Read Banggai NEHEMIA 12 Bible Online

NEHEMIA 12 - Banggai bible

NEHEMIA 12

¹Naiamo saibino koimam tukon Lewi mianno moabali luwedoi masakukonan polaing-laing tukon Zerubabel Zealtiel napau tukon imam Babasal Yesua:

²Saibino ko imam: Seraya, Yeremia, Ezra, Amarya, Malukh, Hatus, Sekhanya, Rehum, Meremot, Ido, Ginetoi, Abia, Miyamin, Maaja, Bilga, Semaya, Yoyarib, Yedaya, Salu, Amok, Hilkia, tukon Yedaya. Yanila daanon kapala imam-imam doi tempo Yesua.

⁸Lewi mian-mianno: Pimpine konamanian syukul: Yesua, Binui, Kadmiel, Serebya, Yehuda tukon Matanya.

⁹Anggota panani mo mananikene konanian potimbili: Bakbukya, Uni tukon tula-tulano sebenseno.

¹⁰Naiamo kogalis katulunan Imam Babasal Yesua, Yoyakim, Elyasib, Yoyada,

¹¹Yonatan, Yadua.

¹²Naiamo kona tinulisan saibino kapala Imam tukon yanila benseno salataa Yoyakim balimang salaku Imam Babasal: [IMAM] — [BENSENO] Meraya — Seraya Hanaya — Yeremia Mesulam — Ezra Yohanan — Amarya Yonatan — Melikhu Yusuf — Sebanya Adna — Harim Helkai — Herayot Zakharia — Ido Mesulam — Gineton Zikhri — Abia ....... — Minyamin Piltai — Moaja Samua — Bilga Yonatan — Semaya Matnai — Yoyarib Uzi — Yedaya Kalai — Salai Heber — Amok Hasabya — Hilkia Netaneel — Yedaya

²²Natulisan tentang nakapala-kapala kaluargaa Lewi mianno tukon kaluargaa imam lapamo sinasat doi tempo saibino ko Imam babasal tundu nia: Elyasib, Yoyada, Yohanan tukon Yadua. Sasatan doo lapa salataa Darius maparentah salaku tomundo Persia.

²³Bai tentang kapala-kapala kaluargaa Lewi benseno tolongokai totulis polong tempo Yonatan Elyasib natumbu.

²⁴Doi Hasabya, Serebya, Yesua, Binui tukon Kadmiel, nakatuaiyo Lewi mian-mianno inobos bulakolano koobos. Samba tempo daano lua kolompok mobalimang nggaale TEMENENO tukon beena sukul doi yana secara potimbi-timbili, pokonoi tukon Tomundo Daud naparaturan, Mian Bisa doo naata.

²⁵Saibino mobadagai kombiang-kombiang bangabosan lobo kinaan lolani kotataapon babasal TEMENENO Na Bonua doiyamo Matanya, Bakbukya, Obaja, Mesulam, Talmon tukon Akub.

²⁶Yanila doo tubo doi tempo Yoyakim Yesua napau tukon Yozadak natumbu, tukon doi tempo Gubernur Nehemia tukon Imam Ezra, pandoi Hukum doo.

²⁷Salataa beton kota Yerusalem lesmimo, Lewi mian-mianno inuang luwedoi saibino kotempat yanila dungolan, sulano turut molamekene peristiwa doo tukon nanian-nanian sukur, tukon musik gambus tukon kosapi.

²⁸Maka pototongimo saibino kopanani luwedoi Lewi nakaluargaa-kaluargaa doo, mau luwedoi lipu tampat nadungolan potikunggon ko Yerusalem, maukai luwedoi kota-kota napokolania ko Netofa,

²⁹luwedoi Bet-Gilgal, Geba tukon Asmawet.

³⁰Saibino koimam tukon Lewi mian-mianno doo molakukene koupacara yanila nabilisikano tuuk butongo lapa doiya tuuk rayat, tuuk tataapon-tataapon babasal tukon beton kota.

³¹Yaku silakanggene saibino mokatuaiyo Yehuda liba doi beton bunggono tuuk moantale lua kolompok babasal naikon mobalis boilingio kota tukon manyanyikene kosukur nggaalano ko Mian Bisa. Kolompok tumbeno mobaris doi beton bunggono, tudeo doi bakalinga, doi Tataapon Batotopian.

