Read Biblija - Pe Baltitko Romani čib (Romanes) 2019 Baltic Romani Bible Isúso 15 Bible Online

Isúso 15 - Biblija - Pe Baltitko Romani čib (Romanes) 2019 Baltic Romani Bible bible

Isúso 15

¹I sys žriébijo Judáskire čhavéngire rodóske, pir léngire kherítka ródy, vypyja dasavo: pe miéža Idumejasa sys čhučí phuv Sin, ke paš-dyvés (jugo), pašýl Fiemanoskiro jagóro (krajo);

²paš-dyvesytkoné léngire rigasa pir miéža sys Londeskire-morjoskiro (derjavéskiro) jagóro (krajo), savó tyrdelape ke paš-dyvés zalivostyr;

³pe paš-dyvés jov džála ke vučipén Akravimoskiro, džála pašýl Cino, i, džála upré paš-dyvesytkoné rigátyr ke Kadies-Varni, džála pašýl Xiecrono, i, džála upré ke Adaro, poriskirela ke Karkaja,

⁴Paló davá jov prodžála Acmono, džála pašyledýr ke Jegiptóskiri rékica (lenorí) adiáke, so jagóro dalé rigakiro isyn mórjo (derjáv). Davá javéla paš-dyvesýtko tumarí rig.

⁵Rigasa pir miéža ke vastóko sys Londo mórjo (derjáv), ke jagóro Iordanoskiro; a rig paš-ratitkoné sieviernone rigátyr lélape morjoskire (derjavéskire) zalivostyr, Iordanoskire jagoróstyr;

⁶adathýr rig džála upré ke Bief-Xogla i prodžála paš-ratitkoné rigátyr ke Bief-Arava, i džála rig upré ke Boganoskiro bar, Ruvimóskire čhavéskiro;

⁷Tén'ci (potom) džála upré rig ke Daviro dolostyr Ahoro, i pe paš-rat (sieviero) riskiréla ke Galgálo, savó isyn proti Adumimoskiro vučipén, savó isyn paštó paš-dyvesytkoné rekicakire rigátyr; adathýr rig prodžála ke Jen-Šemiešoskire paniá i končynelape pašýl Jen-Rogielo.

⁸Adathýr rig pir miéža džála upré ke Jenomoskire-čhavéskiro dólo paš-dyvesytkoné Jevusoskire rigátyr, savó isyn Jerusalimo, i ĥazdélape rig pe bergákiro vučipén, savó isyn ke zapado proti Riefaimoskiro dólo ke paš-rat;

⁹bergakire vučipnástyr miežakiri rig riskiréla ke Nieftoahoskiri panieskiri ĥanyngori (istočniko) i džála ke fórja Jefronoskire bergakire, i riskiréla miežakiri rig ke Vaalo, savó isyn Kiríaf-Jarimo;

¹⁰Tén'ci (potom) riskiréla miéža Vaalatyr ke mórjo (derjáv), ke bérga Sieiro, i džála paš-ratitkoné bergakire Iiearimoskire rigasa, saví isyn Kiesalono, i dodžála telé ke Viefsamiso, i prodžála pirdál Fimna.

¹¹Adathýr miežakiri rig džála paš-ratitkoné (sieviernone) Jekronoskire rigasa, i riskiréla rig ke Šikarono, prodžála pirdál bérga Vaalo i dodžála ke Iavnieilo, i jagóro miežakiro dodžála ke sámo mórjo (derjáv). Zapadnone-miežakiri rig isyn pir brégo baré morjostyr (derjavestyr).

¹²Ĥáda, isyn miežakiri rig Judáskire-čhavéngiro pir léngire kherítka ródy (pliémi) saré rigéndyr.

¹³I Xalievoske, Jefonijoskire čhavéske, Isúso dyjá paš maškír Judáskire čhavénde, syr priphendiá Raj Devél Isusóske: Kiríaf-Arba, Jenakoskire dadéskiro, javirés davá štéto kharélape Xievróno.

¹⁴I vytradyjá odothýr Xalievo trinen Jenakoskire čhavén: Šiešajos, Ahimanos i Falmajos, Jenakoskire čhavén.

¹⁵Adathýr gijá jov proti Daviroskire manušénde (lav Daviroskiro angledýr sys Kiríaf-Siefiero).

¹⁶I phendiá Xalievo: “Kon džála maribnása pe Kiríaf-Siefiero i léla les, odoléske otdáva Ahsa, čha mirja, paloróm”.

¹⁷I lyjá les Gofoniilo, Kienazoskiro čhavó, Xalievoskire-pšaleskiro, i otdyjá jov léske Ahsa, peskirjá čha, dre romniá (romniáte).

