Read Banggai 1 TUNDUNAN 7 Bible Online

1 TUNDUNAN 7 - Banggai bible

1 TUNDUNAN 7

¹Isakhar daano ko 4 konapau malaneno: Tola, Pua, Yasub tukon Simron.

²Tola daanoko 6 konapau malaneno: Uzi, Refaya, Yeriel, Yahmai, Yibsam tukon Samuel. Yanilamokai komo kapalaiyo kopuli doi Tola benseno tukon minotonanggon salaku suludadu-suludadu mo barani. Doi tempo Tomundo Daud nabasambuan, konapo katurunan 22.600 komian.

³Uzi daano komeeng konapau mala-malaneno kosambuno Yizrahya. Yizrahya tukon napau mala-malaneno mo sangkap, doiyamo Mikhael, Obaja, Yoel tukon Yisia doiyamo katua-katua.

⁴Konapo bolo-boloki tukon nalabuk-labuk badaang tuuno sampe konapo katurunan moola nasadiakene ko 36.000 komala-malane motinealikon suludadu.

⁵Mololoi batulisan mobisa, luwedoi sasaibino Isakhar benseno pulino talaat ko 87.000 komala-malane mo moola teali suludadu.

⁶Benyamin daano kotolu konapau malaneno: Bela, Bekher tukon Yediael.

⁷Bela daano kolima konapau malaneno: Ezbon, Uzi, Uziel, Yerimot tukon Iri. Yanilamo komo kapalaiyo doi napuli lalomo tukon totoi salaku suludadu-suludadu mobukuan. Doi daftar lalomo konakaturunan totulis ko 22.034 komian komala-malane tuuk momoola teali suludadu.

⁸Bekher daano kosiyo konapau malaneno: Zemira, Yoas, Eliezer, Elyoenai, Omri, Yeremot, Abia, Anatot tukon Alemet.

⁹Yanilamo komo kapalaiyo doi napuli lalomo. Mololoi daftar mobisa, luwedoi sasaibino kokaturunan doi napo kaluargaa lalomo ko 20.200 komian komala-malane tuuk momoola teali suludadu.

¹⁰Yediael daano komeeng konapau malaneno kosambuno Bilhan. Bilhan daano ko 7 konapau malaneno: Yeus, Benyamin, Ehud, Kenaana, Zetan, Tarsis tukon Ahisahar.

¹¹Yanilamo komo kapalaiyo kopuli doi napo benseno lalomo tukon totoi salaku suludadu-suludadu mobarani. Doi daftar lalomo yanila nakaturunan totulis ko 17.200 komala-malane tuuk mo moola teali suludadu.

¹²Supim tukon Hupim doiyamo Ir nakaturunan. Dan napau doiyamo Husim.

¹³Naftali daano ko 4 konapau malaneno: Yahziel, Guni, Yezer tukon Salum. Yanila doiyamo Bilha natumbu.

¹⁴Manasye tukon naboloki piala meeng koboine doi Aram, daano ko lua konapau malaneno: Asriel tukon Makhir. Gilead doiyamo Makhir napau.

¹⁵Makhir mounggoliikene boloki tuuk Hupim tukon Supim. Makhir naboloki sambuno doiyamo Maakha. Makhir napau koluano doiyamo Zelafead. Zelafead akiyo konapau malaneno tolongo pau boineno.

¹⁶Maakha Makhir naboloki mosuung lua kopau malaneno mosinombuikon Peres tukon Seres, Peres daano kolua konapau malaneno kosambuno Ulam tukon Rekem.

¹⁷Ulam daano komeeng komian konapau malaneno kosambuno Bedan. Doiyamo Gilead Makhir napau nakaturunan, Manasye natumbu.

¹⁸Gilead utuso moluko kosambuno Molekhet daano kotolu konapau malaneno: Isyhod, Abiezer tukon Mahla.

¹⁹Simeda daano ko 4 konapau malaneno: Ahyan, Sekhem, Likhi tukon Aniam.

²⁰Efraim daano kotolu konapau: Sutelah, Ezer tukon Elad. Efraim nakaturunan naluwean lolodoi Sutelah doiyamo Bered, Tahat, Zabad, Elada, Tahat, Zabad, Sutelah. Ezer tukon Elad inakate salataa kabi nandikuke kolipu Gad tumbuno tuuno naiyayon piniala.

²²Yanila tamano yana poloon bubula kooloyo konakalumbit tobikon koutus-utuso lubat mohibure yana.

²³Doibundu Efraim pokooloi tukon naboloki, maka tianan dobolokidoo tukon suunge komeeng komian kopau malaneno. Efraim sombuikene dopaudoo Beria, sabab silakaan molapamo yanila toupiyo.

²⁴Efraim daano konapau moluko kosambuno Seera. Yanamo komo kekendenge kokota-kota Bet-Horon taalikon doi bilit tukon Bet-Horon taalikon doi babo, tukon kota Uza tukon Seera.

²⁵Daanokai komeeng komian Efraim napau malaneno, kosambuno Refah. Naiyamo kona potuunduwan Refah nakaturunan: Resef, Telah, Tahan,

²⁶Ladan, Amihud, Elisama,

²⁷Nun, Yosua.

²⁸Lipu mobineekon yanila tuuk teali nadungolan doiyamo luwedoi Betel polong konamodonan Naaran taalikon doi tolopot, tukon Gezer taalikon doi talise tukon kampung-kampung doi napotikunggonan dokota-kotadoo. Doi lipudoo lalomo tongusokon koidan kokota Sikhem tukon Aya, tukon kampung-kampung potikunggon.

²⁹Manasye nakaturunan kuasaiyo kota Bet-Sean, Taanakh, Megido, Dor tukon kampung-kampung doi napotikunggonan. Doiyamo sasaibino kotano tampat nadungolan Yusuf Yakub napau nakaturunan.

³⁰Lapa nia doiyamo Asyer nakaturunan. Yana daano ko 4 konapau malaneno: Yimna, Yiswa, Yiswi, Beria tukon meeng konapau boine, kosambuno Serah.

³¹Beria daano kolua konapau malaneno doiyamo Heber tukon Malkiel mobangune kokota Birzait.

³²Heber daano kotolu konapau malaneno: Yaflet, Somer, Hotam tukon meeng konapau boine, kosambuno Sua.

³³Yaflet koidan daano ko 3 konapau malaneno: Pasakh, Bimhab tukon Asywat.

³⁴Somer Yaflet utuso daano ko 4 konapau malaneno: Ahi, Rohga, Yehuba tukon Aram.

³⁵Hotam, Yaflet utuso koidan, daano ko 4 konapau malaneno: Zofah, Yimna, Seles tukon Amal.

³⁶Sofah nakaturunan doiyamo Suah, Harnefer, Syual, Beri, Yimra,

³⁷Bezer, Hod, Sama, Silsa, Yitran tukon Beera.

³⁸Yeter nakaturunan doiyamo Yefune, Pispa tukon Ara.

³⁹Ula nakaturunan doiyamo Arah, Haniel tukon Rizya.

⁴⁰Doiyamo Asyer nakaturunan. Yanila sasaibino kaluargaa kapalano tukon totoimo salaku talenga-talenga mo barani tukon katua-katua tanaaso. Doi natinulisan lalomo Asyer nakaturunan totulis 26.000 komala-malane mo moola nateali suludadu.