Read Biblija - Pe Baltitko Romani čib (Romanes) 2019 Baltic Romani Bible Kolosianenge 4 Bible Online

Kolosianenge 4 - Biblija - Pe Baltitko Romani čib (Romanes) 2019 Baltic Romani Bible bible

Kolosianenge 4

¹Rajale, javén čačuné ke pishárja (raby), ripirén pal dová, so i tuménde isyn Xuláj dro Bolybnáskiro Rajo.

²Mangénpe Devléske saró časo, javén pe stréga parikiribnasa;

³mangénpe Devléske khetané adiáke-pac' pal aménde, sob (kaj) Devél te psiravel (te otphandel) aménge vudár vaš lav te rosphenas Xristosóskiro garadó čačipén, pal savó me som beštó dro štaribén,

⁴sob (kaj) me te moginav te rakiráv manušénge, adiáke syr trej.

⁵Dživén i lydžán pes god'vares napatiaibnaskirenca, pričhuvén iló ke kažno vakancyja (slučajo).

⁶Mek te javél tumaró lav saró časo bahtalypnasa i pričhude londesa, sob (kaj) tumé te džinén, syr kažnoné manušéske te otphenen.

⁷Pal mánde saró rosphenéla tuménge Tihiko, drógo pšal i patiaibnýtko khangirjákiro dynári i drúgo (mal) pir butý dre Raste-Devléste,

⁸savés me bičhadjom ke tumé vaš dová, sob (kaj) jov te udžinel pal tumaré réndy (diély) i, sob (kaj) te podrikirél tumaré ile,

⁹jov javéla ke tumé khetané Anisimosa, amaré patiaibnytkone i drogoné pšalesa, savó isyn tuméndyr: jone rosphenena tuménge pal saró, syr ame adáj sam.

¹⁰Piridela “ramanie” tuménge Aristarho, savó isyn beštó khetané mánca, i Marko Varnavaskiro plimieniko (bano), pal savéste me tuménge čhindjom; kóli jov javéla ke tumé, prilén les,

¹¹i Isúso, savés prokharde Iusto, jone trindžine isyn Judendyr maškír butende malende pir butý, savé kerdé butý vaš Devléskiro Kralipén, i savé podrikirenas man.

¹²Piridela “ramánjo” tuménge tumaró Jepafraso, Isusóskire-Xristosóskiro pishári, savó saró časo mangelape Devléske zoralés pal tuménde, sob (kaj) tumé te javén tvarda i zoralé dro patiaibén i te kerén saró pir Devléskiri vólia.

¹³Paldavá me dophenava pal léste, so jov keréla drieván pharí butý pal tuménde i pal odolénde, savé dživéna ke Laodikija i ke Iierapoljo,

¹⁴piridela “ramánjo” tuménge Luka, amaró drógo sastypnari (vračo), i adiáke-pac' Dimaso.

¹⁵Piridén “ramánjo” i miré pšalénge dre Laodikija, i Nimfanoske, i léskire kheritkoné khangirjake,

¹⁶kiéli javéna te ginen davá lyl tuménde, mek te proginen les i dre khangirí Laodikiicenge, a dová lyl, savó Laodikijatyr, proginen i tumé.

¹⁷I phenén Arhiposke, mek jov te kerél syr trej dynaribén, savó jov prilyjá dre Raste-Devléste.

¹⁸Davá piridyiben “ramánjo” isyn čhindló miré, Pavliskire vastésa. Ripiren, so me som beštó dro štaribén. Mek te javél bahtalypén sarénca tuménca. Amín'.