Read Banggai EZRA 1 Bible Online

EZRA 1 - Banggai bible

EZRA 1

¹ Doi taun komeengo Kores nabapamarentaan, Tomundo Persia, ko TEMENENO laksanakanggene oila komo lapamo nabantile lolo doi Nabi Yeremia. Ko TEMENENO dudunggene Kores noano sulano nasumbetene komeeng koparenta mobinacakon doi sasaibino kobatomundoan. Koalalo bunonaiya:

² “Naiyamokai Kores naparenta, tomundo Persia. TEMENENO, Mian Bisa mobalakuasa doi surgaa lapamo tealikene yaku tomundo doi posaapon kodunia, tukon tugaskanggene yaku sulano kubangune kobonua motuuk doiyana doi Yerusalem doi daerah Yehuda.

³Boliisi ko Mian Bisa nalindungiyo komuyu sasaibino mo teali namian. Komuyu sio pomule doi Yerusalem tukon siopo bangune koidan ko TEMENENO Na Bonua, Israel miano Na Mian Bisa, Mian Bisa mo dungol doi Yerusalem.

⁴Kalu daano komeeng komian moluwedoi Naumat doi lipu bangaisonan nia momapalaluu potombonii sulano namoola mule, maka komian-mian napololanikonan sio nabeena dopotomboniidoo. Yanila sio nabeena doiyana perak tukon mosoni, mandu doi loloon tukon iyayon mominuotii, tukon koidan sosubakon-sosubakon motuuk doi TEMENENO Na Bonua doi Yerusalem.”

⁵Doibundu sasaibino komo kapalaiyo komian moluwedoi Yehuda tukon Benyamin nabenseno, sasaibino koimam tukon ko Lewi miano, tukon sasamba komian Mian Bisa mounggete konoano, yanila bato-batotobo momule doi Yerusalem tukonyanila bangune koidan ko TEMENENO Na Bonua.

⁶Sasaibino komian napololanikonan turut mobantuwe yanila tukon beena barang-barang, buno pakakas-pakakas perak tukon mosoni, mandu doi loloon, iyayon mominuotii, buat bailonggon tukon pososubakon-pososubakon motuuk doi TEMENENO Na Bonua.

⁷Kores tobuatenggene komango-manggo tukon galas-galas mopinake lolukon doi TEMENENO Na Bonua lalomo doi Yerusalem. Dobarang-barangoo lapamo Tomundo Nebukadnezar akute tukon yana abese doi nabonua bapilogotan lalomo.

⁸Kores salakanggene koulusano dobuat-buatoo doi Mitredat, batomundoan nabendahara kapalano. Doibundu Mitredat mokubai daftar mo luwedoi barang-barangoo motuuk doi Sesbazar, gubernur doi Yehuda.

⁹Naiyamokai kodaftaro: manggo-manggo mosoni mopinake bakolobokiyan basosubakonan — 30 manggo-manggo perak mopinake bakolobokiyan basosubakonan — 1.000 manggo-manggo bailon — 29 manggo-manggo poipoisik moluwedoi mosoni — 30 manggo-manggo poipoisik moluwedoi perak — 410 kopakakas bailonggon — 1.000

¹¹Sasaibino konakadaang 5.400 komanggo mosoni tukon perak tukon barang-barang bailonggon. Sasaibino doiya Sesbazar babayo salataa yana tukon mian-mian moinaison bailon yanila taus luwedoi Babel ampakon doi Yerusalem.