Read Banggai 1 TUNDUNAN 15 Bible Online

1 TUNDUNAN 15 - Banggai bible

1 TUNDUNAN 15

¹Daud kekendenge kobonua-bonua tuuk butongo doi Kota Daud, tukon sadiayo kotampat tuuk Mian Bisa na Peti Perjanjian maka paase kosandung tuuk Petidoo.

² Daud bantile, “Tolongo Lewi miano komo moola bingkate ko TEMENENO na Peti Perjanjian, sabab yanila ko TEMENENO na linilik sulano natanggunge do Petidoo tukon mangangga tuuno doi yana tuuk sidutu-posidutukon.”

³Maka Daud monggiuwanggene sasaibino ko Israel miano nalubat doi Yerusalem sulano nabiyele ko TEMENENO Na Peti Perjanjian doi lipu molapamo sinadiakon.

⁴Maka Daud sumboliiyo Harun nakaturunan tukon Lewi miano napototongi.

⁵Maka luwedoi Kehat miano, Lewi benseno, maumo Uriel mokatuaiyo ko 120 koanggota doi namian.

⁶Luwedoi Merari miano, Asaya katuaiyo ko 220 komian.

⁷Luwedoi Gerson namian Yoel katuaiyo ko 130 komian.

⁸Luwedoi Elsafan namian Semaya katuaiyo ko 200 komian.

⁹Luwedoi Hebron namian Eliel katuaiyo ko 80 komian.

¹⁰Tukon luwedoi Uziel namian Aminadap katuaiyo ko 112 komian.

¹¹Maka Daud uange Imam Zadok tukon Imam Abyatar tukon noom ko Lewi mianodoo, doiyamo: Uriel, Asaya, Yoel, Semaya, Eliel tukon Aminadab.

¹²Daud bantile doi yanila, “Komuyu doiyamo katua doi Lewi benseno lalomo. Tobikon doiya siokai komuyu tukon Lewi miano bailonggon nakoliyousiyo kobutongo sulano namoola biele ko TEMENENO na Peti Perjanjian, Israel na Mian Bisa, doi lipu molapamo kusadiayo.

¹³Salataa do Petidoo nabiniyolan tumbe, akiyo komuyu idoo sulano pobabayo. Tobikon doiya ko TEMENENO, nda Mian Bisa, ukume kita sabab kita sosubaiyo Yana aki napokokonoi tukon Namongiasan.”

¹⁴Jadi, sasaibino koimam tukon Lewi miano koliyousiyo kobutongo sulano namoola biyele ko TEMENENO Na Peti Perjanjian Israel na Mian Bisa.

¹⁵ Tukon doi tempo do Petidoo nabiniyolan, yanila bingkate doi bengenoila bunggono tukon kayung tanggungan, mololoi TEMENENO napalaturan bineekon lolo doi Musa.

¹⁶Daud sumboliiyo koidan kokatua-katua Lewi mianodoo sulano napalentayo kobubula komian luwedoi bensenoila sulano namanani tukon maenggene kolagu-lagu labaan doi kasapi tukon simbal.

¹⁷Luwedoi antara kaluargaa-kaluargaa momanani yanila lilike namian-mian niaila sulano namaenggene kosimbal perak; Heman Yoel napau polaing koutus-utuso mosinombuikon Asaf Berekhya napau, tukon Etan Kusaya napau luwedoi Merari miano. Tuuk molainge yanila tukon momaenggene kokasapi motatandak konalalo linilik doi Lewi mianoila nia: Zakharia, Yaaziel, Semiramot, Yehiel, Uni, Eliab, Maaseya, tukon Benaya. Tuuk momaenggene kokasapi mopepende konalalo linilik ko Lewi mianoila nia: Matica, Elifele, Mikneya, Azazya, tukon lua kopadagai TEMENENO Na Bonua, doiyamo Obed tukon Yeiel.

²²Kenanya pinilik teali mokatuaiyo kopomain musik luwedoi Lewi nabenseno, sabab yana pandoi bamusiik.

²³Berekhya tukon Elkana polaing Obed-Edom tukon Yehia linilik teali padagai TEMENENO Na Peti Perjanjian. Sasaibino koimam bailonggon motuundu nia: Sebanya, Yosafat, Netaneel, Amasai, Zakharia, Benaya tukon Eliezer pinilih sulano napuuke kotorompet doi Petidoo salaano.

²⁵Maka Tomundo Daud taus polaing sasaibino ko Israel katuano tukon nasuludadu kapa-kapalano doi Obed-Edom nabonua tuuk moalayo do Peti Perjanjianoo tukon balamean babasal.

²⁶Pitu kosaapi langgilo tukon 7 kodomba mosinosubakon doi Mian Bisa sabab yana lapamo tulungiyo ko Lewi miano mobingkate ko Peti Perjanjianoo.

²⁷Doi tempodoo Daud mapake juba moluwedoi toik lenan mohalus, bunomo ko idan sasaibino kopomaen musik tukon Kenanya napo katua tukon Lewi miano mo bingkate ko Peti Perjanjianoo. Daud koidan mapake Imam nabokukum.

²⁸Sasaibino ko Israel miano taus loolainge ko Peti Perjanjian polong doi Yerusalem tukon tedes nggele-nggeleamon, pinuuk kotorompet, nafiri, simbal tukon kasapi.

²⁹Salataa do Petidoo daano mo binaba usok doi kota lalomo, Mikhal Saul naboine tatanggakon tukon kitayo Tomundo Daud moosuleng-osuleng tukon sana-sanaang. Maka Mikhal kabi natoluwe mokitayo Daud.