Read Banggai 1 TUNDUNAN 24 Bible Online

1 TUNDUNAN 24 - Banggai bible

1 TUNDUNAN 24

¹ Harun daano konapau malaneno sangkap komian: Nadab, Abihu, Eleazar tukon Itamar. Nadab tukon Abihu matemo loolukon luwedoi tamanoila tukon akiyo konapau. Tobikon doiya Eleazar tukon Itamar utus-utusoila teali imam. Daud ebese Harun katurunan tambu-tambuno mololoi yanila nalimang. Doi balimanganoo tambuno lalomo Zadok Eleazar nakaturunan tomboniiyo Daud tukon Abimelekh Itamar nakaturunan.

⁴Itamar nakaturunan inobos teali alu kotambuno, bai Eleazar nakaturunan teali songulo noom kotambuno, sabab doi Eleazar nakaturunan lalomo talaat lobian konakadaang komala-malane kapala-kaluargaa.

⁵Sabab mau doi Eleazar nakaturunan lalomo maukai doi Itamar nakaturunan lalomo daano ko TEMENENO Na Bonua napagawe-pagawe tukon katua-katua agama, maka kobangobosan limang linaksanakanggon tukon mapake undian.

⁶Eleazar nakaturunan tukon Itamar nakaturunan poisoboli mokibute kolot, maka Semaya salaku dulutulis Lewi miano tulise kosambu-sambunoila. Sasaibino doiya linaksanakanggon doi tomundo tukon napagawe-pagawe salaano, Imam Zadok, Ahimelekh, Abiyatar napau tukon katurunan imam nakaluargaa kapala-kapalano tukon Lewi nakaluargaa nakaturunan kapala-kapalano.

⁷Naiyamo konapotuunduan kobangaitan luwedoi balimangan moinobos mololoi undian tuuk domo lua kolono sangkap kotambunodoo: 1. Yoyarib — 13. Hupa 2. Yedaya — 14. Yesebeab 3. Harim — 15. Bilga 4. Seorim — 16. Imer 5. Malkia — 17. Hezir 6. Miyamin — 18. Hapizes 7. Hakos — 19. Petahya 8. Abia — 20. Yehezkiel 9. Yesua — 21. Yakhin 10. Sekhanya — 22. Gamul 11. Elyasib — 23. Delaya 12. Yakim — 24. Maazya

¹⁹Komian-mian sambuno mototulisoo mololoi napai obos tuuk usokiyo ko TEMENENO Na Bonua tukon laksanakanggene kolimang koledaan mo lapamo Harun tataapkanggene, tumbunoila, pokokonoi tukon TEMENENO napalenta Israel na Mian Bisa.

²⁰Sangalaasan doiya doi Lewi nakaturunan lalomo daanoon motongusokon kaluargaa kapala-kapalano motuundu nia: Yehdeya, Amram nakaturunan luwedoi Subael nakaturuna lalomo; Yisia, Rehabya nakaturunan; Yahat, Yizhar nakaturunan luwedoi Selomot nakaturunan lalomo; Yeria, Amarya, Yahasiel tukon Yekameam Hebron napau-pau pokokonoi konapotuunduan konaumur; Samir, Uziel nakaturunan luwedoi Mikha nakaturunan lalomo; Zakaria, Uziel luwedoi Yisia Mikha utuso nakaturunan lalomo; Mahli, Musi tukon Yaazia, Merari nakaturunan.

²⁷Yaazia daano kotolu konapau malaneno kosambuno: Syoham, Zakur, tukon Hibri.

²⁸Mahli daano kolua konapau mala-malaneno kosambuno Eleazar tukon Kis. Eleazar akiyo konapau malaneno, bai Kish daano konapau malaneno meeng kosambuno Yerahmeel.

³⁰Musi napau malaneno daano kotolu komian: Mahli, Eder tukon Yerimot. Doiyamo kokaluargaa-kaluargaa doi Lewi nabenseno lalomo.

³¹Tuuk yanila natempo batugasan, sasamba kokaluargaa kapalano polaing koutuso pioto momamalane kibute koundi pokakana koutusoila nakinubai, doiyamo sasaibino Harun nakaturunan mo imam. Doundianoo nacinabutan Tomundo Daud sakisiiyo polaing Zadok, Ahimelekh tukon kaluargaa kapala-kapalano motongusokon doi basambuan imam-imam tukon motongusokon doi Lewi miano.