Read Banggai 2 TUNDUNAN 19 Bible Online

2 TUNDUNAN 19 - Banggai bible

2 TUNDUNAN 19

¹Sambuno lapa Yosafat tomundo Yehuda abali tukon salamat doi nakamali doi Yerusalem,

²meeng konabi kosambuno Yehu Hanani napau lubat momangadap doi tomundo, do Nabidoo bantile doiyana, “Kai moola Tomundo natomboniiyo komian lokis tukon ala doi mian mo mosikitene ko TEMENENO? Tomundo nakakabai kubaiyo ko TEMENENO nggimal doi Tomundo.

³Mau nabuno doiya daano koidan komo monondok doi Tomundo. Tomundo lapamo alaase sasaibino kotimbalang ilah Asyera korayat mososubaiyo tukon Tomundo lapamo koidan kakaate tuuk tubo loloiyo ko Mian Bisa namongiasan.”

⁴Tomundo Yosafat konatampat dungolan doi Yerusalem. Bai yana idan duutiyo konarayat doi posaapon kolipu tuuk bontiikene yanila naabali doi TEMENENO, tombunoila na Mian Bisa.

⁵Doi sasamba kokota doi Yehuda modaano kobentengo yana mongoduduk hakim-hakim,

⁶tukon beekene naparenta nia doi yanila. “Tindokiiyo pandoikene, sabab komuyu hakimiyo bolikon doi banggapi sambuno bai TEMENENO sambuno. Yana awasiyo komuyu doi tempo poputusiyano kopalakala.

⁷Komuyu siopo matakutene ko TEMENENO, tukon pohati-hati motindokiiyo, sabab ko TEMENENO nda Mian Bisa mosikitene komian mokubaiyo kolokis, motindokiiyo babalat kosembeleng kai momantalima doy sogok.”

⁸Koidan doi Yerusalem, Yosafat mongoduduk Hakim-hakim moluwe taalikon doi Lewi miano, imam-imam, tukon pau-paulakai. Yanila sio naputusiyo kopalakala-palakala langgalano ko TEMENENO Na Hukum tukon palakala-palakala bailonggon.

⁹Doi hakim-hakimoo beekene naparenta nia, “Ampakonggene komulimang tukon taat doi TEMENENO. Loingiyomo kona parenta doi sasaibino kolobo komuyu molakukene.

¹⁰Kalukai kotula-tulamu moluwedoi kota bailon molubatene kopalakala mangakatean, langgalano kohukum kai langgalano koundang-undang, siokai pootunggule doiyanila. Tukon buno doiya yana aki nasalah doi TEMENENO, tukon ko TEMENENO aki naikon nanggimoliiyo komuyu maukai doi yanila. Polakukene naparenta nia, maka komuyu aki naikon posalah.

¹¹Imam Babasal Amarya yaku beena kakuasaan motatandak doi sasaibino kopalakala mopokokonoi kohukum-hukum agama. Zebaja Ismael napau, doiyamo gubernur Yehuda, yaku beena kakuasaan motatandak doi sasaibino kopalakala bailon. Ko Lewi mianoila bertanggung jawab modagaiyo sulano kopangadilan nakaputusan-kaputusan nalinakukanggon. Poloingiyo naotunggul-otunggul nia tukon potindokiiyo tukon tegas. Boliisi ko TEMENENO nalolainge komian molakukene kokaadilan!”