Read Banggai TEALIAN 6 Bible Online

TEALIAN 6 - Banggai bible

TEALIAN 6

¹Salataa kobangkapi tosuungimo badaang tukon sasabulo doi sasaibino kolipu, tukon pau-pau boine sinuungo,

²malaekat-malaekat kitayo baikon doboiboinedoo potambongani. Maka yanila kilayo koboiboine yanila moiyase.

³Maka ko TEMENENO bantile, “Yaku aki kuiyase kobangkapi natubo sidutu posidutukon; yanila bangkapi moaki natubo, mosio namate. Tambuun diabudoo yanila naumur aki naikon nalobian 120 kotaun.”

⁴ Doi loolukoo tukon koidan salataa lapa ano komian mobabasal tukon barani doi dunia. Yanila boi-boine doi Kain nakatulunan mopokila tukon malaekat. Mian-mian mobabasal baranidoo doiyamo talenga-talenga mobabasal tukon mian motololongol doi lounu loolukoo.

⁵ Ko TEMENENO kitayo todudulo kona kulokisan komian-mian doi dunia; sasaibino konapoo pikilan sidutu kulokis.

⁶Yana koidan manasekene molapamo tealikene yanila tukon abese doi dunia. Yana buno doiya kona manasalan,

⁷tobikon bantile, “Naikon kulopuwo kobangkapi molapamo pinasitakadoo, tukon koidan sasaibino kotomisi tukon iyayon bailon, sabab Yaku manasal molapamo pasitakayo yanila.”

⁸Bai Nuh sanaanggene ko TEMENENO noano.

⁹ Naiyamo Nuh salitano. Yana daano tolu konapau malaneno, doiyamo: Sem, Yafet tukon Ham. Nuh aki namokubai salah, tukon tongo yana komo monondok doi naloonudoo. Yana tubo pokolanikon tukon Mian Bisa.

¹¹Bai sasaibino komian bailon lokis doi Mian Bisa napambaleng lalomo, tukon kokulokisan talaat doiyayaa.

¹²Mian Bisa mbalenge doduniadoo tukon tongo kitayo kokulokisan tolong, sabab sasaibino kobangkapi kulokis kona tuboan.

¹³Maka ko Mian Bisa bantile doi Nuh, “Yaku lapamo putusiyo tuuk oppusiyo sasaibino komahluk natuboan. Yaku naikon akabusemo yanila tukon dunia, sabab kodunia moonomo tukon napoo kokubai mokulokis.

¹⁴Kubaiyomo komeeng kokapal tuuk doi koo luwedoi kayung momoonggol; kubaiyomo doi lalomo kona kombiang-kombiang, tukon lapise ter doi lalom tukon doi tonggulung.

¹⁵Kapaldoo sio na 133 kometer kona kobulus, 22 kometer kona kebelak, tukon 13 kometer kona katandak.

¹⁶Kubaiyomo koatono doi kapaloo, tukon beena antarano 44 kosentimeter doi atonodoo antarano tukon sangga-sanggalo. Kubaiyomo kapaldoo tolu kotingkato, tukon kubaiyo meeng kotataapon doi bibilo.

¹⁷Yaku naikon lubatene koeaba sulano memeeng komahluk motubo doi dunia namolopu. Sasaibino kolobo doi dunia naikon mate,

¹⁸bai tukon ikoo Yaku naikon kubaiyo koperjanjian. Usoko doi kapaloo lalomo polaing-laing tukon muboloki, tukon mulabuk-labuk tukon napoo bolo-boloki.

¹⁹Kanggiyomo doi kapaloo lalomo memeeng kotomisi kaliangano meeng kotanggoloko tukon meeng kolumisano tukon iyayon bailonggon, sulano naaki napoo silaka.

²¹Kanggiyo koidan sasaibino kokaliangano kokinaan tuuk ikoo tukon tuuk doiyayon-iyayonoo.”

²² Nuh lakukanggene sasaibino kolobo Mian Bisa napinarentahkon doi yana.