Read Banggai 2 SAMUEL 9 Bible Online

2 SAMUEL 9 - Banggai bible

2 SAMUEL 9

¹ Daano kooloyo meeng Daud masadai, “Kai daanoon komian motubo luwedoi Saul nakaluargaa? Kalu daano, yaku yase mokubai monondokan doi yana sabab Yonatan.”

²Saul nakaluargaa daano konaata mosinombuikon Ziba, tukon sinumbolii namangadap doi Tomundo Daud. Tomundo sadaiyo, “Kai ikoomo Ziba?” Yana timbiliyo, “Oode, Tomundo.”

³ Lapadoiya Tomundo masadai, “Kai daanoon komian motubo moluwedoi Saul nakaluargaa? Yaku yase momokubai monondokan doi yana, pokokonoi komo lapamo yaku paladandikene doi Mian Bisa.” Ziba timbiliyo, “Daano komeeng komian Yonatan namalane. Yana lemat.”

⁴Tomundo sadaiyo, “Inaando yana?” Ziba timbiliyo, “Doi Lodebar doi Makhir nabonua Amiel napau.”

⁵Maka Daud monggiuanggene doi Yonatan namalanedoo.

⁶Yonatan namalanedoo kosambuno Mefiboset. Salataa yana lubat, yana somba moodotiiyo Daud. Daud sadaiyo yana konabantilano, “Mefiboset,” tukon yana timbiliyo, “Oode, Tomundo.”

⁷Daud bantile, “Inai momatakut, monondok konoanggu doi komuyu sabab tamamu Yonatan. Sasaibino komu tauwa Saul nabuta, yaku naikon abalinggene doikoo tukon tuuk sidutu-posidutukon ikoo moola kaan doi kamali.”

⁸Mefiboset somba koidan tukon bantile, “Oila koalatino ata nia! Bulaando Tomundo mobuno doiya kona monondokan doi ata?”

⁹Maka Tomundo uange Ziba Saul naatadoo tukon bantile, “Sasaibino Saul tukon nakaluargaa nainotinggal kubeekene doi mutuan natumbu nia.

¹⁰Ikoo tukon mupau-pau tukon mupotombonii sio nalimange butadoo tuuk mutuan Saul nakaluargaa, tukon butadoo hasilo beekenemo doiyaniladoo sulano namoola sukupiyo konapoo pinalaluu. Bai Mefiboset moola kan doi kamali sidutu-posidutukon.” (Ziba daano ko 15 komian konapau mala-malane tukon 20 komian koata.)

¹¹Ziba timbiliyo, doi tomundo, “Sasaibino Tuan naparentah ata naikon lakukanggene.” Jadi Mefiboset kaan meeng komeda tukon tomundo, buno Tomundo Daud namalane susuungo.

¹²Mefiboset daano konamalane kosambuno Mikha. Sasaibino Ziba nakaluargaa teali Mefiboset naata-ata.

¹³Bunomokaidoiya Mefiboset mosasaton loluakon koainodoo nadungolan doi Yerusalem tukon sidutu kaan doi kamali.