Read Bambam Lukas 1 Bible Online

Lukas 1 - Bambam bible

Lukas 1

¹O Teofilus to dipa'kasallei, budam tau umpeäi lalanna anna malai natuli' situhu' tonosanna ingganna indo kadadiam to puha dadi illaam alla'-alla'na hupatau.

²Sikanatuli' situhu' indo puha natulasangkia' to umpa'pakahebaam Battakada Debata, indo to muitai sola mata mengkalao pahandu'na kadadiam ia too.

³Dadi tappana kupellantunni manappa mengkalao pahandu'na kaha-kaha ia too, iya kuuam mapia ke kutuli'i situhu' tonosanna ingganna ia too anna malai umbata.

⁴Kupateem anna malai muissam muua indo to puha dipa'guhuangko abana tappa' si'da.

⁵Wattunna anna mendadi tomahajai Herodes dio lembäna Yudea, deem mesa sando isanga Zakharia, mentama duka' kamesaanna to mate Abia. Bainena Zakharia isanga Elisabet, mesa duka' pessubunna sando Harun.

⁶Indo to dua, malolo pa'palakoanna dio olona Puang Allataala, aka bassim tä' deem sassainna kamanuhusanna untuhu'i ingganna pahentana Debata.

⁷Sapo' indo to sipobaine tä' deem änä'na, aka abana tämänä Elisabet, anna bassim matuam.

⁸Pissam wattu, lambi' oom wattunna la ma'palako sando to mentama kamesaanna to mate Abia, nasuhum Zakharia umpalako oloam sando dio olona Puang Allataala.

⁹Situhu' kabiasaam, si diundi indo to la umpalako oloam sando illaam Banua Debata la untunu tunuam bubanau', iya Zakharia nahua eta too.

¹⁰Mahassanni dipalako indo hettem tunuam bubanau', sulibam ia tau buda ma'sambajam.

¹¹Wattu etam too naongei umpa'paitaam kalena mesa malaika'na Debata lako Zakharia. Indo malaika' ke'de' dio tandai kananna indo meja dipantunui tunuam bubanau'.

¹²Naitanna Zakharia indo malaika', tappa tikkedu' anna mahea'.

¹³Sapo' ma'kada indo malaika' naua: “O Zakharia, daa ummahea', nahingngiammi Puang Allataala pa'sambajammu. Nasuhum la nadadiangangko bainemu Elisabet mesa änä' muane-ane anna la ussangai Yohanes.

¹⁴Tä' deem pada la satiala inabammu ke dadim indo änä'-änä', anna la buda tau kassi wattu eta too.

¹⁵Aka indo änä'mu, mesa to la keangga' dio olona Debata. La tä' mala muihu' anggur sola uwai senga' indo si mepamäbo'na. Anna subunna too, iya naponnoim Penaba Maseho.

¹⁶La buda to Israel napopengngolo sule lako Puang Allataala, Debata to napenombai nene to naponene.

¹⁷Anna la umpendioloangam Debata sule naponnoi kuasa susi nabi Elia. La umpasikapiai ambe anna änä', anna lako tau to tä' manuhu' la napatinanda sule lako lalanna to si umpogau' kamaloloam. Pa'palakoam iam too umpaitai lalam hupatau anna mala toka penabanna la mendadi umma'na Debata.”

¹⁸Iya natimba'im Zakharia lako indo malaika' naua: “Tä' natama pikkihangku itim tula'mu, aka kao illaammä' kamatuaam, susi siam duka' baineku.”

¹⁹Natimba' indo malaika' naua: “Kaom too Gabriel to si nasua Puang Allataala. Anna nasua omä' temo umpalambisangko inde Kaheba Katilallasam.

²⁰Inde to puha kutula' tä' mala tala dadi ke lambi'um wattunna. Sapo' aka tä'ko kannam, nasuhum tä'ko la mala ma'kada sule lako diganna'i inde kaha-kaha puha kupokada.”

²¹Wattu eta too, mamali'um tau buda muampai Zakharia anna sangngim mängä-mängä naua: “Akanna masäe sugali'i illaam Banua Debata?”

²²Pissananna ham ia messubum illaam mai tä'um mala ma'kada, iya napakana mandam lako tau buda indo to naita illaam Banua Debata. Naissam pole' tau buda naua: “Deem aka-aka napaitaiam Debata illaam.”

²³Tappana puha wattu pengkähänganna Zakharia illaam Banua Debata, iya ma'pasulem lako tondä'na.

