr golotýnia (pustota), sob (kaj) te den šolia tumaré manušá, i jačélape pe tuménde bipatyv Miré-manušéngiri.”