Read Banggai ESTER 7 Bible Online

ESTER 7 - Banggai bible

ESTER 7

¹Budodoiya naiyamokai koluano luunggon tomundo tukon Haman nakaan inum posinggat-singgat Ester.

²Yanila daanoon momonginum anggur, tomundo mansadai koidan doi Ester, “Nah, ikoo daku boloki, oilamo komu niyas? Bantilemokai! Pasti yaku beekonggon maukai mukabiyo kosembeleng daku batomundoan.”

³Ester dotomundo boinedoo timbiliyo, “Kalu Tuan yase, ata kabiyo sulano ata tukon ata nabangsa namoola tubo.

⁴Sabab ata tukon ata nabangsa lapamo binalukon sulano nainakate. Kalu andeno kami tongo binalukon sulano natinealikon ata, ata aki nabiyok-biyok tukon aki kunggangguwo Tuan. Bai budodoiya kami naikon siniika tukon inakate kabus!”

⁵Maka Tomundo Ahasyweros mansadaimokai doi Ester tomundo boine, “Indee komo barani momokubai bunodoiya? Inaando komiano?”

⁶Ester timbiliyo tukon bantile, “Haman mo lokis naiyamokai komusuh tukon komo loilokisene kami!” Haman mbalenge tomundo tukon tomundo boine yana matakuto tuuno.

⁷Sambuno lapa doiya Tomundo nggimal tuuno; maka yana kokondong otinggale komeja tukon banggadudul tobuat, tukon ambakon doi bubunga asino doi kamali. Haman toiyomo baikon tomundo mangalamo kaputusan sulano naukume yana, tobikon doiya yana tataap dungol tukon Ester dotomundo boinedoo tuuk nakabiyo sulano nasinalamaton.

⁸Doiya kosinggato Haman putus asa maka naotuwenge kobutongo doi Ester nakoi bungkono tukon maksud yana mangkabi ampun, bai tapaat doi tempodoo koidan tomundo abalimo luwedoi bubunga asino doi kamali. Salataa tomundo kitayo Haman mobuno doiya, yana bantile, “Oila? Daanoon koidan yana mobarani sasalaiyo tomundo boine naimba, doi salaanggu tukon doi kukamali susuunggu?” Salataa tomundo bantile dobantilan-bantilan, tukon mosoi-soibit sasaibino kosambu lubat tukon yanila tombukiyo Haman oluno.

⁹Maka daanoon komeeng komian moluwedoi sambu-sambudoo kosambuno Harbona. Yana bantile, “Tuan, doi naloolanikonan Haman nabonua daano kosudong batudean konakatandak lu kolono lua kometer. Haman kekendenge doiya konamaksud sulano natudeyo Mordekhai, doiyamo mian molapamo salamatene Tuan nanyawa.” Doibundu tomundo maparentakene tukon bantile, “Tudeyomokai Haman doi sudongoo!”

¹⁰Bunomokai doiya Haman natinudeyan doi sudong mo lapamo yana kekendenge sulano natudeyo Mordekhai. Sambuno lapa Haman tinude makanasodo tade tomundo nanggimalan.