Read Banggai 2 TUNDUNAN 22 Bible Online

2 TUNDUNAN 22 - Banggai bible

2 TUNDUNAN 22

¹Doi meeng komolobosian lalomo luwedoi meeng kotambuno ko Arab miano, sasaibino Yehoram namalane inakatemo, alaasene Ahazia kopioto komo aki nainakate. Tobikon doiya ko Yerusalem tumbuno oduduke Ahazia teali tomundo soboliyo kotamano.

²Ahazia natealian tomundo konaumur 22 ko taun, tukon yana maparenta doi Yerusalem meeng kotaun konakalumbit. Ahazia koidan tubo buno Tomundo Ahab nakaluargaa, sabab kotinano Atalya otunggule yana sulano nalakukene komo lokis. Atalya doiyamo Tomundo Ahab naboine, Omri natumbu Israel natomundo.

⁴Ahazia baladosa doi TEMENENO pokakana Ahab nakaluargaa, sabab yanilamo komo teali napongotunggul salataa lapamo kotamano mate. Dopongotunggul-pongotungguloo doiyamo komo silakaiyo yana.

⁵Luwedoi napo otunggul, yana pomeenggon tukon Yoram tomundo Israel tuuk mopolobosi molawane Hazael Siria natomundo. Yanila polobosi doi Ramot, doi Gilead lipuno, Yoram pokolon doi polobosianoo lalomo,

⁶maka yana abali doi kota Yizreel sulano napinakuli, tukon Ahazia taus kitayo yana indaa.

⁷Ko Mian Bisa lapamo tantukanggene baikon Ahazia naikon laatemo konamatean salataa yana duutiyo Yoram. Doi naduutiyanodoo Ahazia tukon Yoram linawan luwedoi meeng komala-malane kosambuno Yehu Nimsi napau, mo lapamo TEMENENO lilike sulano nadadaate Tomundo Ahab nakaluargaa.

⁸Daanoon Yehu moampakonggene ko TEMENENO nahukuman doi kaluargaadoo, yana posuunggene komeeng rombongan doiyamo sambu-sambu tukon pau-paulakai doi Yehuda tukon Ahazia napinaanak mo malaing doi poduutiyanoo lalomo. Maka Yehu akateyo yanila sasaibino.

⁹Doibundu yana sumboliiyo komian mounggoliiyo Ahazia mo doi tempodoo daanoon mosapit doi Samaria. Sambuno lapa Ahazia pinososuunggon, yana binaba doi Yehu maka inakate. Maukai nabuno doiya bai yanila kibule yana sabab yanila odotiiyo Tomundo Yosafat, natauwa mo mangangga doi TEMENENO tukon tootubo konoano. Luwedoi Ahazia nakaluargaa akiyo komo teali taani kobasambuan.

¹⁰Salataa Atalya toiyo baikon Tomundo Ahazia napau momatemo, yana maparentakene sulano sasaibino kotomundo doi Yehuda nakaluargaa nainakate.

¹¹Ahazia daano komeeng koutuso moluko kosambuno Yoseba mopokila tukon meeng koimam kosambuno Yoyada. Tukon aki nabiyok-biyok Yoseba mangala meeng Ahazia namalane kosambuno Yoas luwedoi antara tomundo napau-pau Atalya naikon moakateyo. Dopaudoo polaing konateenak yana sinookon doi meeng kokombiang lalomo doi TEMENENO Na Bonua. Bunomo doiya Yoseba nasalamatanano dopaudoo tobikon aki Atalya naakateyo.

¹²Noom kotaun konakalumbit Yoas nasinookonan doi TEMENENO Na Bonua doi nadaanoan Atalya momaparenta salaku tomundo boine.