Read Banggai 2 TUNDUNAN 4 Bible Online

2 TUNDUNAN 4 - Banggai bible

2 TUNDUNAN 4

¹ Tomundo Salomo mosumboli nakinubai komeeng kobalabaan tambaga kona kobulus tukon kokinobintingo sue-suele 9 kometer, tukon konakatandak 4,5 meter.

²Yana koidan makabai meeng kobak tambaga momatimbuk, tukon ukulan bunoniia naateanan 2,2 meter, kogaristangano 4,4 meter, tukon kobooto 13,2 meter.

³Doi napotikunggonan kobibilo binubungai tukon lua kojajor kosaapi timbalango, mocinoor palaing-laing tukon dobaako.

⁴Bejanadoo inabos doi songulolua ko saapi tambaga bunggono bungguto — tolu sasalane ko lembet, kotolu sasalaane lalom kotolu doi talise tukon kotolu doi tolopot.

⁵Bakoo 75 komilimeter konabondolongan. Bibilo buno sanggil bibilo mobebes sumbut buno bunga bakung mo tobukamo. Dobaako uga-ugat kona isi 60.000 koliter.

⁶ Tomundo Salomo koidan makabai 10 kosombe babasal, lima tuuk inabos taikon doi lalom TEMENENO Na Bonua, tukon lima koidan tuuk taikon doi lembet. Sombe-sombe doo kogunano tuuk mokumesian iyayon pato-patolo naikon nasinua salaku sosubakon. Paisu doi bakoo babasal lalomo sinadiakon tuuk saibino ko iman tuuk nakumesiano ko butongo.

⁷ Yana kabaiyo koidan 10 lampu aino luwedoi mosoni loloiyo komodel molapamo pinikikon, tukon 10 komeda. Saibino kolampu aino tukon meda doo inabos doi luanganno tuuno lalomo doi TEMENENO Na Bonua — suwe-suwele lima taikon doi babo, tukon kolima taikon doi bakalingano. Yana kabaiyo koidan 100 komanggo mosoni.

⁹Tomundo Salomo koidan makabai meeng kokombiang doi lalom tuuk saibino ko iman, tukon meeng kokombiang doi tonggulung. Tataapon loono doi tataapon babasal antara lua kombiang doo ilapis tukon tambaga.

¹⁰Dobaako inabos lolani ko TEMENENO Na Bonua pasuno taikon tolopot.

¹¹Huram, saibino mololedo kapalano, makabai balanga-balanga, sikoop-sikoop tukon manggo-manggo. Maka lapamo yana makabai saibino kopalasadiaanoo doi Tomundo Salomo. Naiyamo kopalasadiaan molapamo yana kabaiyo doya: Lua kosudong babasal Lua kosudong tinano pokakana komanggo moinabos doi sudongoo lua bunggono Lante moinanam doi samba sudongoo kapalano 400 delima tambaga mopinosunikon doi lua ko balis lalomo potikunggon kolante doo moinanam doi samba ko sudong kapalano 10 kokereta 10 kosombe babasal Bak tambaga 12 kosaapi tambaga motumbake do bakoo Balanga-balanga sikoop-sikoop tukon polok-polok Saibino palasadiaan doo Huram mokubaiyo tuuk TEMENENO Na Bonua, kinubai luwedoi tambaga tukon ngginilal polong mangkilap. Huram kabaiyo saibino doo pokonoi tukon Tomundo Salomo naparentah.

¹⁷Tomundo sumbolio makabai barang-barang doo doi baleelan tambaga antara Sukot tukon Zeleda doi Yordan Pepelako.

¹⁸Dobarang-barangoo buno badaang, sampe akiyo ko meeng komiankai komo toiyo bubula kilogram tambaga napinake.

¹⁹Tomundo Salomo koidan sumbolio makabai palakakas-palakakas bailon luwe doi mosoni tuuk. TEMENENO Na Bonua. Naiyamo dopalakakas-palakakaso nakinubai doo: Balaban Meda tuuk roti kinaan Sasaibino kolampu aino tukon nalampu luwedoi mosoni tua tuuk sinua doi Bonua Moliyous. Salaano, pokonoi tukon nalencana Kopalahiasan-palahiasan kona bentuk bunga Lampu-lampu Padapit-padapit Palakakas tuuk pobilisiino lampu sumbuno Manggo-manggo Piling-piling tuuk kamangian Piling-piling tuuk bala Saibino kotataapon usokan doi TEMENENO Na Bonua tukon tataapon Luang Momoliyous ilapis tukon mosoni.