Read Biblija - Pe Baltitko Romani čib (Romanes) 2019 Baltic Romani Bible Isúso 12 Bible Online

Isúso 12 - Biblija - Pe Baltitko Romani čib (Romanes) 2019 Baltic Romani Bible bible

Isúso 12

¹Ake, isyn králja dolé phuvjákire, savén domardé Izrailjoskire čhavé i savengiri phuv lyné péske pir doiá Iordanoskiri rig ke khameskiro ŭzgiiben, Arnonoskire sygnone rekicatyr (lenorjatyr) ke Jermonoskiri bérga i sarí loščýna ke vastóko:

²O Sigono, Amoriejengiro králi, savó dživdiá ke Jesievóno, savó rikirdia phuv Aroierostyr, so isyn pašýl brégo Arnonoskire rekicatyr (lenorjatyr), i ke paš rékica (lenorí), pašýl Galaádo, ke Javokoskiri rékica (lenorí), kaj sys Amonitianengiri rig,

³i ke loščýna ke Xinieriefoskiro mórjo (derjáv) ke vastóko i ke morjoskiri loščýna, Londo mórjo (derjáv), ke vastóko pir drom ke Bief-Ješymofo, a ke paš-dyvés (jugo) štetenca, savé sys pašté telál pašýl Fasga;

⁴i Ogoskiri provincyja, kon sys Vasaoskiro králi, palatunó (posliednjo) Riefaimendyr, savó dživdiá ke Astarofo i dre Jedreja,

⁵savó rikirdia bérga Jermono, i Salha, i saró Vasáno, ke Giesuroskiro i Maahoskiro-miežakiri rig, i paš Galaádo, ke Sigonoskiri rig, Jesievonskone-kralískiri.

⁶O Mójza, Ráskire-Devléskiro pishári, i Izrailjoskire čhavé domardé len; i dyjá la Mójza, Ráskire-Devléskiro pishári, dre meknó mištypén (nasliedijo) Ruvimóskire i Gadóskire rodycóske i paš Manasijáskire rodycóske.

⁷I, ĥáda, isyn králja Amoriejéngire phuvjákire, savén domardiá Isúso i Izrailjoskire čhavé pir daja Iordanoskiri rig ke zapado, Vaal-Gadostyr pe Livanoskiro doloske Xalaka, bérga, saví tyrdelape ke Sieiro, saví otdyjá Isúso Izrailjoskire rodycenge dro meknó mištypén (nasliedijo), pir léngiro roskeriben,

⁸pe bérga, pe telatuné štéty pe loščýna, pe štéty, savé isyn pašýl bérgi, i pe čhučí phuv, i pe paš-dyvés (jugo), Xietiejen, Amoriejen, Xananiejen, Fierieziejen, Jeviejen i Jevusiejen:

⁹iekh králi Jerihonoskiro, jekh Gajoskiro, so isyn pašýl Viefíljo,

¹⁰iekh králi Jerusalimoskiro, jekh králi Xievronoskiro,

¹¹iekh králi Jarmufaskiro, jekh králi Lahisoskiro,

¹²iekh králi Jeglonoskiro, jekh králi Giezieroskiro,

¹³iekh králi Daviroskiro, jekh králi Gadieroskiro,

¹⁴iekh králi Xormakiro, jekh králi Aradoskiro,

¹⁵iekh králi Livnakiro, jekh králi Odolamoskiro,

¹⁶iekh králi Makiedoskiro, jekh králi Viefiljoskiro,

¹⁷iekh králi Tapuahoskiro, jekh králi Xiefieroskiro,

¹⁸iekh králi Afiekoskiro, jekh králi Šaronoskiro,

¹⁹iekh králi Madonoskiro, jekh králi Asoroskiro,

²⁰iekh králi Šimrono-Mieronoskiro, jekh králi Ahsafoskiro,

²¹iekh králi Faanahoskiro, jekh králi Miegidonoskiro,

²²iekh králi Kiediesoskiro, jekh králi Ioknieamoskiro pašýl Karmilo,

²³iekh králi Doroskiro pašýl Nafaf-Doro, jekh králi Goimoskiro dro Galgálo,

²⁴iekh králi Fircakiro: sarén kral'jén sys trijánda jekh (savén pirizorjakirde Izrailjoskire čhavé).