Read Biblija - Pe Baltitko Romani čib (Romanes) 2019 Baltic Romani Bible Sykadyipén 10 Bible Online

Sykadyipén 10 - Biblija - Pe Baltitko Romani čib (Romanes) 2019 Baltic Romani Bible bible

Sykadyipén 10

¹I me dykhcjom javire zoralé Jangolós, Savó džálas telé bolybnástyr i Savó sys sýrby uridó dro óbloko. Pe léskiro šeró sys bryšyndytko bangi (raduga) i léskiro muj sys sýrby kham i léskire piré (podešvy) sys sýrby jagakire stýlby,

²i léste sys dro vast tyknó svítko, savó sys otphandló. I jov čhudiá péskiri čačí (pravo) ĥerój pe mórjo (derjáv), a zérvo (liévo) ĥerój ža pe phuv,

³i jov dyjá gódla adiáke zoralés, syr ščer (liévo) rykinela. I kiéli jov dyjá gódla, tedy eftá grómy phendlé péskire zanienca (glosienca).

⁴I kiéli eftá grome phendlé, tedy me skedyjompe te čhinav. I me šundjom zan bolybnástyr, so phendiá: “Garáv davá pe čergenorí, saví phendlé eftá grómy i na začhin davá.”

⁵I Jangólo, Saves me dykhcjom, terdindoj pe morie (derjáv) i pe phuv, ĥazdyjá péskiro čačó vast ke bolybén,

⁶i sovlahadiá Odolesa, Kon dživéla pe saré viéki, Savó sozdyjá bolybén i dová, so isyn dro Bolybnáskiro Rajo, i phuv i dová, so isyn pe phuv; i mórjo (derjáv) i dová, so isyn dro mórjo (derjáv). I phendiá davá Jangólo, so butýr na javéla te otčhuvelpe dyvés,

⁷kiéli dre dyvesá, syr eftáto Jangólo phurdela dre péskiro rógo, tedy Devél keréla pir Leskiro ĥarado zaduminyben. Davá saró javéla adiáke, syr Jov mištó phendiá péskire pishar'jénge, prorokenge.

⁸I zan, saví me šundjom bolybnástyr, nevéstyr rakirdiá mánca i phendiá: “Džá, le svítko, so isyn otphandló dro Jangoloskiro vast, savó isyn terdó pe mórjo (derjáv) i pe phuv.”

⁹I me gijom ke Jangólo, rakirí léske te del mánge tyknó svítko. I jov phendiá mánge: “Le i xa les. Joj iavéla kirko dro tyró kužum (želudko), a dro tyró muj jov javéla gudló syr avgín.”

¹⁰I me lyjom davá tyknó svítko Jangoloskire vastéstyr i xajom les. Jov sys gudló syr avgín dro miro muj. I kiéli me nakhadjom les, jov jaciá kirko dro miro kužúm (želudko).

¹¹I sys phendló mánge: “Túke trej nevéstyr te angilphenes angíl manušýtka rásy, kherítka ródy (pliémi), jekhé-čibákire irjá (čibá/ čibjá), angíl kral'jénde.”