Read Banggai AYUB 18 Bible Online

AYUB 18 - Banggai bible

AYUB 18

¹Maka Bildad timbiliyo, “He Ayub, oila kotempono kona pupusan komusilingan? Inai mobiyok, tukon ndongoliiyo diabudodoo kami yase mobantil-bantil.

³Bulaando ikoo moanggene kami longas, tukon ikoo pokanakene kami tukon saapi?

⁴Komunggimalan tolongo kollosiiyo kobutomu. Siokai tuuk mukapantingan dunia lapuso kopodungolino, tukon bunggul-bunggul biniolo luwedoi natampat?

⁵ Komian molokis naposi tantu pinosoi; kona aung naikon aki nainokoiti koidan.

⁶Komadialangan doi nasandung tealimo kinduung konatarangan; posi mokadiolongiiyo akimo natarang koidan.

⁷Konalaakonan momonondok tealimo tasalah-salah; kona rencana susuungo mangaanikene yana takait.

⁸Yana ampakon doi pukat lalomo, maka sambit koaino.

⁹Takaiton kototunano doi perangkap, tobikon yana linakomo.

¹⁰Doi buta, tosookon koalos talongo; doi loloon, tapasang kokobo tukon pokoot.

¹¹Komatakutan odinggalayo komian lokis doi sasaibino konatausan; komatakutan lolainge yana doi sasamba kona laakonan.

¹²Looluk yana bukuan, diabudodoo yana susahmo; kosilakaan lolaingemo doiyayaa.

¹³Kokulito kanakon sesel mokulokis tuuno; kobotokono tukon aino banana boowan.

¹⁴Yana linaniton luwedoi nasandung, tampat nalasaano aman, maka binubut tuuk mangadap matean.

¹⁵Diabudodoo indee tolong komo moola dungol doi nasandung lalomo, tukon idoo tiniposiikon kobelerang, moakiyenggene konapanakit.

¹⁶Koanggo-anggolo motuul tukon mokukut; kolanga-langaano motuul tukon mokukut.

¹⁷Yana akimo natiningonii koidan mau doi lalom mau doi kota tonggulungo; akiyono komeeng komiankai modaano moneneeke kosambuno.

¹⁸Luwedoi madialang yana siniika doi kalipookan lalomo; luwedoi mian tubo nadunia yana siniika.

¹⁹Yana akiyo konapau tukon nakatulunan; doi nakampung lalomo meeng komiankai akiyono kolabino.

²⁰Mondongolii natuboan ngginggim kolipu tumbuno doi talise, sabeakai kolipu tumbuno doi tolopot mbombokon sabab matakut.

²¹Bunomodoiya komian lokis natuboan, yanila moaki naanggayo ko Mian Bisa.”