Read Banggai 1 TUNDUNAN 4 Bible Online

1 TUNDUNAN 4 - Banggai bible

1 TUNDUNAN 4

¹Lapa naiya doiyamo soobos luwedoi Yehuda nakaturunan: Peres, Hezron, Karmi, Hur tukon Syobal.

²Syobal doiyamo Reaya tamano, Reaya Yahat tamano. Yahat daano kolua konapau malaneno: Ahumai tukon Lahad. Yaniladoo kota Zora miano tumbunoila.

³Kaleb tukon naboloki Efrat konapau langgongo doiyamo Hur. Hur nakaturunan doiyamo komo ekekendenge kokota Betlehem, Etam, Pnuel tukon Ezer doiyamo Hur napau-pau. Etam daano kotolu konapau malaneno kosambuno Yizreel, Isma tukon Idbas, tukon meeng konapau boineno kosambuno Hazelelponi. Pnuel kekendenge kokota Gedor tukon Ezer kekendenge kokota Husa.

⁵Asyur komo kekendenge kokota Tekoa daano kolua konaboloki, doiyamo Hela tukon Naara.

⁶Tukon Naara yana malaat sangkap kopau malaneno: Ahuzam, Hefer, Temeni tukon Ahastari.

⁷Tukon Hela, Asyur malaat tolu kopau malaneno, doiyamo Zeret, Yezohar tukon Etnan.

⁸Anub tukon Hazobeba doiyamokai Kos napau-pau malaneno Aharhel Harum napau tumbunoila nakaturunan.

⁹Daano komeeng komala-malane kosambuno Yabes; yana inodotii lobiyoniiyo luwedoi utus-utusoila. Kotinano beena sambu yana Yabes, sabab kotinano sakisaa tuuno doi tempo nasuungano yana.

¹⁰Bai Yabes sambeang doi Mian Bisa Israel miano nasinosubai, konabantilano, “Oh Mian Bisa, balakaatiaku, tukon beena nasosuung dakupau. Lindungi yaku tukon dedeenggene kosilakaan sulano naaki kusakisaa.” Tukon dona sambeangoo Mian Bisa daanokene konakakabi.

¹¹Kelub Suha utuso daano konapau malaneno kosambuno Mehir. Mehir napau doiyamo Eston,

¹²tukon Eston daano kotolu konapau malaneno, doiyamo doiyamo Bet-Rafa, Paseah tukon Tehina, mo kekendenge kokota Nahas. Domianoo nakaturunan dungol doi kota Reka.

¹³Kenas daano kolua konapau malaneno kosambuno Otniel tukon Seraya. Otniel koidan daano kolua konapau malaneno, doiyamo Hatat tukon Meonotai.

¹⁴Meonotai napau doiyamo Ofra. Seraya napau doiyamo Yoab yanamo komo kekendenge ko Pengrajin Pepelakono. Sasaibino komo dungoliyo dopepelakonoo doiyamo mian mopandoi mokubai langge-langge tukon mian limano.

¹⁵Yefune konapau Kaleb daano kotolu konapau malaneno: Iru, Ela, tukon Naam. Ela napau doiyamo Kenas.

¹⁶Yehaleleel daano kosanggapo konapau malaneno: Zif, Zifa, Tireya tukon Asareel.

¹⁷Ezra napau malaneno daano kosanggapo komian: Yeter, Mered, Efer tukon Yalon. Mered poala tukon Bica tomundo Mesir naboine. Yana malaat meeng kopau moluko kosambuno Miryam, tukon lua konapau malaneno kosambuno Samai tukon Yisba. Yisba doiyamo komo kekendenge kokota Estemoa. Mered poala koidan tukon meeng koboine luwedoi Yehuda nabenseno, konapau malaneno daano kotolu komian; Yered mokekendenge kokota Gedor, Heber mokekendenge kokota Sokho, tukon Yekutiel mokekendenge kokota Zanoah.

