Read Bambam Kadadiam 36 Bible Online

Kadadiam 36 - Bambam bible

Kadadiam 36

¹Susi inde tulasanna peänäsanna Esau (biasa toi duka' diuaam Edom).

²Esau umpobaine tallu to Kanaan: Ada, änä'na to Het isanga Elon, anna Oholibama, änä'na Ana, ampona Zibeon to Hewi,

³sola Basmat, adinna Nebayot bassim änä'na Ismael.

⁴Indo Ada undadiam Elifas. Anna indo Basmat undadiam Rehuel,

⁵anna Oholibama undadiam Yeush, Yaelam, anna Korah. Iam too ingganna änä'na Esau nadadiangam bainena dio Kanaan.

⁶Pissam wattu le'ba' Esau umpellei Yakub, adinna, lu lako botto senga'. Umpasola ingganna bainena sola änä'na muane anna baine anna ingganna issi banuanna. Susi toi ingganna dombana, bekena, sapinna, anna ingganna kullena indo pallolonganna dio Kanaan nababa asam.

⁷Buda sugali' kullena nasuhum tä'um deem ongeam la mala naongei sola. Aka indo botto naongei tä'um sihua napa'kambi'i olo'-olo'na aka buda sugali'.

⁸Iam too anna mentieli'um ia Esau, battu diua Edom, le'ba' lako ongeam tipatanete isanga Seir.

⁹Indem ia tulasanna pessubunna Esau, nene kabuttuanna to Edom to tohho dio ongeam tipatanete isanga Seir:

¹⁰Änä'na Esau nasibalii Ada isanga Elifas, anna nasibalii Basmat isanga Rehuel, bassim muane.

¹¹Elifas undadiam Teman, Omar, Zefo, Gaetam anna Kenas.

¹²Deempi änä'na nadadiangam Timna baine lolä'na Elifas isanga Amalek. Iam too ampona Ada, bainena Esau.

¹³Rehuel ia undadiam Nahat, Zerah, Syama anna Miza. Iam too ampona Basmat, bainena Esau.

¹⁴Anna Oholibama änä'na Ana, ampona Zibeon undadiangam Esau änä' isanga Yeush, Yaelam anna Korah.

¹⁵Indem ia änä'na sola ampona Esau nene to naponene to umpangngissi mobotto-bottoam: Elifas, änä' uluana Esau undadiam nene to naponene to Teman, to Omar, to Zefo, to Kenas,

¹⁶to Korah, to Gaetam anna to Amalek. Iam too peänäsanna Elifas pessubunna Ada, nasibalii Esau dio Edom.

¹⁷Anna Rehuel ia, änä'na duka' Esau undadiam nene to naponene to Nahat, to Zerah, to Syama, anna to Miza. Iam too peänäsanna Rehuel, pessubunna Basmat, nasibalii Esau dio Edom.

¹⁸Oholibama, bainena Esau undadiam nene to naponene to Yeush, to Yaelam, anna to Korah. Iam too peänäsanna Oholibama, indo änä'na Ana.

¹⁹Iam too inde pessubunna Esau sangngim nene to naponene to Edom.

²⁰Indem ia änä'na Seir, to Hori, issi litä' dio Edom: Lotan, Syobal, Zibeon, Ana,

²¹Disyon, Ezer, anna Disyan. Padam too inde peänäsanna Seir nene to naponene to Hori dio Edom.

²²Änä'na Lotan isanga Hori anna Heman. Solasubunna Lotan baine isanga Timna.

²³Änä'na Syobal isanga Alwan, Manahat, Ebal, Syefo anna Onam.

²⁴Änä'na Zibeon isanga Aya anna Ana. Ana iam too ullambi' kalimbuä kanam dio pohiallasam indo anna le'ba'i ungkambi' keledainna Zibeon ambena.

²⁵Änä'na Ana isanga Disyon anna Oholibama, baine ia.

²⁶Änä'na Disyon isanga Hemdan, Esyban, Yitran anna Keran.

²⁷Änä'na Ezer isanga Bilhan, Zaawan anna Akan.

²⁸Änä'na Disyan isanga Us anna Aran.

²⁹ [29-30] Iam too inde nene to naponene to Hori: Lotan, Syobal, Zibeon, Ana, Disyon, Ezer anna Disyan situhu' kabuttuanna anna tadongkonganna dio pa'lembängam Seir.

³¹ [31-39] Indo anna tä'pi deem tomahajanna to Israel, deemmi ia tomahaja sibala'-bala' ma'pahenta dio Edom. Mate oi mesa, nabala' oom solana. Indo tomahaja isanga: Bela änä'na Beor buttu dio mai kota Dinhaba; Yobab änä'na Zerah buttu dio mai Bozra; Husyam buttu dio mai Teman; Hadad änä'na Bedad buttu dio mai Awit (iam too untaloi to Midian indo anna sibundu'i dio lembäna Moab); Samla to buttu dio mai Masreka; Saul to buttu dio mai Rehobot dio bihim salu; Baal-Hanan änä'na Akhbor; Hadar to buttu dio mai Pahu (bainena isanga Mehetabeel, änä'na Matred, ampona Mezahab).

⁴⁰ [40-43] Anna indem ia sanganna botto anna kabuttuanna to umpangngissi Edom, pessubunna Esau: Timna, Alwa, Yetet, Oholibama, Ela, Pinon, Kenas, Teman, Mibzar, Magdiel anna Iram. Ia asammi too inde sanga dipakonaiam pessubunna anna tadongkonganna si mesa-mesa.