Read Banggai AYUB 3 Bible Online

AYUB 3 - Banggai bible

AYUB 3

¹ Doibundu Ayub tambuun basilingan tukon kutukiyo kona oloyo sinuungan, konabantilano,

²“Ooh Mian Bisa, kutukiyomo daku oloyo sinuungan, tukon popook tinanggu natambuunan tianangganaku!

⁴Ooh Mian Bisa, tealikene dooloyodoo kalipookan, lapusenemo luwedoi Muponoonook sampe lapus; inaimo Ikoo mosodiikene koidan laango madialang nakadiolongiiyo.

⁵Tealikenemo dooloyodoo mopook kalipookan, londomikon, kabur tukon aki natalaang; songgupiyo tukon bunom tukon bunom mopook, itolungiyo luwedoi oloyo panano.

⁶Tadukai dopopookoo nainakiyonggon luwedoi mangaitan taun tukon bituwon; maunaakimo koidan naninoonook, inaimo koidan nabinantil.

⁷Batadikenemo dopopookoo nakalipookan tuuno akiyo konakasanangan, akiyo kotedesan.

⁸He mian motolosupa tukon mokumandeo ko Buea, lokisemo dooloyodoo tukon totopi tukon pokutuk;

⁹Kobituwon pauno mandala maunaakimo nataraang; inai mosobiikene kobenggel panano natasabul! Batadikenemo dopopookoo napalasuma momototiili nalubatan kooloyo tukon moinian moboolu.

¹⁰Tokutuko kopopook silakaan salataa tinanggu suungaku, tukon binatadikon natanggunge kosakisaa.

¹¹Bulaando moaki kumate doi tinanggu nakodutan lalomo, kai akiyo koansaang doi tempo kusinuungan?

¹²Bulaando kotinanggu molebeke yaku naabine, maka yana susuwo doi susuno?

¹³Kalukai doi tempodoo yaku mule maka yaku moolo tukon tade tukon tanaang,

¹⁴buno sasaibino kotomundo tukon ponguasa loolukoo, mobangune koidan kokamali doi lounu loolukoo,

¹⁵yaku moolo buno tomundo namalane, moontokiyo konabonua tukon suasa mosoni.

¹⁶Bulaando moaki kusinuung mate sulano kumoola tomboosokon tukon lapus kolipu?

¹⁷Indaa, doi kibul lalomo, kopalambok aki nalakukene kokulokisan tukon buruh mokabuso kobukuno moola nabatadei.

¹⁸Koidan komian motinaan omiyo sanaang, luputo doi sasaibino kopadagai napanganuukon.

¹⁹Indaa sasaibino komian pokakana: mototingonii tukon moaki natotingonii. Tukon doibundu sasaibino koata bebaso.

²⁰Bulaando kobanggapi mosinodiikon tubo banggadudul sakisaa? Bulaando komadialan mobineekon doi mosusah.

²¹ Yanila lobian yase kokibul makabaino buat, mototiili matean, bai aki nalubat-lubat.

²²Konamonondokan sodo namoola toupiyo kalu yanila mate tukon kinibul.

²³Konapoo tuboan doi salaando daanoon Mian Bisa motutupe yanila tinikumo luwedoi sasaibino koarah.

²⁴Posobolino kaanan yaku mondomuk, akiyo kona tadean yaku momangadu.

²⁵Sasaibino daku minanasakon, kanakono yaku, sasaibino daku minatakuton, tepokiiyakumo.

²⁶Doiyaku akiyo kona amanan, daku sakisaawan akiyo kona pupusan.”