Read Banggai AYUB 30 Bible Online

AYUB 30 - Banggai bible

AYUB 30

¹Bai komian motabokon diabudoo totulaiyo yaku, lalukko yanila tamano kukitayo todudulo hina tuuk modagaiyo dakudomba polaing koasu padagai.

²Yanila akiyo kotakoso doiyaku sabab kabuso konapoo bukuanan.

³Yanila malaal tukon sakisaa tuuno, tobikon nakaane kokayung anggolo momotuul doi bonggulung mokiis.

⁴Yanila kibute kosonit doi padang lalomo maka nakaane maukai loono maukai anggolo.

⁵Yanila siniika tukon panggalai buno mian mosiikayo kopondikuk.

⁶Yanila dungol doi leng-leng lalomo; kobunggul sanggalo buang-buango teali napoo bonua.

⁷Yanila tataluuwang doi bonggulung buno iyayon, pototongi doi mosolot lalomo doi sonit suukano.

⁸Yanila akiyo kosambuno tukon akiyo koanggano, komian-mian molapamo siniika luwedoi natano.

⁹Yanila lubat diabudoo tukon kokumbite yaku, tuuk yanila, yakunia tolongo maenan moakiyo konatotuuk.

¹⁰Yanila kitaaku akiyo kotakoso tukon minosikiton, tukon koidan yanila tupeiyo kodudusonggu.

¹¹Sabab ko Mian Bisa tealikene yaku lemat tukon aki kubukuan, yanila pololokon suungiyo konapoo nggimalan.

¹²Dopoakoolanoo lobosiaku luwedoi salaanggu, tukon yanila pikikenemo daku tuwongan.

¹³Yanila semba-sembange daku loloon tuuk silakaiyo yaku; akiyokai komeeng komian momoola halangiyo yanila doi tempo napoo molobosian.

¹⁴Bunokai eaba yanila duduwo kobetoon kubataanggonan; rame-rame yanila lubat mopisaiyo kobutonggu.

¹⁵Kona hebatan sunggunio kabutonggu; buno mbombuul napuulan kobutonggu anggano natausan; bunokai bunom moalon, daku monondokan nalapusan.

¹⁶Diabudoo kabimo yaku mate; kiyono kona mamalaangan tuuk doi kususaan.

¹⁷Doi tempo popook sasaibino kobukunggu ngilu, kona malalasan buno tinuk akiyo konatadean.

¹⁸Ko Mian Bisa lakoyo yaku doi kubokukum bulungo, tobikon dakupakean nalambot doi butonggu.

¹⁹Yana lambitanaku doi dolaak lalomo, yaku tealimo buno limbut tolong!

²⁰Yaku nggeleamon doi-Koo, oh Mian Bisa, Ikoo aki mutimbiliyo; kalu yaku sambeang, Ikoo aki mupalaatikanggene.

²¹Ikoo tolonggimolon doiyaku, tukon sasaibino komubukuanan ikoo lailaingganaku.

²²Ikoo batadikene kombombuul nabengakanaku; ikoo nggabutemo kobutonggu doi mbeyus lalomo.

²³Yaku toiyo, ikoo babayo yaku doi matean lalomo, sasaibino komotubo natampat pinototongikonan.

²⁴Bulaando ikoo molobosiyo komian mosilaka, moakimo nateali mokubai oioila mobaino moinikene komaasi?

²⁵Bolikonkai yaku kokiil pososinggat komian mosusah tukon seseange komian mokakulangan?

²⁶Yaku moinikene komondokan tukon madialang, bai kosusaan tukon kalipookankai komo lubat.

²⁷Komatean tukon susaan lubotiiyaku oloyo paisoboli kooloyo pololokon badaang dakutinoupi.

²⁸Doi kalipookan lalomo, yaku dombalaa doisumai; yaku kokondong doi mian badaang salaano makabi tulung.

²⁹Koalalonggu poloon moono bamaasian buno asu lobo tukon tomisi unta nakokiilan.

³⁰Kokulitonggu teali mopook; kobutonggu tosua tukon maligoot.

³¹Looluk kulengele komusiik tedes-tedes, diabudoo bainokai kokiilan tukon mandaungan.