¹⁹Hodia poala tukon Naham utuso boine. Konapo katurunan doiyamo Garmi tukon Maakha miano tumbunoila. Ko Garmi miano dungol doi kota Kehila, tukon ko Maakha miano dungol doi kota Estemoa.

²⁰Simon daano kosanggapo konapau malaneno: Amnon, Rina, Benhanan tukon Tilon. Yisei daano kolua konapau malaneno: Zohet tukon Ben-Zohet.

²¹Salah komeeng Yehuda napau kosambuno Sela. Kona katurunan buno naiya: Er mokekendenge kokota Lekha Lada mokekendenge kokota Maresa Mian-mian mobatonun toik lenan doi kota Bet-Asybea Yokim Modungoliyo kokota Kozeba Yoas Saraf moosowaan tukon boine-boine Moab tukon doibundu abali doi Betlehem. Dona tinulisanoo inala luwedoi natinulisan kobangaitan looluk.

²³Yanila pokubai gusi tukon gumbang tuuk bineekon doi tomundo tukon dungol doi kota Netaim tukon Gedera.

²⁴Simeon daano kolima konapau malaneno: Nemuel, Yamin, Yarib, Zerah tukon Saul.

²⁵Bunonaiya Saul nakaturunan: Salum Mibsam Misma Hamuel Zakur Simei.

²⁷Simei daano ko 22 konapau: 16 komalane tukon 6 kona moluko. Bai Simei namotulutusan soisikai konapau. Simeon nakatulunan aki napokakana konakadaang Yehuda nakaturunan.

²⁸ Polong doi Tomundo Daud nalounu, Simeon nakaturunan dungol doi kota-kota nia: Bersyeba, Molada, Hasar-Sual,

²⁹Bilha, Ezem, Tolad,

³⁰Betuel, Horma, Ziklag,

³¹Bet-Markabot, Hazar-Susim, Bet-Biri tukon Saaraim.

³²Yanila koidan dungol doi lima kotampat bailon, doiyamo Etam, Ain, Rimon, Tokhen, Asan,

³³tukon doi kampung-kampung napokolanikonan dotampat-tampatoo polong namodoonan kota Baal doi taikon balat daya. Bunomo doiya konatinulisan modaano doi Simeon nakaturunan kaliangano Salitano tukon tampat-tampat napo dungolan.

³⁴Tundu nia kapala-kapala kaluargaa sambu-sambuno doi Simeon benseno lalomo: Mesobab Yamlekh Yosa Amazia napau Yoel Yehu Yosibya napau (Yosibya doiyamo Seraya napau, Asiel natumbu) Elyoenai Yaakoba Yesohaya Asaya Adiel Yesimiel Benaya Ziza Sifei napau (balis salitano luwedoi Sifei taalikon babo doiyamo: Alon, Yedaya, Simri, Semaya). Sabab konapo kaluargaa-kaluargaa tosuungi budoo,

³⁹maka yanila tasabulo doi talise loolani kokota Gedor motangabos doi meeng kopepelakon. Doi taalikon tolopot dopepelakonoo yanila pososuunggene kopadang tukon bulung momolumbang maka naluas tukon tanaang tuuk napo iyayon. Looluk dolipudoo Ham miano komo dungoliyo tukon yanila tubo dame.

⁴¹Doi tempo Hizkia natealian tomundo Yehuda Simeon nakaturunanoo lobosiyo ko Gedor. Yanila akamanase dokotadoo tumbuno nasandung-sandung tukon Meunim miano, maka yanila siikayo komo dungoliyo. Doibundu yanila tataapo indaa sabab badaang kopadang tukon bulung tuuk napo iyayon piniala.

⁴²Doi Yisei napau-pau nabakatuaiyan, doiyamo Pelaca, Nearya, Refaya tukon Uziel, 500 komian bailon luwedoi Simeon benseno biyol doi Edom taalikon doi tolopot.

⁴³Yanila akateyo ko Amalek miano labi-labino, maka manataapo idoo tambuun doi tempodoo.