Read Banggai EZRA 10 Bible Online

EZRA 10 - Banggai bible

EZRA 10

¹Daanoon Ezra mosambeang yana kokiil tukon yana mangakukene konalalim doi TEMENENO Na Bonua salaano, tukon doiya kosinggato badaang tuuno ko Israel miano mo lubat pototongi, mau mala-malane, maukai boine tukon labuk-labuk. Yanila tikumemo yana tukon kokiil buku-bukuan.

²Sekhanya Yehiel napau moluwedoi Elam namondopulian, doibundu yana bantile doi Ezra, “Kami baladosamo doi TEMENENO sabab kami powala tukon boine molulubaton. Maukai nabuno doiya daanoon modaano komoinian doi Israel.

³Maikai nda batotopi doi Mian Bisa, baikon siokai nda siikayo boinedoo pososinggat tukon konapoo labuk-labuk. Sasaibino komuotunggul kami naikon tulutiyo tukon otunggul moluwedoi mian-mian bailon mo odotiiyo ko Mian Bisa naparenta. Kami naikon taatiyo ko Mian Bisa na ukum.

⁴Ikoomokai komo sio mulakukanggene. Kami tomboniiyo ikoo tukon tootubo konoanggami. Lakukanggenemokai tukon tegas sulano nalapa.”

⁵Doibundu tambuuno Ezra molakukanggene. Yana sumboliiyo koimam-imam kapalano, ko Lewi miano tukon ko Israel miano mobatotopi baikon yanila naikon laksanakanggene Sekhanya nausulloo.

⁶Sambuno yanila batotopi, ampakonokai Ezra luwedoi TEMENENO Na Bonua salaano tukon yana usok doi Yohanam Elyasib napau natampat dungolan lalomo tukon yana moolomo idoo. Yana aki naiyase kaan kai monginum yana susa mopikikene domian-mianoo moinaison nakokubai-kokubai.

⁷Doibundu sinabukono komeeng kobilita doi posaapon ko Yerusalem tukon Yehuda doi sasaibino komian mo lapamo abali luwedoi napo sinakukonan, sulano napototongi doi Yerusalem.

⁸Indeee komiano komo aki nalubat doi na 3 kooloyo konakalumbit, naikon inala sasaibino konabuat tukon akimo koidan nainaanggon anggota masyarakat. Sasaibino komo katuaiyo korayat yanila tandatanganiyo dobilitadoo.

⁹Kalu lapamo lapa 3 kooloyo, doi tanggal kolua kolono bituwon kosiyono, sasaibino komala-malane mo dungol doi Yehuda lipuno tukon Benyamin lubat doi Yerusalem tukon yanila pototongi doi TEMENENO Na Bonua basaleano. Doi tempodoo obulus koudan mo babasal tuuno. Sasaibino komian busak-busak sabab namandemelan kolipu tukon koidan napentiingan dopototongianoo.

¹⁰Doibundu Ezra kokondong tukon basilingan doi yanila. Yana bantile, “Komuyu baladosamo tukon suungiyomo ko Israel naksalahan sabab komuyu pokilamo tukon boine molulubaton.

¹¹Sabab doiya, akuiyomokai komudosa doi TEMENENO, Mian Bisa, tumbunggita nasinosubai, tukon lakukanggenemokai oila komo sanaanggene konoano. Dedeenggenekai komian molulubaton mo dungol doi ndatano tukon siikayomokai komuboloki mo luwedoi bangsa molulubatonoo.”

¹²Sasaibino domianoo timbiliyo tukon alaloila mobabasal, “Kami tulutiyo komuotunggul.”

¹³Maka yanila bantile koidan, “Bai komo daano naimbaa badaang tuuno tukon koudan todudul babasal tuuno. Kami aki mai taane mokokondong doi tonggulung bunonaiya. Tukon koidan naiya bolikon palakala momoola inalapa doi meeng kai lua kooloyo lalomo, sabab badaang tuuno luwedoi kami komo tongusokon doi dosa nia lalomo.

