Read Banggai 2 TUNDUNAN 13 Bible Online

2 TUNDUNAN 13 - Banggai bible

2 TUNDUNAN 13

¹Doi taun kosongulono alu Tomundo Yerobeam namaparentaan doi Israel, Abia teali tomundo doi Yehuda,

²tukon maparenta tolu kotaun konakalumbit doi Yerusalem. Kotinano doiyamo Mikhaya Uriel napau luwedoi kota Gibea. Doibundu timbulo kopolobosian antara tukon Yerobeam.

³Abia kumandeyo konasuludadu 400.000, bai Yerobeam kumandeyo ko 800.000 konasuludadu.

⁴Dopasukanoo molua posasalaan doi lipu Efraim bunggulo. Abia tolibo doi bunggul Zemaraim bunggono maka masadai doi Yerobeam tukon Israel miano, “Lengele!

⁵Komuyu toiyo baikon ko TEMENENO, Israel na Mian Bisa lapamo pomeenggon paladandian tukon Daud baikon yana tukon nakaturunan naikon parentayo ko Israel tuuk sidutu-posidutukon. Dopaladandianoo aki namoola batal.

⁶Maukai nabuno doiya, Yerobeam Nebat napaudoo nggimolliyo doi Salomo, donatomundo.

⁷Yana pototongikene komeeng kotambuno komian mokurangajar tukon pakisaayo yanila namongiasan doi Rehabeam Salomo namalane, mo doi tempodoo daanoon motodudul mongula tukon akiyoon nadaano konapangalaman tuuk molawane.

⁸Diabudodoo komuyu anggene moola polawane ko TEMENENO nakakuasaan mobineekon doi Daud nakaturunan, sabab komupasukan babasal tukon komuyu daano kopo sapi-sapi mosoni Yerobeam motealikene muilah.

⁹Bolikonkai TEMENENO naimam-imam Harun nakaturunan tukon Lewi miano daango lapamo komuyu siikayo sasaibino? Salaku posobolino indeekai komo yase teali imam asal yana mababa meeng kosaapi kai pitu kodomba, komuyu tealikene imam tuuk mobolikon Mian Bisa, sabab bisamo bunodoiya kobangsa-bangsa bailon nacara odudukano konapai imam. Bai ikami aki mai kubaiyo buno doiya.

¹⁰Ikami tataap mangangga doi TEMENENO Komai Mian Bisa tukon aki mai tinggale yana. Komai imam-imam tataap Harun nakaturunan, tukon Lewi miano tataap tomboniiyo yanila.

¹¹Sasamba kododowa tukon kinobian yanila mosua kamangian tukon mososubakon sosubakon mosinua tuuk TEMENENO, tukon sadiayo koroti kinaan. Sasamba kopopook yanila pasange konalampu-lampu doi lampu mosoni aino. Ikami tataap taatiyo ko TEMENENO naparenta-parenta, bai komuyu lapamo tinggale yana.

¹²Komo katuaiyo kami doiyamo Mian Bisa susuungo tukon sasaibino Kona imam modaano dimbaa. Yanila lapamo siap mopuuke kotorompet salaku tanda doikami tuuk molobosiyo komuyu. He Israel miano, inaimo molawane ko TEMENENO, tumbumuyu na Mian Bisa! Komuyu aki pomanaang!”

¹³Daanoon mobuno doiya Yerobeam sumboliiyo kosongobos luwedoi napasukan tuuk mohadange Yehuda napasukan luwedoi tonggulung, bai kosongobos koidan sasalaane yanila luwedoi salaanoila.

¹⁴Salataa Yehuda napasukan kitayo baikon yanila kinepuungo, yanila nggeleamon mangkabi tolong doi TEMENENO. Sasaibino koimam puuke kotorompet,

¹⁵maka Yehuda napasukan nggeleamonggene kowookonan polobosian maka maju momolobosi, tukon Abia komo katuaiyo. Daanoon yanila monggeleamon, ko Mian Bisa kalayomo Yerobeam tukon pasukan Israel,

¹⁶tobikon doiya yanila dampaso. Ko Mian Bisa kubaiyo ko Yehuda miano manaang doi yanila.

¹⁷Babasal tuuno konakalaan Abia molubatene tukon napasukan doi Israel miano; 500.000 konapai suludadu mobukuan komo mate.

¹⁸Ko Yehuda miano manaang, sabab yanila balaanggene ko TEMENENO tumbunoila na Mian Bisa.

¹⁹Salataa Abia lelenggene Yerobeam napasukan, yana lambase bubula kokota tukon kampung-kampung napokoolanian. Dokota-kotadoo doiyamo Betel Yesana tukon Efron.

²⁰Doi nadaanoan Abia momaparenta, Yerobeam aki namoola kindendeke konakakuasaan. Doibundu ko TEMENENO akateyo yana.

²¹Kobalino, Abia pololokon balakuasa. Yana daano kosungulo sangkap konaboloki 22 konapau malaneno tukon 16 konapau boineno.

²²Kosalitano bailon tentang Abia, tukon tentang sasaibino bantilan tukon kokubai lapamo tinulis doi Naluwean Nabi Ido lalomo.