Read Banggai 1 TUNDUNAN 27 Bible Online

1 TUNDUNAN 27 - Banggai bible

1 TUNDUNAN 27

¹Komo ulusiyo ko Israel nabatomundoan doiyamo kaluargaa kapa-kapalano, benseno katua-katuano tukon suludadu kapa-kapalano. Samba kotaun meeng kobituwon konakalumbit daano komeeng kotambuno mobalimang secara paisoboli tukon meeng kokapalano komo katuaiyo. Suwe-suwele kotambuno talaat luwedoi 24.000 komian. Naiyamo kosambuno sasaibino kokolompok kapalano mobalimang tuuk sasamba kobituwon: Bituwon komeengo: Yosabam Zabdiel napau (yana Peres miano naanggota Yehuda benseno). Bituwon koluano: Dodai, Ahohi nakaturunan. Miklot doiyamo konawakil. Bituwon kotoluno: Benaya Imam Yoyada napau; yanamo komo katuaiyo ko “Kolompok Tridasawira” (konapau Amizabad doiyamo konawakil). Bituwon kosanggapo: Azael Yoab utuso (konapau Zebaja doiyamo koposobolino). Bituwon kolimano: Samhut, Yizrah nakaturunan. Bituwon konoomo: Ira Ikes napau, luwedoi kota Tekoa. Bituwon kopituno: Heles, Efraim nakaturunan luwedoi kota Peloni. Bituwon kowaluno: Sibkhai luwedoi kota Husa (yana Zerah miano (...)

¹⁶Naiyamo konatinulisan kobenseno kapalano sambuno doi bangsa Israel lalomo: [BENSENO] — [KAPALA] Ruben — Eliezer Zikri napau Simeon — Sefaca Maakha napau Lewi — Hasabya Kemuel napau Harun — Zadok Yehuda — Elihu, doiyamo meeng komian Tomundo Daud utuso Isakhar — Omri Mikhael napau Zebulon — Yismaya Obaja napau Naftali — Yerimot Azriel napau Efraim — Hosea Azazya napau Manasye motaalikon talise ko Yordan Paisunobatango — Yoel Pedaya napau Manasye motaalikon tolopot ko Yordan Paisunobatango — Yido Zakaria napau Benyamin — Yaasiel Abner napau Dan — Azareel Yeroham napau

²³ Tomundo Daud aki nakubaiyo kobangaitan doi mian-mian moakiyoon napolong 20 kotaun kona umur, sabab ko TEMENENO lapamo paladandi naikon mokubaiyo badaang ko Israel miano pokakana kobituwon pauno doi timbu konakadaang.

²⁴ Yoab Zeruya napau tambuunemo kobangaitan mian, bai yana aki naalapayo, sabab ko Mian Bisa hukume ko Israel miano, sabab bangaitanoo mian. Doiyamo kosababpo konapai kadaang aki natotulis doi Tomundo Daud nabuku lalomo.

²⁵Naiyamo konatinulisan kosambunoila sasaibino komian mouluse tomundo nabuat: Gudang-gudang doi kamali tukon doi Yerusalem: Asmawet Adiel napau Gudang-gudang mobolikon doi Yerusalem: Yonatan Uzia napau Polimang-polimang asi: Ezri Kelub napau Anggur asi-asino: Simei luwedoi kota Rama Tampat-tampat mangabosan anggur: Zabdi luwedoi kota Syifmi Zaitun batango tukon ara batango (doi bunggul uuno taalikon doi talise): Baal Hanan luwedoi kota Gederi Tampat-tampat mangabosan zaitun lisisono: Yoas Iyayon mopiniala doi Saron Padango: Sitrai luwedoi kota Saron Iyayon piniala doi pepe-pepelakon: Safat Adlai napau Unta: Obil Ismael nakaturunan Keledai: Yehdeya luwedoi kota Meromot Domba tukon mbembe: Yaziz, Hagri miano.

³²Tomundo Daud napinatama kosambuno Yonatan, doiyamo meeng komian kopongotunggul mopandoi tukon mopangalamano. Yana tukon Yehiel Makhmoni napau inobosikon kotanggung jawab sulano nadidike tomundo namala-malane.

³³Ahitofel doiyamo tomundo napongotunggul, tukon Husai Arki miano, doiyamo tomundo napongotunggul tukon nasobat momonondok.

³⁴Sambuno lapa Ahitofel mate yana sinobolikon Abyatar tukon Yoyada Benaya napau. Kobatomundoan nasuludadu talengano doiyamo Yoab.