Read Banggai TOBUATAN 25 Bible Online

TOBUATAN 25 - Banggai bible

TOBUATAN 25

¹TEMENENO bantile doi Musa,

²“Sumboliiyomo ko Israel miano momababa sosubakon doiya-Ku. Indee komo tobuka konoano, sio namababa sosubakon

³buno: mosoni, perak tukon tambaga;

⁴toik lenan alus, toik wol manampal, ungu tukon memela, toik luwedoi mbembe buluno,

⁵domba langgilo kulito mosiname memela, kulit moalus, kayung akasia,

⁶lisison motuuk doi lampu, lamba-lamba lisisono motuuk doi bakolobokiyan tukon tuuk doi dupa mobabangi,

⁷moisalomo kobatu permata mokinabai tuuk doi imam babasal napakean tukon napotutup oyopo.

⁸Sumboliiyomo dobangsadoo namokubai meeng ko Sandung tuuk doiya-Ku, sulano Kumoola podungoli tukon yanila.

⁹Ko Sandung tukon lolongguno sionapo kubaiyo pokokonoi Daku tinudoikon doi yanila.”

¹⁰“Kubaiyomo komeeng kopeti moluwe doi kayung akasia kona kobulus 110 kosentimeter, konakebelan tukon nakatandak suwe-suwele 66 kosentimeter.

¹¹Lapise tukon mosoni taalikon doi lalom tukon doi tonggulungo tukon kubaiyomo kobingkaino luwedoi mosoni.

¹²Kokayung patanggungo, kubaiyomo sangkap kokulaluk mosoni tukon kaitene doi sangkap koaino, lua kokulaluk doi sasamba kobibilo.

¹³Kubaiyomo koidan kopatanggungo luwedoi kayung akasia tukon lapisiyo doiya tukon mosoni,

¹⁴maka usekene kayungdoo patanggungoo doi nakulaluk lalomo doi memeeng kobibilo dopetidoo.

¹⁵Kayungdoo patanggungodoo sio natataap daano doi kulaluk-kulalukoo lalomo, tukon aki namoola tinobuatonggon.

¹⁶Maka doi petidoo lalomo sio muabese dobatudoo molua buno Daku sinumboliikon doi ikoo.

¹⁷ Kubaiyomo dopetidoo potutupino luwedoi mosoni tulen, konakobulus 110 kosentimeter tukon konakebelan 66 kosentimeter.

¹⁸Mokubaimo luwedoi mosoni motinutuk,

¹⁹komeeng doi sasamba kotubono dopetidoo potutupino. Loluakon dokerubpoo sio napinomeenggon tukon kopotutupino,

²⁰tukon kinubai sio naposasalaan tukon kapilo motopopong doi petidoo bunggono.

²¹Abesemo lolua dobatudoo doi petidoo lalomo tukon konoikenemo kopotutupo doi bunggono.

²²Doi tampatoo Yaku naikon pososuung tukon ikoo, tukon luwedoi potutupoo bunggono, doi antara lolua domahlukoo doi surgaa modaano kokapilo, Yaku beekonggon Daku aturan-aturan motuuk doi Israel miano.”

²³“Kubaiyomo komeeng komeda luwedoi kayung akasia konakobulus 88 kosentimeter, konakebelan 44 kosentimeter, tukon konakatandak 66 sentimeter.

²⁴Lapise tukon mosoni tulen tukon konoikene komeeng kobingkai mosoni potikunggon.

²⁵Kubaiyomo komeda bibilo konakebelan 7,5 sentimeter tukon beena mosoni kona tolongan potikunggon dobibilodoo.

²⁶Kubaiyomo sangkap kokulaluk mosoni tukon konoikenemo doiya doi sangkap kopasuno doi aino, doi nalolanian kobibilo.

²⁷Dokulalukoo tuuk taaniyo kokayung patanggungo sulano domedadoo namoola biningkat.

²⁸Kayung patanggungodoo sio nakinubai doi kayung akasia tukon linapis mosoni.

²⁹Mokubaimo pinggan-pinggan, sasanggil-sasanggil, selekan-selekan tukon manggo-manggo tuuk mangabosan anggur paisuno mo sinosubakon. Sasaibino domedadoo lolongguno sio nakinubai luwedoi mosoni tulen.

³⁰ Domedadoo sio nainabos doi Peti Perjanjian salaano, tukon doi medadoo bunggono sio nasidutu tasadia koroti mo kinaan.”

³¹“Kubaiyomo kolampu aino moluwe doi mosoni tulen. Kobilito tukon taaniyano sio nakinubai luwedoi mosoni motinutuk; kopobubungaino; tousokon kotubono tukon pangano uuno sio napotaami kobilito tukon taaniyano.

³²Doi taaniyanodoo sio nakinubai noom kopangano, tolu kopangano doi sasamba kolisuko.

³³Doi sasamba kopangano sio nakinubai kobubungano buno tolu kobadam bungano tukon tubono pangano uuno.

³⁴Doi taaniyano sio nakinubai kobubungano buno sangkap kobadam bungano tukon doi tubono maka doi pangano uuno.

³⁵Doi sasamba kopanganodoo napotimbangan taalikon doi bilit sio nakinubai meeng kotubono.

³⁶Sasaibino dolampudoo aino tukon tubo-tubono maka panga-pangano sio nakinubai luwedoi meeng komosoni tulen patolo motinutuk.

³⁷Kubaiyomo kopitu kolampu doi lampu ainodoo tukon konoikenemo bunodoiya sampe kolaango tuwong doi salaano.

³⁸Mokubaimo pakakas pobilisii posi sumbuno tukon natalam koidan luwedoi mosoni tulen.

³⁹Kalu ikoo kubaiyo dolampudoo aino tukon lolongguno sio mumapake 35 kokilogram komosoni tulen.

⁴⁰ Kalu mukubaiyo dolampodoo aino sio muloingikene oilamo Daku potudoikon doi ikoo nai bunggulia bunggono.”