Read Banggai AYUB 24 Bible Online

AYUB 24 - Banggai bible

AYUB 24

¹Bulaando ko Mian Bisa moaki natataapene kooloyo mangadilian, sulano komian badaang Motingoniiyomo namalaat kaadilan?

²Daano komian badaang mosaakene kokalatan paloosano, sulano konabuta nateali babasal. Yanila ndikuke kodomba tambuno, tukon kandange doi napoo domba kandango.

³Kopautuboon nakeledai, yanila obulenggene; yanila alayo komeeng kobalu nasaapi, salaku pataru.

⁴Yanila sesembange komian motalalais nalaate konahaak, maka tapakisaa komian motalalais sapit.

⁵Jadi domo talalaisoo buno keledai solo momounggolii kaan doi padang lalomo; tolongo doi tampat-tampatoo daano kokinaan tuuk napau-pau.

⁶Yana tapakisaa limange komian bailon naasi; yana sio napototongikene komian lokis naanggur saono.

⁷Yana akiyo konatoik tukon pakean pokotolonosii butongo doi tempo popook.

⁸Yana mbetak udan babasal doi bunggul, maka bakoolanikon doi bunggo batu sulano nasoop.

⁹Komian lokis kubaiyo ata kopau tuboon, tukon alayo komian motalalais napau lumboon modaano kona samea doiyana.

¹⁰Komian motalalais taus akiyo kona ndemel; yana malaalo doi daanoan mobapupui gandum doi naasi.

¹¹Luwedoi zaitun yana mokubai lisison tukon luwedoi anggur saono, monginuman, bai yana susuungo moloumo tutuuno.

¹²Doi kota-kota tololongol komian lokis nabebean, mian daango mopakolon makabi tulung napinakuli, bai ko Mian Bisa aki namondongolii konapoo sambeang; Yana aki naiyase moloingiyo.

¹³Daano komian-mian motolayo komadialang tukon musuwo, yanila aki natingoniiyo tukon aki nalainge konaloloon.

¹⁴Doi naalanian komodoa kopangakate bangun luwedoi namooloan, maka sumbot akateo komian motalalais, tukon koidan oloyo akiyoon namodoa, yana baso-basookon buno pondikuk.

¹⁵Komian mobalolowa totiiliyo kotempo napopook; yana pakeyo konapatanggupi oluno sulano komian naaki natingoniiyo koduduso.

¹⁶Kopondikuk lombake kobonua doi tempo popook; doi tempo dodowa yana badodoonggon doi madialang tukon Yana sapit.

¹⁷Tuuk yana, matakutene tuuno kododowa soono, bai kopopook molondomikon yana sanaanggene tuuno.”

¹⁸Maka Zofar bantile, “Komian lokis kopaisu eaba lelenge, ko Mian Bisa kutukiyo konabuta; konaanggur asino diabudoo kiis; akiyo koidan komo balimang idoo koidan.

¹⁹Buno soiluk lapus sabab pital tukon oloyo, bunomo doiya komian mo mokubai lalim linomos doi mian mate nadunia lalomo.

²⁰Kotinano susuungo toliminggenemo yana, tukon ngganggalang kaane kobutongo. Kosambuno akimo koidan naikon nainonook; yana inakabus buno kayung motolubang.

²¹Doiya sasaibino teali sabab yana lailainggene kobauntal, tukon kulokis konasipat doi boboloki moakiyo konamalane.

²²Bai ko Mian Bisa, tukon Nakuasa, siikayo komian mobarani. Ko Mian Bisa motindokio, maka matemo komian lokis.

²³Ko Mian Bisa beena tuboan momonondok, bai dagaiyo tukon aki nabere-berenti.

²⁴Tongo soisikeen yana tubo monondok, bai doibundu taus tuuk sidutu posidutukon. Yana molooyu buno bulung moakiyo kotakoso; buno labue batuno mopinatol luwedoi batango.

²⁵Indeekai komoola saleanggene dokadadianoo, kai moakiyenggene dakubantilan nabisaan?”