Read Banggai 1 TUNDUNAN 26 Bible Online

1 TUNDUNAN 26 - Banggai bible

1 TUNDUNAN 26

¹Naiyamo kolimang nainobosan motuuk doi Lewi miano padagai TEMENENO Na Bonua. Luwedoi Kora benseno tinudo Meselemya Kore napau luwedoi Ebyasaf nakaluargaa.

²Yana daano ko 7 konapau malaneno mototulis mololoi napotuunduwan konaumur: Zakharia, Yediael, Sebaya, Yatniel,

³Elam, Yohanan, Elyoenai.

⁴ Lapa doiya tinudo koidan Obed-Edom. Ko Mian Bisa balakaatiyo yana tukon 8 konapau malaneno mototulis mololoi naputuunduwan konaumur: Semaya, Yozabad, Yoah, Sakhar, Netaneel,

⁵Amiel, Isakhar, tukon Peuletai.

⁶Semaya Obed-Edom napau langgongo daano konoom konapau malaneno: Otni, Refael, Obed, Elzabad, Elihu tukon Semakhya; sasaibino doiya mian-mian mo penting doi bensenoila lalomo sabab yanila tambongan barani, komo utama Elihu tukon Semakhya.

⁸Tuuk limang badagaiyanoo Obed-Edom benseno mebeekon 62 komala-malane mobukuan.

⁹Meselmya benseno mebeekon 18 komian mobukuan.

¹⁰Luwedoi Merari benseno tinudo Hosa. Yana daano kosanggapo konapau malaneno: Simri (yana bolikon pau langgong, bai kotamano oduduke yana teali katua),

¹¹Hilkia, Tebalya tukon Sakharia. Sasaibino daano 13 Hosa naanggota kaluargaa moteali padagai TEMENENO Na Bonua.

¹²Sasaibino kopadagai TEMENENO Na Bonua inobos doi tambu-tambuno mololoi doi nabenseno lalomo. Yanila binee koidan limang-limang doi TEMENENO Na Bonua lalomo buno Lewi miano bailonggon.

¹³Samba kobenseno lalomo mau benseno mobabasal maukai benseno mopoipoisik, mokibut undi tuuk momongotoi doi tataapon babasal yaando doi yaniladoo nabalimangan.

¹⁴Selemya laate kotataapon babasal taalikon tolopot. Zakharia napau, mosidutu mobee otunggul mo monondok, malaat tataapon babasal taalikon doi lembet.

¹⁵Obed-Edom laate kotataapon babasal taalikon lalom tukon konapau-pau malaat limang dagaiyo kogudang-gudang palasadiaan.

¹⁶Supim tukon Hosa laate kotataapon babasal taalikon doi talise tukon tataapon babasal Syalekhet mo talaat doi loloon motatagakon. Dolimangoo badagaiyan inatur buno doiya sampe sidutu daano komo badagai doi tataapon babasal.

¹⁷Sasamba kooloyo taalikon doi tolopot daano konoom kopadagai, taalikon doi lenbet sangkap komian tukon taalikon doi lalom sangkap komian. Kogudang-gudang palasadiaanoo 4 komian komo dagaiyo: 2 tuuk sasamba kogudang.

¹⁸Doi Paviliyun taalikon talise inabos ko 4 kopadagai doi loloon tukon 2 kopadagai doi pavilyunoo susuungo.

¹⁹Bunomokai doiya konainobosan kolimang badagaiyan doi Kora benseno tukon Merari benseno.

²⁰Komian-mian bailonggon doi Lewi nabenseno lalomo inobosi tanggung jawab moulusiyo kobuat doi TEMENENO Na Bonua tukon doi gudang tampat nainabosan kobuat-buat mobineekon tuuk Mian Bisa.

²¹Ladan doiyamo meeng Gerson napau mala-malaneno; yana mongobuluson bubula kotambuno kobenseno, tongusokon Yehiel napau benseno.

²²Yehiel napau-pau, doiyamo Zetam, tukon Yoel, binee tanggung jawab doi gudang-gudang tukon TEMENENO Na Bonua doyno.

²³Amran nakaturunan, Yizhar, Hebron tukon Uziel koidan malaat tugas.

²⁴Sebuel luwedoi Gersom benseno, Musa napau, doiyamo pototooli buat doi TEMENENO Na Bonua.

²⁵Yana daano konapotaamian puli tukon Selomit lolo doi Eliezer Gersom utuso. Eliezer nakaturunan loloono polong doi Selomit doiyamo buno naiya: Eliezer, Rehabya, Yesaya, Yoram, Zikri, Selomit.

²⁶Selomit tukon namotolutusan ulusiyo sasaibino Tomundo Daud, kapala-kapala kaluargaa, benseno katu-katuano, tukon sasaibino kosuludadu talengano nalangge-langge sinosubakon.

²⁷Dolangge-langgedoo mosinosubakon doiyamokai soobos kobarang molinambas yanila molaate doi polobosian lalomo tukon yanila mososubakene sulano napinake tongo tuuk doi TEMENENO Na Bonua lalomo.

²⁸Konapalusan, Selomit tukon nakaluargaa ulusiyo doi sasaibino mo lapamo sinalakanggon sulano napinake tongo tuuk doi TEMENENO Na Bonua, tongusokon kososubakon-sosubakon mololo doi Nabi Samuel molapamo Tomundo Saul, Abner Ner napau, tukon Yoab Seruya napau salakanggene.

²⁹Yizhar nakaturunan, doiyamo Kenaya tukon napau inobosikon kolimang tata usaha negara tukon limang-limang pangadilan doi Israel.

³⁰Sasaibino koulusan baagamaan tukon ulusan basambuan doi Israel taalikon talise ko Yordan Paisunobatango bineekon doi Hasabya, tukon doi 1.700 konamotolutusan: sasaibino mian-mian mototingonii Hebron nakaturunan.

³¹Komo katuaiyo Hebron nakaturunan doiyamo Yeria. Doi taun kosanggapo kolono Tomundo Daud nabasambuan kinubai kobaselidikian tentang Hebron nakaturunan. Doi baselidikiannoo lalomo tokita doi yaniladoo daano kosuludadu-suludadu mobukuan mo dungol doi Yazer doi Gilead nalipu.

³²Sasaibino kourusan baagamaan tukon basambuan doi Israel taalikon tolopot ko Yordan Paisunobatango — doiyamo Ruben nabenseno nalipu, Gad tukon songobos Manasye benseno — bineekon doi 2.700 Yeria nakaluargaa kapalano, sasaibino mian mototingonii Tomundo Daud molilikemo.