Read Banggai NEHEMIA 7 Bible Online

NEHEMIA 7 - Banggai bible

NEHEMIA 7

¹Sambuno lapa beton doo kinokondong, yaku mosumboli sulano tataaponnoo doping-dopingo pinaaso. Maka padagai-padagai tataapon babasal, saibino kopanani tukon Lewi mianno kusumboliyo nalimange kona limang suwe-suwele.

²Pamarentaan kota Yerusalem kubekeene doi utusonggu Hanani, tukon Hananya talenga benteng, sabab yana lobian doi mian bailon, matakutene ko Mian Bisa tukon moola nainangga.

³Bantilekai doi yanila, “Tataapon babasal Yerusalem sodo namoola binuka kalu oloyo madialango tukon sio lapamo tinutup tukon pinaso kopalang akiyon nakinobian saibino kopadagai tade balimang. Bailonggon doo sio natinudo kopadagai luwedoi antara modungoliyo ko Yerusalem, kosongobos tuuk pos-pos badagaian tukon songobos koidan tuuk mondelung potikunggon kolipu yanila nabonua.”

⁴Yerusalem kota mobebelak bai tolongo soisik podungolino, tukon akiyon nabadaang kobonua mokinubai.

⁵Tobikon doiya Mian Bisa popitoikene doi yaku tuuk mopototongikene korayat tukon sasaibino kokatua tukon laka-lakaino, sulano yaku moola aite yanila mololoiyo yanila salitano natinulisan. Doi kasampatan doo lapamo kuposunggene kotulisanno tentang mian-mian kotumbe-tumbeno moabali luwedoi masakukonan. Koidan naia daanon kokatalangan kuilaat luwedoi tulisan doo.

⁶Badaang doi antara mianno mosinakukon tinggalemo kolipu Babel tukon abali doi Yerusalem tukon Yehuda, suwe-suwele doi nakota susungo. Yanila malumbito konatuboan doi nasinakukon doi Babel, tambun yanila inakut indaa salaku Tomundo Nebukadnezar natawanan.

⁷Yanila nakatua-katua doiyamo Zerubabel, Yesua, Nehemia, Azarya, Raamya, Nahamani, Mordekai, Bilsan, Misperet, Bigway, Nahum tukon Baana.

⁸Naiamo natinulisan Israel namondopulian, tukon mian nakadaang luwedoi samba kobenseno moabali luwedoi nasinakukonan: Paros — 2.172 Sefaca — 372 Arath — 652 Pahat Moab (katulunan Yusua tukon Yoab) — 2.818 Elam — 1.254 Zatu — 845 Zakai — 760 Binui — 648 Bebai — 628 Azgad — 2.322 Adonikam — 667 Bigwai — 2.067 Adin — 655 Ater (juga disebut Hizkia) — 98 Hasum — 328 Bezai — 324 Harif — 112 Gibeon — 95

²⁶Mian-mianno konambumbu dungol doi kota-kota tundu nia koidan abali luwedoi masakukonan: Kota Betlehem tukon Natofa — 188 Anatot — 128 Bet-Azmawet — 42 Kiryat-Yearim, Kefira tukon Beerot — 74 Rama tukon Gaba — 621 Mikhmas — 122 Betel tukon Ai — 123 Nebo mo bailon — 52 Elam mo bailon — 1.254 Harim — 320 Yerikho — 345 Lod, Hadid tukon Ono — 721 Senaa — 3.930

³⁹Naiamo benseno mondopulian saibino koimam momule luwedoi masakukonan: Yedaya (katurunan Yesua) — 973 Emer — 1.052 Pasyhur — 1.247 Harim — 1.017

⁴³Lewi namondopulian benseno momule luwedoi masakukonan: Yesua tukon Kadmiel (katurunan Hodewa) — 74 Pamain suling doi TEMENENO Na Bonua (katurunan Asaf) — 148 Padagai tataapon doi TEMENENO Na Bonua (katurunan Salum, Ater, Talmon, Akub, Hakita, tukon Sabai) — 138

⁴⁶Naiamo benseno mondopulian saibino mobalimang doi TEMENENO Na Bonua mo mule doi masakukonan: Ziha, Hasufa, Tabaot Keros, Sia, Padon Lebana, Hagaba, Salmai Hanan, Gidel, Gahar Reaya, Rezim, Mekoda Gazam, Uza, Paseah Besai, Meunim, Nefusim Bakbuk, Hakufa, Harhur Bazlit, Mehinda, Harsa Barkos, Sisera, Temeh Neziah tukon Hatifa.

⁵⁷Benseno mondopulian saibino komoleleaniyo Salomo momule luwedoi masakukonan: Sotai, Soferet, Perida, Yaala, Darkon, Gidel, Sefaca, Hatil, Pakheret-Hazebaim, Amon.

⁶⁰Saibino kokatulunan saibino mobalimang doi TEMENENO Na Bonua tukon saibino moleleaniyo Salomo moabali luwedoi masakukonan nakadaang 392 komian.

⁶¹Doi antara mianno moluwe doi kota-kota Tel-Melah, Tel-Harsa, Kerub, Adon tukon Imer, daanon 642 komian mo tongusokon Delaya benseno. Tobia, tukon Nekoda; bai yanila aki laate buktikanggene baikon yanila tulunan bangsa Israel.

⁶³Koidan daano bubula ko imam namondopulian moaki namalaat moposunggon tulisan tentang Yanila nambumbu. Bense-benseno doo daanon Habaya, Hakos tukon Barsilai. (Meeng kombumbu imam Barsilai benseno osoan tukon boine katurunan Barsilai benseno doi Gilead tukon lapa doiya yana mapake sambu namonianan pulino.) Sabab yanila aki nalaate buktikanggene indee yanila nambumbu, maka yanila aki natinalima salaku imam.

⁶⁵ Gubernur lipu Yehuda larange yanila makaan kinaan mosinosubakon doi Mian Bisa polong daano meeng ko imam momakabi otunggul tukon momapake Urim tukon Tumim.

⁶⁶Mianno mosinakukon mo mule doi natano konakadaang saibino 42.360 komian. Kobailon doo mule koidan saibino motombonio yanila kona kadaang 7.337 komian tukon modaano 245 komian. Yaniala koidan mababa naiyayon-iyayon doiyamo: Kuda — 736 Bagal — 245 Unta — 435 Keledai — 6.720

⁷⁰Badaang doi antara rayat mebee sumbangan tuuk mokakamalane kobiaya pokindok TEMENENO Na Bonua: Luwedoi Gubernur — — 8 kilogram mosoni — 50 mangko upacara — 530 duba imam Luwedoi saibino kapala benseno — — 168 kilogram mosoni — 1.250 kilogram perak Luwedoi mian-mian bailon: — — 168 kilogram mosoni — 140 kilogram perak — 67 jubah imam

⁷³ Saibino ko imam, Lewi mianno, saibino kopadagai tataapon TEMENENO Na Bonua saibino kopanani, badaang komo luwedoi rayat biasa, saibino mobalimang doi TEMENENO Na Bonua, palus kobantilan saibino korayat Israel, tataap doi kota-kota tukon doi kampung-kampung Yehuda.