Read Banggai EZRA 8 Bible Online

EZRA 8 - Banggai bible

EZRA 8

¹Naiyamokai kodaftaro sasaibino komo kapalaiyo ko Yahudi miano namondopulian mo sinakukon doi Babel tukon abali polaing yaku, Ezra, mule doi Yerusalem doi tempo Artahsasta maparenta salaku tomundo:

²Gersom, luwedoi Pinehas namondopulian Daniel, luwedoi Itamar namondopulian Hatus Sekhanya napau, luwedoi Daud namondopulian Zakharia, luwedoi Paros namondopulian talalaing tukon 150 komala-malane moluwedoi pulino (daano kotulisano mengenai konapo katurunan) Elyoenai Zerahya napau, luwedoi Pahat-Moab namondopulian, talalaing tukon 200 komala-malane Sekhanya Yahaziel napau, luwedoi Zatu namondopulian, talalaing, tukon 300 komala-malane Ebed Yonatan napau, luwedoi Adin namondopulian, talalaing tukon 50 komala-malane Yesaya Atalya napau, luwedoi Elam namondopulian, talalaing tukon 70 komala-malane Zebaja Mikhael napau, luwedoi Sefaca namondopulian, talalaing tukon 80 komala-malane Obaja Yehiel napau, luwedoi Yoab namondopulian, talalaing tukon 218 komala-malane Selomit Yosifya napau, luwedoi Bani namondopulian, talalaing tukon 160 komala-malane Zakharia Bebai napau, luwedoi Bebai namondopulian, talalaing tukon 28 komala-malane</t(...)

¹⁵Sasaibino dokolompokoo yaku pototongikene doi paisubatango bibilo mo lomba doi kota Ahawa, maka mai basandung indaa tolu kooloyo konakalumbit. Salataa yaku palesayo, talaat daano komoi-moiya koimam doi antara yaniladoo, bai akiyo komeeng komiankai moluwedoi Lewi nabenseno.

¹⁶Maka yaku uange kosiyo komian doi antara sasaibino kokatua, doiyamo: Eliezer, Ariel, Semaya, Elnatan, Yarib, Natan, Zakharia, Mesulam tukon koidan lua koguru, doiyamo Yoyarib tukon Elnatan.

¹⁷Doibundu yaku utuse yanila mopososuung Ido, kapitan doi Kasifya, tukon kakabi sulano Ido tukon tula-tulano sasaibino kopolimang doi TEMENENO Na Bonua, yanila sio namakapatu doi kami mian-mian mo baleleani doi TEMENENO Na Bonua.

¹⁸Sabab kona monondokan ko Mian Bisa noano, yanila kopotuikene doikami Serebya, meeng ko Lewi miano mo pandoi luwedoi Mahli namondopulian, Polaing-laing tukon yana lubat koidan konapu-pau tukon utus-utuso, 18 komian konakadaang.

¹⁹Hasabya tukon Yesaya luwedoi Merari namondopulian, tukon lua kolono komian konapo pau utus, kinapatu koidan doi kami.

²⁰Sangalaasan doiya daano koidan ko 220 komian kopolimang TEMENENO Na Bonia mo totulis kasambuno. Kotumbunoila salataa looluk Tomundo Daud tataapenemo tukon sasaibino kosambu-sambu babasal doi batomundoan sulano natomboniiyo ko Lewi miano.

²¹Maka doi Ahawa Paisuno batango bibilodoo yaku popitoikene baikon yanila sasaibino sio nabapuasa tukon pependeyo kobutongo doi Mian Bisa salaano. Kami sambeang sulano ko Mian Bisa naloolainge kami doi ambakonanoo lalomo, tukon nalindungiyo kami tukon sasaibino komai lobosamba.

²²Yaku matakut momakabi suludadu mopake adalan doi tomundo sulano nalindungiyo kami luwedoi musuh doi ambakonan lalomo. Sabab yaku lapamo bantile doiyana, baikon komai Mian Bisa balakaatiyo sasamba komian mo tutuu lakukanggene koagama naparenta doiya tukon mosikitene tukon ukume sasamba komian mo aki natulutiyo doiyana.

