Read Biblija - Pe Baltitko Romani čib (Romanes) 2019 Baltic Romani Bible Malahiia 4 Bible Online

Malahiia 4 - Biblija - Pe Baltitko Romani čib (Romanes) 2019 Baltic Romani Bible bible

Malahiia 4

¹Pal-dová so, ake, syg javéla dyvés, savó javéla te xačkirel saró sýrby bov, i saré phut'kirdé i načačune (zlydnia) manušá javéna syr čhučó phus; i davá dyvés, so javéla, pohačkirela len adiáke, — rakiréla jangoléngire-bolybnáskiro Raj Devél, — “So na jačélape ni rukh (kornjo), ni rand' (vetka).

²Ne vaš tuménge, kon daréla Miré lavéstyr, ĥazdélape Kham čačipnáskiro, so javéla te sastiakirel lučenca, i tumé džána javrí i tumé javéna te uhten, khelyndoj, sýrby thule cielianty.

³I tumé javéna te tradén načačunen (zlydnien), pal-dová so jone javéna syr práska [práho-r.s.] tel piré (podešvy) tumaré ĥerengire, dro do dyvés, syr Me keráva davá,” — rakiréla jangoléngire-bolybnáskiro Raj Devél.

⁴Ripiren Mojzáskiro Zakóno, Miré pishariskiro, savó Me priphendjom léske pe Xorivo vaš saró Izrailjo: statúty i zakóny.

⁵Ake, Me bičhaváva tuménge prorokós Ilijas angíl, syr javéla baró dyvés, i trašano (darano) Ráskire-Devléskiro.

⁶I jov riskiréla dadéngiro iló ke čhavé, čhavéngiro iló ke dadá, sob (kaj) Me, syr javáva, te na občhuvav phuv prokošybnasa.