Read Banggai TOBUATAN 37 Bible Online

TOBUATAN 37 - Banggai bible

TOBUATAN 37

¹Bezaleel mokubai Peti Perjanjian luwedoi kayung akasia, konakobulus 110 kosentimeter, kobelano tukon nakatandak suwe-suwele 66 ko sentimeter.

²Taambikon lalom tukon tonggulungo linapisi tukon mosoni tulen, maka nakinubai kobingkaino mosoni potikunggon.

³Doibundu kinubaimo kosanggapo kokulaluk mosoni tuuk kokayung patanggungo tukon kinonoikono doi sangkap dopetidoo aino, lua kokulaluk doi sasamba kolisuko.

⁴Minokubaikon koidan kopatanggungo moluwedoi kayung akasia, tukon linapisimo tukon mosoni,

⁵maka kayung patanggungodoo inusokon doi kulaluk lalomo doi sasamba kolisuko dopetidoo.

⁶Doibundu minokubaikon meeng kopokukupo luwedoi mosoni tulen, kona kobulus 110 kosentimeter tukon konakebelan 66 kosentimeter.

⁷Minokubaikono koidan lua domahluk doi surgaadoo modaano kokapilo timbalango moluwe doi mosoni mo tinutuk,

⁸memeeng doi sasamba kopokukupo bunduno. Loolua domahlukoo doi surgaa modaano kokapilo timbalango pinomeenggon tukon pokukupo

⁹tukon kinubai posasalaan, tukon kapilo motopopong motombukiyo dopetidoo pokukupo.

¹⁰Bezaleel mokubai meda luwedoi kayung akasia, konakobulus 88 kosentimeter, konakebelan 44 kosentimeter tukon konakatandak 66 kosentimeter.

¹¹Medadoo linapisimo tukon mosoni tulen tukon doi potikunggon kinonoikono kobingkai mosoni.

¹²Yana kubaiyo domedadoo bibilo konakebelan 7,5 kosentimeter. Dobibilodoo binee bingkai mosoni potikunggon.

¹³Yana mokubai sangkap kokulaluk tuuk kayung patanggungo tukon konoikenemo doi medadoo aino mosangkap kopasuno.

¹⁴Kulaluk motuuk pataani kokayung patanggungo kinonoikon loolani komeda bibilo.

¹⁵Patanggungoo kinubai luwedoi kayung akasia tukon linapiso mosoni.

¹⁶Yana koidan mokubai pinggan-pinggan, sasanggil-sasanggil, selekan-selekan tukon manggo-manggo tuuk basosubakonan anggur paisuno. Sasaibino domedadoo lolongguno konakinubaiyan luwedoi mosoni tulen.

¹⁷Bezaleel mokubai lampu aino luwedoi mosoni tulen. Kopaalaso tukon taaniyano kinubai luwedoi mosoni motinutuk. Kopobubungaino, tousokon bubunga moakiyoon natebeleka, tukon kopangano uuno tinealikon meeng tukon taaniyano.

¹⁸Doi taaniyanodoo minokubaikon noom kopangano, tolu kopangano doi sasamba kolisuko.

¹⁹Doi sasamba kopangano minokubaikon bubungano buno tolu kobadam bungano tukon bubunga moakiyoon natebeleka tukon kopangano uuno.

²⁰Doi taaniyano minokubaikon bubungano buno sangkap kobadam bungano tukon bungano moakiyoon natebeleka tukon pangano uuno.

²¹Doi bilit sasamba dopanganodoo mopopangai minokubaikon meeng kobungano moakiyoon natebeleka.

²²Sasaibino lampudoo ainodoo tukon bungano moakiyoon natebeleka tukon panga-pangano uuno kinubai luwedoi meeng kopatolo komosoni tulen motinutuk.

²³Doi lampu ainodoo minokubaikon pitu kolampu tukon pakakas tuuk pobilisii posi sumbuno tukon koposino moluwedoi mosoni tulen.

²⁴Doi mokubaiyan lampu aino tukon lolongguno pinalaluukon 35 kokilogram mosoni mo tulen.

²⁵Bazaleel mokubai meeng kobalabaan moluwedoi kayung akasia tampat mosuaan kamangian. Dobalabaanoo kondondoongo tapanapat; konakobulus tukon nakebelan suwe-suwele 45 kosentimeter tukon konakatandak 90 kosentimeter. Doi sangkap kopasuno doi babo minokubaikon tanduko mo teali meeng tukon dobalabaanoo.

²⁶Taambikon babo, kosanggapo kolisuko tukon kotanduk-tanduko linapis tukon mosoni tulen tukon napotikunggonan minokubaikon bingkai mosoni.

²⁷Minokubaikon koidan lua kokulaluk doi bingkaidoo mosoni adeno doi loolua kolisuko sulano nataaniyo kayungdoo patanggung balabaanoo.

²⁸Dopatanggungoo kinubai luwedoi kayung akasia tukon linapis mosoni.

²⁹ Bezaleel koidan mokubai lisison bakolobokiyan tukon kamangian tulen mo babangi, sinambul pokakana kominalambu mobabangi.