Read Banggai AYUB 10 Bible Online

AYUB 10 - Banggai bible

AYUB 10

¹Yaku tabaal tukon mosikitene dakutuboan, maka kukundange konaanggu namosopotan.

²Ooh Mian Bisa, inaimo mosalakanaku; talangkanggene bulaando Ikoo molawanaku.

³Oila kountungo kalu Ikoo lailainggene buno naiya, tukon sakukene Mubalimangan hasilo susuumu? Oila kountungo kalu Ikoo yasemo kopandapat tukon sasaibino komo kulokis natetel?

⁴Komu pokita aki napokakana kobangkapi napokita

⁵tukon Muumur aki napokakana konapependean naumur.

⁶Kalu bunodoiya, bulaando Ikoo motuntute sasaibino dakulalim? bulaando Ikoo moumboliiyo sasamba dakusalah?

⁷Konabisaan ikoo toiyo tukon mangalati, baikon yaku aki kusalah, bai bisa. Ikoo toiyo baikon akiyo komeeng komian momoola salamatene yaku luwedoi lima-Mu.

⁸Yaku nia lima-Mu komo kubaiyo, bulaando konatealian budodoiya Ikoo moakabuse yaku?

⁹Neneekemo baikon luwedoi buta memela Ikoo pasitakaaku! bulaando Ikoo mokubaiyo yaku abali teali ambata?

¹⁰Ikoo moolakene kotamanggu tealikene yaku tukon Ikoo kabasale yaku doi tinanggu tiano lalomo.

¹¹Ikoo kubaiyo kobutonggu tukon buku tukon neet; kobukunggu Ikoo beena sailo tukon kulito pobungkuso.

¹²Ikoo beena yaku tubo; Ikoo seseange yaku, daku ansaang Ikoo dagaiyo tukon Mumopialan.

¹³Bai diabudodoo yaku toiyo baikon doi namalumbitanoo, tukon tosookon Ikoo lapamo pikikene daku silakaan.

¹⁴Ikoo awasio yaku kalu-kalu mokubai salah sulano namoola Mutolake mobeena ampun.

¹⁵Kalu yaku mokubai lalim, maka daku tuboan bisa mosilaka! Bai kalu daku kokubai aki nasinosibolii, yaku tataap inaanggon mokubai lalim! Aki kubarani mobenggete koolunggu, sabab rasayo poloon tukon hina tuuno.

¹⁶Kalu daano daku linaat, mau naaki nabubula, Ikoo lelenggene yaku buno singa. Tukon Ikoo tudoikene koidan Komu kuasa tolongo tuuk otokutiaku.

¹⁷Sidutu Ikoo lubatene kosakisii molawane yaku; tukon pololokon babasal Komunggimalan doiyaku. Ikoo atule kopasukan-pasukan boolu tuuk molobosi tukon lobosio yaku.

¹⁸Bulaando ikoo mosodiikene yaku kusinuung doi dunia? Tadukai kumate tolong doi naakiyoonan kobangkapi nakitaaku!

¹⁹Maka pokakana moaki kusinuung, sabab luwedoi tinanggu tiano banggadudul kinibul.

²⁰Ah, akimo namalumbit koidan naikon yaku matemo, maka sodiikenemo yaku susuunggu, sulano namoola kutoupiyo daku tempo moano kolabino nia.

²¹Akimo namalumbit koidan yaku tauso tukon akimo kuabali, pakituuwo kolipu mokalipookan tukon kulokis tuuno.

²²Lipu mokalipookan tuuno, moono bayangan tukon nggabutan, idoo komadialang pokakana kokalipookan.”