²⁴Tä' masäe lessu'na ia too, iya kebättä si'da ham Elisabet bainena, lambi' ungkuhum kalena illaam banua lima bulanna.

²⁵Iya nauam Elisabet: “Inde kaha-kaha napadadi Debata tama kaleku, solanapi pa'kamasena di kao nasuhum tä'mä' pole' la si napa'bahinni'-hinni'i solaku.”

²⁶Annanni bulanna tambu'na Elisabet, iya nasuam Puang Allataala indo malaika' isanga Gabriel lao lako Nazaret, mesa tondä' dio lembäna Galilea.

²⁷Dioi, umpellambi'im mesa änä' daha isanga Maria. Indo Maria balim nakutanai muane isanga Yusuf, mesa duka' peampoanna tomahaja Daud.

²⁸Iya ma'kadam indo malaika' lako Maria naua: “O to kehongko'! Naundu'ko anna namana' Debata.”

²⁹Tikkedu' Maria uhhingngi tula'na indo malaika' lambi' mekutana illaam penabanna naua: “Aka hia umbai' kalembasanna indo tula' ingngena'?”

³⁰Iya nauam indo malaika': “O Maria, daa ummahea' aka iko mesako to napilei Puang Allataala la natamba'.

³¹La kebättäko anna la undadiangko änä' la muane-ane anna la ussangai Yesus.

³²La mendadi mesa to kasalle anna la diuaam Änä'na Puang Allataala To Handam Matande. La napatadongkom Puang Allataala Debatanta mendadi tomahaja illaam kapahentaanna tomahaja Daud nene to naponene.

³³Anna la umpahenta pessubunna Yakub sule lako salako-lakona, anna kapahentaanna tä' deem la meangganna.”

³⁴Iya ma'kadam Maria lako indo malaika' naua: “La mala haka tia sule lako itim kadammu aka tä'pä' deem siisso muane.”

³⁵Sapo' naua indo malaika': “Penaba Maseho la ussalokko'ko anna kakuasaanna To Handam Matande la mengkähä illaam kalemu. Iam too anna la diuaammi indo änä'-änä' la undadiam: ‘To Malolo, Änä'na Puang Allataala.’

³⁶Ungkilalai haka indo Elisabet sahapummu, annammi bulanna tambu'na temo, moi anna illaammi kamatuaam anna si naua asammi tau: ‘Tämänä.’

³⁷Aka tä' ia deem nakapusa'i Puang Allataala.”

³⁸Iya nauam Maria: “Kao sabua'naä' Debata; iai too muua, iam too la dadi tama kaleku situhu' indo tula'mu.” Iya le'ba'um indo malaika' umpellei Maria.

³⁹Puhanna ia too, tappa le'ba' siaham Maria lako mesa kota dio lembäna Yudea yabo tipatanetena.

⁴⁰Sulei lako, iya le'ba'um tama banuanna Zakharia anna umpa'kadai Elisabet.

⁴¹Nahingnginna Elisabet pa'kadanna Maria, tappa pahiu siaham indo änä'-änä' illaam tambu'na. Iya nasahum siaham Penaba Maseho Elisabet,

⁴²lambi' metamba naua: “Ingganna baine iko handam ma'kalolosam tamba'mu, anna la ditamba' toi indo änä'-änä' la undadiam.

⁴³Setonganna tä' sihatannä' la napellambi'i indona Debatangku.

⁴⁴Aka kuhingnginna pa'kadammu, tappa pahiu siaham indo änä'-änä' illaam tambu'ku, kassi.

⁴⁵Kehongko'ko anna maupa', aka ungkatappa'i muua indo kadanna Debata tama kalemu tä' mala tala dadi!”

⁴⁶Iya ma'kadam Maria naua: “Mengkalao illaam unä' penabangku lemba' dio pudu'ku umpujiä' Debata,

⁴⁷anna kutilalla'i sola sakalebu penabangku längäm Puang Allataala to umpasalama'ä',

⁴⁸aka moinna anna mesaä' to handam matuna, sapo' tontää' napaillaam penaba. Napahandu' temo la nauaam asannä' ingganna lapi'na hupatau: ‘To kehongko'.’

⁴⁹Aka Puang Allataala To Handam Kuasa puha umpogau' tanda memängä-mängä tama kaleku. Maseho sanganna!

⁵⁰Pa'kamasena Puang Allataala tihandu' lako ma'hupatau sule lako ampo-ampona to mengkahea' dio olona.