¹⁸Kiéli javdiá časo láke te džal, la vysykliakirde te mangél lákire dadéstyr félda, i joj zgija oslostyr. Xalievo phendiá láke: “So túke?”

¹⁹Joj phendiá: “De mánge bahtiakiribén; tu dyján mánge phuv paš-dyvesýtko (poludjono), de mánge ĥanyngorja (istočniki) panieskire”. I dyjá jov láke ĥanyngorja upratune i ĥanyngorja telatuné.

²⁰Ĥáda, isyn mištypnáskiri miéra Judáskire čhavéngire rodycoskire, pir kherítka ródy (pliémi) léngire:

²¹fórja pe jagóro (krajo) Judáskire čhavéngire rodycóstyr sys khetané Idumiejosa pe paš-dyvesýtko (taty) rig: Kavceilo, Jediero i Iaguro,

²²Kina, Dimona, Adada,

²³Kiedieso, Asoro i Ifnano,

²⁴Zifo, Tieliemo i Valofo,

²⁵Gacor-Xadafa, Kiriafo, Xiecrono, javirés kharélape Gacoro,

²⁶Amamo, Šema i Molada,

²⁷Hacar-Gada, Xiešmono i Vief-Palieto,

²⁸Hacar-Šualo, Virsávija i Viziofeja,

²⁹Vaalo, Iimo i Acemo,

³⁰Jelfolado, Kiesilo i Xorma,

³¹Cyklago, Madmano i Sansana,

³²Lievaofo, Šelihimo, Aino i Rimono: saré biš te jeniá fórja léngire gavenca.

³³Pe telatuné štéty: Ještaolo, Cora i Ašna,

³⁴Zanoaho, Jen-Ganimo, Tapuaho i Gajenamo,

³⁵Iaramufo, Odolamo, Soho i Azieka,

³⁶Šaaraimo, Adifaimo, Giediera ci Giedierofaimo: dešuštar fórja léngire gavenca.

³⁷Cenano, Xadaša, Migdal-Gado,

³⁸Dilieano, Micfe i Iokfieilo,

³⁹Lahiso, Vockafo i Jeglono,

⁴⁰Habono, Lahmaso i Xifliso,

⁴¹Giedierofo, Bief-Dagono, Najema i Makiedo: dešušov fórja léngire gavenca.

⁴²Livna, Jefiero i Ašano,

⁴³Ifofaho, Ašna i Niecyvo,

⁴⁴Kieila, Ahzivo i Marieša: jeniá fórja léngire gavenca.

⁴⁵Jekrono léskire for'jenca i gavenca, savé sys tel léskiri zor.

⁴⁶I Jekronostyr saró ke mórjo (derjáv), so isyn pašýl Azoto, léngire gavenca,

⁴⁷Azoto, léskire fórja i gavá, savé sys tel léskiri zor, Gaza lákire fórja i gavá, savé sys tel lákiri zor, ke kokori Jegiptóskiri sýgno rékica (lenorí) i baró mórjo (derjáv), saveskiro brégo isyn miežakiri rig.

⁴⁸Pe bérgi sys: Šamiro, Iatiro i Soho,

⁴⁹Dana, Kiriafo-Sana, javirés Daviro,

⁵⁰Anafo, Eštemo i Animo,

⁵¹Gošeno, Xolono i Gilo: dešujekh fórja léngire gavenca.

⁵²Aravo, Duma i Ješano,

⁵³Ianumo, Bief-Tapuaho i Afieka,

⁵⁴Humta, Kiríaf-Arby, javirés kharlape Xievróno i Cygoro: jeniá fórja léngire gavenca.

⁵⁵Maono, Karmilo, Zifo i Juta,

⁵⁶Izriejeljo, Iokdamo i Zanoaho,

⁵⁷Kaino, Givá i Fimna: deš fórja léngire gavenca.

⁵⁸Halhulo, Bief-Curo i Giedoro,

⁵⁹Maarafo, Bief-Anofo i Jeltiekono: šov fórja léngire gavenca.

⁶⁰Kiríaf-Vaalo, javirés kharlape Kiriafo-Jarimo, i Arava: duj fórja léngire gavenca.

⁶¹Pe čhučí phuv: Bief-Arava, Midino i Siekaha,

⁶²Nivšano, Ir-Mielaho i En-Giedi: šov fórja léngire gavenca.

⁶³Ne Jevusiejen, Jerusalimóskire manušén, na mogindlé te vytraden Judáskire čhavé, i paldavá Jevusiei dživéna Judáskire čhavénca ke Jerusalimo až ke davá dyvés.