Read Banggai TEALIAN 5 Bible Online

TEALIAN 5 - Banggai bible

TEALIAN 5

¹ Naiyamo kona tinulisan Adam nakatulunan. [Doi tempodoo Mian Bisa napasitakaano kobangkapi, Yana tealikene yanila buno Mian Bisa susuungo.

² Yana pasitakayo yanila mala-malane tukon boine. Yana balakaatio yanila tukon sombuikene yanila “Bangkapi”.]

³Salataa Adam 130 kotaun kona umur, yana malaat meeng kopau malaneno moposialung tukon butongo, maka yana beena sambu Set.

⁴Lapa doiya Adam daano motubo koidan 800 kotaun tukon malaat pau-pau bailon.

⁵Yana mate kona umur 930 kotaun.

⁶Doi tempo Set kona umur 105 kotaun, yana malaat pau malaneno, kosambuno Enos.

⁷Lapa doiya Set daano motubo 807 kotaun koidan tukon daanoon momalaat pau-pau bailon.

⁸Yana mate kona umur 912 kotaun.

⁹Doi tempo Enos kona umur 90 kotaun, yana malaat pau malaneno, kosambuno Kenan.

¹⁰Lapa doiya Enos daanoon motubo 815 kotaun koidan tukon daanoon momalaat pau-pau bailon.

¹¹Yana mate kona umur 905 kotaun.

¹²Doi tempo Kenan kona umur 70 kotaun, yana malaat pau malaneno, kosambuno Mahalaleel.

¹³Kenan daanoon motubo 840 kotaun koidan tukon malaat pau-pau bailon.

¹⁴Yana mate kona umur 910 kotaun.

¹⁵Doi tempo Mahalaleel kona umur 65 kotaun, yana malaat pau malaneno, kosambuno Yared.

¹⁶Lapa doiya Mahalaleel daano motubo 830 kotaun koidan tukon malaat pau-pau bailon.

¹⁷Yana mate kona umur 895 kotaun.

¹⁸Doi tempo Yared naumur 162 kotaun, yana malaat pau malaneno, kosambuno Henokh.

¹⁹Lapa doiya Yared daanoon motubo 800 kotaun koidan tukon daano momalaat pau-pau bailon.

²⁰Yana mate kona umur 962 kotaun.

²¹Doi tempo Henokh naumur 65 kotaun, yana malaat pau malaneno kosambuno Metusalah.

²²Lapa doiya Henokh tubo doi pomeenggonan lalomo tukon Mian Bisa 300 kotaun kona kalumbit. Yana malaat pau-pau bailon.

²³Tukon kona umur laate 365 kotaun.

²⁴ Sabab Henokh sidutu tubo monondok tukon Mian Bisa, yana lapus sabab Mian Bisa komo alayo.

²⁵Doi tempo Metusalah kona umur 187 kotaun, yana malaat pau malaneno, kosambuno Lamekh.

²⁶Lapa doiya Metusalah daano motubo 782 kotaun koidan tukon daano momalaat pau-pau bailon.

²⁷Yana mate kona umur 969 kotaun.

²⁸Doi tempo Lamekh kona umur 182 kotaun, yana malaat pau malaneno.

²⁹Lamekh bantile, “Napau nia naikon beena mamalaanan doi tempo nda balimangan kokobukuan molimange kobuta TEMENENO mokutukemo.” Tobikon doiya Lamekh sombuikene dopaudoo Nuh.

³⁰Lapa doiya Lamekh daano motubo 595 kotaun koidan. Yana malaat pau-pau bailon,

³¹tukon mate kona umur 777 kotaun.

³²Salataa Nuh kona umur 500 kotaun, yana malaat tolu kona pau malaneno, doiyamo Sem, Yafet tukon Ham.