⁵¹Katea' bassinna umpogau' pa'pogausam kasalle. Puha usseham ingganna to malangka' penaba anna ingganna pattujunna napompoi asam.

⁵²Buda tomahaja napatuhum yabo mai okkosam kahajaanna, sapo' to madio napomatande.

⁵³Umpadea' kamapiaam ingganna to tadea', sapo' to makaka nahambai ia lao ma'pala' lo'bä.

⁵⁴Umpamoloi pessubunna Israel sabua'na, tä' deem lembe nakamasei.

⁵⁵Aka Puang Allataala tä' ungkalembei pa'dandianna lako Abraham nene to naponene, sola ingganna pessubunna sule lako salako-lakona.”

⁵⁶Umbai' tallu bulampi tohho Maria dio sola Elisabet, mane ma'pasulei lako banuanna.

⁵⁷Tappana lambi' wattunna keänä' Elisabet, iya undadiammi mesa änä' muane-ane.

⁵⁸Naissanna ingganna sambanuanna sola kasahapuanna maaka susi pa'kamasena Debata lako Elisabet, iya tä' deem pada satilalla' duka' sola Elisabet.

⁵⁹Kahuai benginna subunna indo änä'-änä', iya suleim anna nasunna'i. Sangngim mohäe la nasangai Zakharia napasikona ambena,

⁶⁰sapo' naua indona: “Tää', aka la disangai hi tia Yohanes.”

⁶¹Natimba'iim naua: “Aka tä' deem kasahapuammua' ma'sanga susi.”

⁶²Iya umpa'pakana-kanam limanna lako Zakharia hapam nakutanai naua: “Aka la disangaiam inde änä'-änä'?”

⁶³Iya umpelaum batu tuli' anna natuli'i naua: “La disangai Yohanes.” Iya sangngim mängä-mängä pole'.

⁶⁴Wattu eta siam anna tibukkai sule pudu'na Zakharia, lambi' mala sule ma'kada anna umpujii Puang Allataala.

⁶⁵Ingganna sambanuanna sangngim mahea', anna ia mandam natula' lako dio mai ingganna tau dio tipatanetena Yudea.

⁶⁶Ingganna to uhhingngii kaha-kaha ia too sangngim mekutana illaam penabanna naua: “La dadi aka amo indo änä'-änä' ke dako'i?” Aka mannassa anna naundu'i Debata.

⁶⁷Indo Zakharia ambena indo änä'-änä' nasahum Penaba Maseho, nasuhum umpalombum kadanna Debata naua:

⁶⁸“Tapujiia' sanganna Puang Allataala Debatanna to Israel, aka sulem umpellambi'i umma'na anna nalappasam.

⁶⁹Nabeengkia' To Mepasalama' tä'um deem tondonna, pessubunna tomahaja Daud sabua'na.

⁷⁰Umba susi puha nadandi Puang Allataala napalanda' ingganna nabi masehona yolona,

⁷¹la nalappasangkia' dio mai balinta anna kakuasaanna ingganna to ungkabassikia'.

⁷²Susim too umpatandaam pa'kamasena anna ungganna'i pa'dandiam masehona indo to puha nadandi lako nene to taponene.

⁷³Indo pa'dandiam to puha napa'pindai lako Abraham nene to taponene naua:

⁷⁴‘La kulappasangkoa' dio mai balimmu, anna mala beba'koa' umpalako pa'elo'ku,

⁷⁵anna la tontä liukoa' tubo situhu' pa'elo'ku anna umpogau' kamaloloam dio oloku upu' salu katuboammua'.’

⁷⁶Anna iko änä'ku, la disangaiko nabinna Puang Allataala To Handam Matande; Aka ikom too disua mendiolo la umpatokaam lalam Debata.

⁷⁷La umpa'paissangam lako umma'na muua la mala tau dipasalama' ke naampunnim Puang Allataala dosata.

⁷⁸Napateem aka tä' deem pada sakasalle pa'kamasena Puang Allataala lako kita, lambi' tuhum yabo mai suhuga napellambi'ikia' sihhapam bihha'na allo ke mebengngi'i,

⁷⁹la muindo ingganna hupatau to tubo illaam kamalillingam anna illaam lembäna kamateam, la napatinanda lako lalam kamasannangam.”

⁸⁰Iya tuttuam kasallem indo änä'na Zakharia anna tuttuam manontom. Iya tohhom dio pohiallasam sampe lambi' wattunna umpa'patandaam kalena lako to Israel.