Read Banggai 2 TUNDUNAN 27 Bible Online

2 TUNDUNAN 27 - Banggai bible

2 TUNDUNAN 27

¹Yotam teali tomundo konaumur 25 kotaun, tukon yana maparenta doi Yerusalem 16 kotaun konakalumbit. Kotinano doiyamo Yerusa Zadok napau.

²Yotam sanaanggene ko TEMENENO noano, buno tamano Uzia. Tolongo yana aki namosua kamangian doi TEMENENO Na Bonua, bunomo tamano nalinakukanggon. Maukai nabuno doiya, korayat banggadudul mokubaiyo kolalim.

³Doiyamo Yotam komo kubaiyo ko Tataapon Babasal taalikon doi Lembet doi TEMENENO Na Bonua, tukon ekeenggele ko Yerusalem betoono doi lipu mosinumbuikon Ofel.

⁴Yana kekendenge kokota-kota doi Yehuda bunggulo tukon benteng-benteng tukon menara-menara doi bonggulung-bonggulung.

⁵Yana molobosi tukon lungguiyo ko Amon natomundo pososinggat konasuludadu, maka pakisaayo Amon miano mobabeal lulu. Sasamba kotaun tolu kotaun konakalumbit potuundu yanila sio nababeal lulu 3.400 ko kilogram kosuasa, lua kokaliangano kogandum, suwe-suwele 1.000 koton.

⁶Yoram pololokon teali balakuasa sabab yana setia doi TEMENENO na Mian Bisa.

⁷Kadadian-kadadian bailonggon doi Yotam namaparentaan lalomo, polobosian-polobosian tukon nasiasat-siasat, sasaibino lapamo tinulis doi Tomundo-tomundo Israel tukon Yehuda Nakitab Tundun lalomo.

⁸Yoram konaumur 25 kotaun salataa yana teali tomundo, tukon yana maparenta doi Yerusalem 16 kotaun konakalumbit.

⁹Yana mate tukon kinibul doi Daud Na Kota, maka kona malane Ahas teali tomundo posobolino yana.