Read Banggai NEHEMIA 10 Bible Online

NEHEMIA 10 - Banggai bible

NEHEMIA 10

¹Komian tumbeno motandatanganio doiyamo Gubernur Nehemia Hakhalya napau. Lapa doiya tundu Zedekia. Lapa doiya mian-mian bailonggon nia koidan tandatanganio:

²Saibino ko imam Seraya, Azarya, Yeremia, Pasyhur, Amarya, Malkia, Hatus, Sebanya, Malukh, Harim, Meremot, Obaja, Daniel, Gineton, Barukh, Mesulam, Abia, Miyamin, Maazya, Bilgai, tukon Semaya.

⁹Lewi mian-mianno Yesua Azanya napau, Binui katulunan Henadad benseno, Kadmiel, Sebanya, Hodia, Kelita, Pelaya, Hanan, Mikha, Rehob, Hasabya, Zakur, Serebya, Sebanya, Hodia, Bani, tukon Beninu.

¹⁴Saibino kokatua bangsa Poros, Pahat, Moab, Elam, Zatu, Bani, Buni, Azgat, Bebai, Adonia, Bigway, Adin, Ater, Hizkia, Azur, Hodia, Hasum, Bezai, Harif, Anatot, Nebai, Magpias, Mesulam, Hezir, Mesezabeel, Zadok, Yadua, Pelaca, Hanan, Anaya, Hosea, Hanaya, Hasub, Halohes, Pilha, Sobek, Rehum, Hasabna, Maaseya, Ahia, Hanan, Anan, Malukh, Harim, tukon Baana.

²⁸Kami rayat Israel saibino ko imam Lewi mianno, saibino kopadagai tataapon TEMENENO Na Bonua, saibino komo bamusik tukon saibino komo balimang doi TEMENENO Na Bonua, koidan boloki tukon komai pau-pau motabokono tuuk momangalati tukon saibino komian mo totobos doi Mian Bisa naukum tukon lapamo bangalaso doi mian molulubaton modungol doi mai tano.

²⁹Kami saibino pototongi tukon saibino komai katua tukon batotopi tuuk tubo loingio ko Mian Bisa naukum molapamo Yana bekene tukon luwedoi Musa; Naata. Bolisi Mian Bisa batopikene kami kalu kami aki daanokene paladandian nia. Kami batotopi naikon loingio saibino koparentah, ukum tukon TEMENENO komai Mian Bisa naparatulan.

³⁰ Kami batotopi tuuk aki naosoan campuran tukon bangsa bangsa molulubaton modungoliyo komai tano.

³¹ Kalukai daano kobangsa molulubaton moiyase mabalukon gandum kai barang oilano doi kami doi Oloyo Tadean kai oloyo molious bailonggon, kami aki naikon namongoli. Doi samba kotaun kopituno kami aki naikon mobalimang asi tukon aki naikon nabasinga samea.

³² Samba kotaun kami suwe-suwele naikon mabantu lima gram perak tuuk anggaran biaya TEMENENO Na Bonua.

³³Kami naikon sadiayo komo pinalalu-pinalalu doi kaledaan TEMENENO Na Bonua, doiyamo: roti kinaan, gandum mosinosubakon oloyo, iyayon tuuk sosubakon mosinua oloyo, mosinosubakon molious kobailon sosubakon-subakon potolos lalim Israel, tukon saibino ko oila mopinalalu tuuk TEMENENO Na Bonua.

³⁴Kami rayat, saibino ko imam tukon Lewi miano, naikon masabut undi samba kotaun tuuk motantukene yando kobenseno mo sio sadiayomo kayu sinua tuuk sosubakon-subakon mosinosubakon doi TEMENENO mai Mian Bisa, mololoi paraturan ukum.

³⁵ Samba kotaun kami naikon babayo doi TEMENENO Na Bonua kogandum hasilo tumbeno tukon sao-saono tumbe-tumbeno meoh doi mai kajung-kayung.

³⁶ Kami naikon babayo komai pau mala-malane langgongo doi sasaibino ko imam doi TEMENENO Na Bonua tuuk mosalakanggene doi Mian Bisa, pokokonoi tukon ukum naparaturan. Kami naikon salakanggene koidan saapi napau, domba napau, komai mbembe napau mosinung tumbeno.

³⁷ Kami naikon babayo doi saibino ko Imam doi TEMENENO Na Bonua koadonan luwedoi tumbeno mopinupui samba kotaun, koidan sosubakon-sosubakon bailon buno anggur zaitun lisosono tukon saibino kolupano kosaoh-saohno. Perpuluhan mosinosubakon luwedoi mai asi hasilo naikon kami babayo doi Lewi mian-mianno momopulut perpuluhan mosinosubakon-sinosubakon doi kota-kota palatanian.

³⁸Bai meeng koimam katurunan Harun sio napolainggene Lewi mian-mianno doo kalukai yanila mopulut mosinosubakon-mosinosubakon doo. Tukon songobos sungulo luwedoi sasaibino mosinosubakon doo sio Lewi mian-mianno komo babayo doi kombiang-kombiang mangabosan kinaan doi TEMENENO Na Bonua.

³⁹Rayat Israel tukon Lewi mian-mianno sio namababa sumbangan motataap buno gandum, anggur tukon zaitun likisonno doi kombiang-kombiang bangabosan kinaan tampat mangabosan TEMENENO Na Bonua ala-alato. Idoo koidan tampat dungolan saibino komian modaano kona limang, saibino kopadagai Tataapon TEMENENO Na Bonua tukon saibino komo manani. Kami aki naikon natoliminggene mobilisikanggene komai TEMENENO Na Bonua.