¹⁴Pataikenekai sasaibino komai katua sulano nadungol doi Yerusalem tukon napo uluse dosoaloo. Maka sasamba komian doimai kota-kota, mo daano konaboloki moluwedoi bangsa molulubaton, sio napolubat doi tempo mo lapamo tinantukon, polaing-laing tukon sasaibino kohakim doi nakota suwe-suwele. Tukon kalu buno doiya ko Mian Bisa aki naikon nanggimal koidan doi kita sabab dopalakaladoo.”

¹⁵Akiyo komeeng komiankai mopelenggene konakabalatan motuuk doi rencanadoo, alaasene Yonatan Asael napau tukon Yahseya Tikwa napau, tukon tinombonii lua ko Lewi miano, doiyamo Mesulam tukon Sabetai.

¹⁶Komian-mian mo sinakukon doi Babel mo lapamo abalidoo yanila sio natataap ambakonggene dorencanadoo, sabab doiya Imam Ezra yana molilik moimoiya komian doi antara komo kapalaiyo komondopulian, maka natulise kopai sambuno. Doi tanggal komeengo bituwon kosongulono yanila tambuuno bangurus tukon solidikiyo dopalakaladoo.

¹⁷Doi tolu kobituwon lalomo doi salaando yanila lapamo moalapayo konapo bapalesaan motuuk doi sasaibino komala-malane mopoalamo koboine moluwedoi bangsa molulubaton.

¹⁸Naiyamokai kodaftaro sasaibino komian-mian mo daano konaboloki moluwedoi bangsa molulubaton: Sasaibino ko Imam, totulis tukon konamondopulian: Yesua namondopulian tukon utus-utuso, Yozadak nalabuk-labuk: Maaseya, Eliezer, Yarib tukon Gedalya.

¹⁹Yanila lapamo paladandi naikon mobauntale konapo boloki, maka napo mososubakon domba langgilo tuuk teali sosubakon poompuni napo lalim.

²⁰Imer namondopulian: Hanani tukon Zebaja.

²¹Harim namondopulian: Maaseya, Elia, Semaya, Yehiel tukon Uzia.

²²Pasyur namondopulian: Elyoenai, Maaseya, Ismael, Netanel, Yozabad, tukon Elasa.

²³Lewi mian-miano: Yozabad, Simei, Kelaya (koidan binantil Kelita), Petahya, Yuda tukon Eliezer.

²⁴Sasaibino kopenyanyi: Elyasib Sasaibino kopototooli TEMENENO Na Bonua tataapono babasal: Salum, Telem tukon Uri.

²⁵Ko Israel mian-miano bailon: Paros namondopulian: Ramya, Yezia, Malkia, Miyamin, Eleazar, Malkia tukon Benaya.

²⁶Elam namondopulian: Matanya, Zakharia, Yehiel, Abdi, Yeremot tukon Elia.

²⁷Zatu namondopulian: Elyoenai, Elyasib, Matanya, Yeremot, Zabad tukon Aziza.

²⁸Bebai namondopulian: Yohanan, Hananya, Zabai tukon Atlai.

²⁹Bani namondopulian: Mesulam, Malukh, Adaya, Yasub, Seal tukon Yeramot.

³⁰Pahat-Moab namondopulian: Adna, Kelal, Benaya, Maaseya, Matanya, Bezaleel, Binui tukon Manasye.

³¹Harim namondopulian: Eliezer, Yisia, Malkia, Semaya, Simeon, Benyamin, Malukh tukon Semarya.

³³Hasum namondopulian: Matnai, Matata, Zabad, Elifelet, Yeremai, Manasye tukon Simei.

³⁴Bani namondopulian: Maadai, Amram, Uel, Benaya, Bedeya, Keluhu, Wanya, Meremot, Elyasib, Matanya, Matnai, Yaasai.

³⁸Binui namondopulian: Simei, Selemya, Natan, Adaya, Makhnadbai, Sasai, Sarai, Azareel, Selemya, Semarya, Salum, Amarya tukon Yusuf.

⁴³Nebo namondopulian: Yeiel, Matica, Zabad, Zebina, Yadai, Yoel tukon Benaya.

⁴⁴Sasaibino domianoo lapamo osowaan tukon boine moluwedoi bangsa molulubaton. Maka dobolo-bolokidoo binauntal tukon siniika polaing-laing tukon napo labuk-labuk.