³²Hosaya ampakon doi saibino kopanani tonggulungo, sembeleng luwedoi saibino kokatua Yehuda mianno malaing.

³³Saibino koimam tunduk naia ampakon doi yanila tunggulungo, sembeleng tukon puuke kotrompet. Azatya, Ezra, Mesulam, Yehuda, Benyamin, Semaya tukon Yeremia. Yanila Zakharia Yonatan napau polainggene tukon Semaya natumbu. Bubula luwedoi nambumbu doiyamo: Matanya, Mikha, Zakur luwedoi Asaf benseno.

³⁶Doi tonggulungo ampakon anggota-anggota luwedoi nabenseno, doiyamo: Semaya, Azareel, Milalai, Gilalai, Maai, Netaneel, Yehuda tukon Hanani. Yanila saibino mababa alat-alat musik, pokakana Tomundo Daud naminaenggon, Mian Bisa naata doo. Imam Ezra, pandoi Hukum Mian Bisa doo moampakon doi kapala balisandoo.

³⁷Polong doi Tataapon Babasal Paisu Palaput yanila lias tukon liba doi kota Daud tukalo, lolo doi kamali Daud, maka abali doi beton Tataapon Babasal Paisu taikon kota oloyo sumbutan.

³⁸Kolompok panani mo meeng koidan babalis doi beton bunggono natujuiyo doi bobo, tukon yaku ikutio polaing-laing tukon sembeleng luwedoi rayat. Kami babalis mololoi Menara Perapian polong doi Beton Bebelak.

³⁹Maka kami mololoi Tataapon Babasal Efraim, Tataapon Babasal Momalumbiton. Tataapon Babasal Ikan, Menara, Hananeel tukon Menala Mea polong doi Tataapon Babasal Domba. Komai barisan tade lolani Tataapon Babasal Momalumbitoo Badagaian lolani TEMENENO Na Bonua.

⁴⁰Maka polongokai lua kolompok panani doo lolani doi TEMENENO Na Bonua. Mobolikon saibino kokatua doi kukolompok,

⁴¹lalomo malaing koidan koimam-imam mopuuke kotrompet. Yanila daanon: Elyakim, Maaseya, Minyamin, Mikha, Elyoenai, Zakharia tukon Hananya;

⁴²doi yanila tonggulungo ampakon Maaseya, Semaya, Eleazar, Uzi, Yohanan, Malkia, Elam, tukon Ezer. Saibino kopanani manani Yizrahya komokatuaiyo.

⁴³Doi oloyo doo badaang sosubakon mosinosubakon doi TEMENENO. Korayat sanaang sabab Mian Bisa lapamo kubaiyo yanila monondok. Saibino koboine tukon napu-pau koidan malaing balamean tukon yanila lalo molongol polong moddoon monondok tuuno.

⁴⁴Doi tempodoo bubula komian motinegason padagai kombiang-kombiang mundal tampat mangabosan bantuan-bantuan tuuk TEMENENO Na Bonua, tongusokon sosubakon perpuluhan tukon dunia hasilo tumbeno samba kotaun. Saibino padagaidoo sio namokumpul bantuan-bantuan doo luwedoi asi-asi potikunggon doi kota-kota. Bantuan-bantuan doo sinalakanggon doi saibino koimam tukon Lewi mian-mianno, pokonoi tukon palatulan Hukum. Yehuda mian-mianno anggayo saibino koimam tukon Lewi mian-mianno doo,

⁴⁵ sabab yanilamo molakukene koupacara mongoliousan tukon upacara-upacara bailon molapamo Mian Bisa maparentakene. Saibino komo bamusik tukon modagaiyo TEMENENO Na Bonua tataapono koidan yanila lakukene kolimang-limang, pokonoi tukon Tomundo Daud naparaturan tukon Salomo, namalane.

⁴⁶Tambuno tempo Tomundo Daud tukon Asaf mopandoi musik, saibino kopanani lapamo mananikene kolagu-lagu sukur panggaal tuuk Mian Bisa.

⁴⁷Doi tempo Zerubabel tukon koidan doi tempo Nehemia saibino korayat Israel beekene komo sinosubakon tuuk sukupio koparaturan samba kooloyo saibino kopanani tukon mobadagai doi TEMENENO Na Bonua tataapono. Korayat Israel beekene kosusobakon mokusus doi Lewi mian-mianno tukon Lewi mian-mianno doo beekene doi imam koobos molapamo tinantukon.