Read Banggai 2 TUNDUNAN 14 Bible Online

2 TUNDUNAN 14 - Banggai bible

2 TUNDUNAN 14

¹Sambuno lapa Tomundo Abia mate tukon kinibul doi tomundo-tomundo nakinibulan doi Daud na kota, konamalen Asa teali tomundo posoboli yana. Doi Asa namaparentaan kolipu Yehuda aman songulo kotaun konakalumbit.

²Asa sanaanggene ko TEMENENO Mian Bisa noano tukon kubaiyo komo adil monondok.

³Yana dedeenggene kobangsa-bangsa bailon nabalabaan-balabaan tukon tampat-tampat mososubakonan pilogot. Yana manase kopilogot timba-timbalango, tukon yana lubange ko pilogot Asyera timbalango sudongo.

⁴Ko Yehuda miano sinumbolii tubo loloiyo ko TEMENENO namongiasan, tumbunoila na Mian Bisa, tukon taatiyo konaotunggul-otunggul tukon naparentah-parentah.

⁵Sasaibino kotampat sosubaiyano kopilogot tukon tampat mosuaan kamangian yana dedeenggene luwedoi kota Yehuda. Maka tanaango dobatomundoanoo doi tempo namaparentaan,

⁶tobikon yana moola bangune kobenteng-benteng tuuk kota-kota Yehuda. Bubula kotaun konakalumbit akimo nateali kopolobosian sabab ko TEMENENO beenamo ndondoong mo monondok doiyana.

⁷Asa bantile doi narayat Yehuda, “Konamonondokan tadukai nda bangune konapagar betoon potikunggon tukon tukon kona menara-menara tukon tataapon babasal tukon posu-posupato. Kita lapamo kuasaiyo nalipu nia sabab kita lapamo tulutiyo konda TEMENENO Mian Bisa namongiasan. Yana pialayo kita tukon dagaiyo kokaamanan doi posaapon konda lipu.” Maka tambuuno yanila bangune tukon alapayo dolimangoo tukon monondok.

⁸Tomundo Asa nasuludadu kona kadaang 300.000 ko Yehuda miano modaano konasenjata tombide tukon pandong tukon 280.000 Benyamin miano modaano konasenjata tombide, pandong, tukon pana. Yanila sasaibino doiyamo suludadu mobarani-barani tukon mo talatimo.

⁹Doi meeng kotempo meeng ko Sudan miano kosambuno Zerah lobosiyo ko Yehuda tukon pasukan mo luwedoi 1.000.000 kosuludadu tukon 300 koloda polobosian. Yanila maju konakodoon potimbang ko Maresa.

¹⁰Maka tobuato Asa sasalaane Zerah, tukon lua ila ature konabarisan suwe-suwele doi Zefata Pepelakono loolani ko Maresa.

¹¹Maka Asa sambeang doi TEMENENO na Mian Bisa, “Oh TEMENENO, tolongokai ikoo komo moola tulungiyo komo lemah sulano nasasalaane komo bukuan. Tulungiyomo ikami diabudodoo, oh TEMENENO mai Mian Bisa! Doikoomo komai balaanan tukon lolo doi sambumu maka kami tobuat mopolobosi lawane kopasukan mobabasal tuuno nia. TEMENENO, ikoomo komai Mian Bisa. Inai mosodiikene kobutomu meeng kobanggapi nalungguiyo.”

¹²Maka Asa tukon Yehuda nasuludadu lobosiyo ko Sudan nasuludadu. Ko TEMENENO kalayomo ko Sudan nasuludadu sampe yanila dampasene kobutongo.

¹³Asa tukon nasuludadu lelenggene yanila sampe konakodoon potimbang Gerar. Doi Sudan taalikon badaang tuuno komo mate tobikon konapai suludadu akiyono konadaya sabab TEMENENO komo manase tukon ko Yehuda koidan nasuludadu lambase badaang tuuno kobarang-barang luwedoi yanila. Doibundu ko Yehuda nasuludadu manasemo kokota-kota mopokoolanikon doi lipu Gerar, sabab ko TEMENENO kubaiyo matakut komo dungoliyo dolipudoo. Ko Yehuda nasuludadu lambase sasaibino dokotadoo tukon malaat badaang tuuno kobarang.

¹⁵Yanila koidan lobosiyo sasaibino kopopiala iyayon nabasandungan tukon akute badaang kodomba tukon unta. Sambuno lapa doiya yanila abali doi Yerusalem.