Read Banggai EZRA 7 Bible Online

EZRA 7 - Banggai bible

EZRA 7

¹Doi taun-taun doibundu, salataa Artahsasta maparenta salaku tomundo doi Persia, daano komeeng komala-malane kosambuno Ezra, katulunan Imam Babasal Harun. Garis konakaturunan luwedoi bilit doi bilit batagakon doi babo daanokai bunonaiya: Ezra Seraya Azarya Hilkia

²Salum Zadok Ahitub

³Amarya Azarya Merayot

⁴Zerahya Uzi Buki

⁵Abisua Pinehas Eleazar Imam Babasal Harun

⁶Ezra meeng komian mo pandoi tukon badaang konatinoy tentang ko TEMENENO naukum mobineekon, Israel miano na Mian Bisa doi Musa. Sabab Ezra TEMENENO na Mian Bisa balakaatiyo yana, maka sasaibino konakinabi tomundo beekene doiyana. Doi taun kopituno tomundo Artahsasta nabapamarentaan lalomo, lenggetokai Ezra luwedoi Babel ampakon doi Yerusalem polaing-laing tukon meeng korombongan ko Israel miano motongobos luwedoi meeng koaito koimam, ko Lewi miano, penyanyi tukon padagai tataapon babasal doi TEMENENO Na Bonua, tukon sasaibino komo balimang.

⁸Yanila tinggale ko Babel doi tanggal komeengo bituwon komeengo tukon Mian Bisa natulungan yanila polong doi Yerusalem doi tanggal komeengo bituwon kolimano.

¹⁰Ezra lapamo salakanggene sasaibino konapalahatian doi selidikiyano ko TEMENENO na Ukum, sulano nalakukanggene tukon naotunggukene sasaibino kokatantuan tukon koatulano doi bangsa Israel.

¹¹Naiyamokai kodokumen Tomundo Artahsasta nabineekon doi Ezra meeng koimam tukon ahli ukum,

¹²“Luwedoi Tomundo Artahsasta doi Imam Ezra, ahli Mian Bisa na Ukum penguasa doi surgaa.

¹³Yaku maparentakene baikon sasaibino koimam, ko Lewi miano tukon ko Israel miano bailon doi posaapon dakubatomundoan, komoiyase ampakon doi Yerusalem, pinataikon naampakon tukon Utus.

¹⁴Sabab yaku tukon kopitu daku pongotunggul bintekene Utus ampakon doi Yerusalem tukon Yehuda sulano muselidikiyo kondondoongo tukon kitayo oilakai ko Mian Bisa Na Ukum molapamo binacakanggon doi Utus, bisa-bisa Yanila motaatiyo.

¹⁵Yaku tukon sasaibino dakupongotunggul yase mososubakon mosoni tukon perak doi Israel miano na Mian Bisa, Mian Bisa modungol doi Yerusalem. Babayomokai komai sosubakonoo.

¹⁶Sasaibino komosoni tukon perak Utus mokombule doi posaapon ko Babel siokai mubabayo koidan tukon sasaibino kobangsa Israel nasumbangan tukon kona imam-imam motuuk doinapo TEMENENO Mian Bisa Na Bonua doi Yerusalem.

¹⁷Pakeyomokai dodoydoo tukon tapaat tuuk pongoli sapi langgilo, domba napau, gandum tukon anggur. Sasaibino doiya siokai pososubakene doi TEMENENO Na Bonua balabaano bunggono doi Yerusalem.

¹⁸Koperak tukon mosoni labino moola Utus mupakeyo tuuk Utus nakapalaluuwan tukon Utus tula-tulano, pokokonoi tukon Utus na Mian Bisa namongiasan.

¹⁹Sasaibino kopakakas mosinalakanggon doi Utus doiya salakanggene doi Mian Bisa doi Yerusalem tuuk bakaledaan doi Mian Bisa Na Bonua.

²⁰Tukon sasaibino kokapalaluuwan bailon doi TEMENENO Na Bonua, Utus moola mangkabi luwedoi batomundoan nakaas.

²¹Doi sasaibino kopongulus batomundoan nakaas doi propinsi Efrat taalikon talise yaku parentakene sulano oilamo Imam Ezra nakinabi, ahli Mian Bisa na Ukum ponguasa doi surgaa, sio pobeekene doiyana tukon mosobit,

²²tukon kona kadaang bunonaiya: perak sio napolong 3.400 kg, gandum sio napolong 10.000 kg, anggur sio napolong 2.000 koliter, kozaitun lisisono sio napolong 2.000 koliter tukon kotimuson sampe sukup komo pinalaluu konakadaang.

²³Kubaiyomokai komulimang tukon tapaat doi sadiakanano sasaibino kolobo Mian Bisa ponguasa doi surgaa nakinabi tuuk doi Nabonua, sulano yana naaki nanggimoliiyaku kai doi mian-mian bailon mo maparenta kalu yaku tademo.

²⁴Komuyu aki namoola mangala lulu moluwedoi sasaibino koimam, ko Lewi miano, padagai tataapon babasal, polimang, kai indee komiano tolong komo daano kona potoikonan ko TEMENENO Na Bonua.

²⁵Utus, Ezra, pakeyomokai kohikmat mo lapamo Mian Bisa beekene doi Utus, tukon odudukemokai kokatua-katua tukon hakim-hakim sulano napo parentayo sasaibino komian doi propinsi Efrat taalikon talise mo tubo loingiyo Utus na Mian Bisa na Ukum. Do Ukumoo siokai Utus muotunggukene doi sasaibino komian moakiyoon natoiyo.

²⁶Sasamba komian mo aki naloingiyo Utus na Mian Bisa na ukum-ukum, kai ukum-ukum batomundoan, domian-mianoo sio namosobit inukum mate, kai sinakukon, kai sinita konabuat, kai tinalunggu.”

²⁷Maka Ezra bantile, “Nggaale ko TEMENENO, tumbunggita na Mian Bisa sinosubai! Yana lapamo sunggele kotomundo noano sahingga yana yase mebee palahatian motangalaas doi TEMENENO Na Bonua doi Yerusalem.

²⁸Tukon Mian Bisa napotulungi kotomundo sanaangiyo yaku, tukon napongotunggul-pongotunggul tukon nasambu-sambu mobalakuasadoo; ko TEMENENO ku Mian Bisa lapamo beena somangat doiyaku, sahingga yaku moola mangandan bula-bulaa konakadaang komo kapalaiyo ko Israel miano sulano napo mule doi Yerusalem.”