²³Maka kami bapuasamo tukon sambeang doi Mian Bisa mangkabi lindungan doiyana tukon yanakai talimayo komai sambeang.

²⁴Luwedoi antarano sasaibino koimam motalakamuka yaku molilik 12 komian doiyamo: Serebya, Hasabya tukon 10 komian bailon.

²⁵Doibundu yaku motimbanggene doi yanila koperak, mosoni tukon pakakas-pakakas moluwedoi tomundo nasumbangan, sasaibino kopongotunggul tukon sambu-sambu motatandak tukon luwedoi sasaibino ko Israel miano, sulano napinake doi TEMENENO Na Bonua lalomo. Sasaibino doiya yaku salakanggenemo doi sasaibino doimammoo.

²⁶Naiyamo konatinulisan dosumbangan-sumbanganoo: Perak — 22 ton 100 kopakakas perak — 70 kg mosoni — 3.400 kg 20 komanggo mosoni — 8,4 kg 2 komanggo tambaga momonondok tuuno, mo pokakana koanggano tukon komanggo mosoni.

²⁸Yaku bantile doi sasaibino doimammoo, “Komuyu inalaas tuuk doi TEMENENO, Mian Bisa tumbunggita nasinosubai, bunomo lakon sasaibino kopakakas perak tukon mosoni mosinumbangkanggon doi TEMENENO daanokai moinalaasanggon tuuk doi TEMENENO.

²⁹Dolobo-lobodoo podagaiyo mono-monondok polong polubat doi TEMENENO Na Bonua. Kalu lapamo polong indaa sio potimbange dolangge-langgedoo, tukon posalakanggene doi imam-imam kapalano tukon Lewi miano katua-katua, tukon Israel miano nakatua-katua doi Yerusalem.”

³⁰Maka sasaibino domian-mianoo tukon do Lewi mianodoo yanila mantalimamo perak, mosoni tukon dopakakas-pakakasoo sulano napo babayo doi TEMENENO Na Bonua doi Yerusalem.

³¹Doi tanggal kosongulono lua bituwon komeengo kami otinggalemo ko Ahawa Paisuno batango tukon kami tauso doi Yerusalem. Doi mai ambakonanoo lalomo ko Mian Bisa lindungiyo kami luwedoi musuh nalawanano tukon natodongano kami.

³²Salataa kami polong doi Yerusalem, kami batadei 3 kooloyo konakalumbit.

³³Doibundu doi oloyo kosanggapo kami ampakon doi TEMENENO Na Bonua, maka mai timbange koperak, mosoni tukon dopakakas-pakakasoo. Sambuno lapa kami motimbange sasaibino doiya kami salakanggenemo doi Imam Meremot Uria napau tukon Eleazar komo sakisiiyo Pinehas napau tukon lua ko Lewi miano, doiyamo Yozabad Yesua napau tukon Naoja Binui napau.

³⁴Dolobodoo sasaibino inait tukon tinimbang, maka natinulis tukon lengkap.

³⁵Doi oloyodoo koidan sasaibino komian mo lapamo abali luwedoi napo inaisonan doi Babel, yanila mososubakon sosubakon mosinua doi Israel miano na Mian Bisa. Yanila mososubakon 12 kosapi langgilo tuuk posaapon ko Israel, 96 kodomba langgilo tukon 77 kodomba pauno; sangalaasan doiya daano koidan ko 12 kombembe teali sosubakon pongompuni napai lalim susuungo. Sasaibino doiyayonoo sinua salaku sosubakon doi TEMENENO.

³⁶Maka kodokumen molapamo tomundo beekene doi yanila, pinolonggon doi sasaibino kogubernur tukon sambu doi propinsi Efrat Taalikon talise. Maka dosambu-sambudoo yanila mebee bantuan doi rayat sulano napo moola tataap lakukanggene koagama naparenta doi TEMENENO Na Bonua.