Read Banggai AYUB 4 Bible Online

AYUB 4 - Banggai bible

AYUB 4

¹Maka basilingano Elifas, konabantilano: “Ayub, kai ikoo manasal kalu yaku basilingan? Aki nateali yaku badongolikon namalumbit.

³Badaango komian ikoo mobeenamo otunggul, tukon yanila molemat lapamo ikoo kobukuanggene.

⁴Komu bantilan-bantilan mobeena samangat, mobangune komian motakait, miuko tukon pakadak.

⁵Bai diabudodo ikoo susuumu kanakon susah, ikoo ngginggim, tukon teali manasal.

⁶Bolikonkai ikoo setia doi Mian Bisa; bolikonkai komu tuboan akiyo sosiboliino? Kalu buno doiya pantasokai mumangangga tukon aki mumasal.

⁷Pikikene, daanomo komian moakiyo konasalah kanakono silaka tukon susah?

⁸Yaku toiyo luwedoi pokitaan baikon komian mobapajeko asi kulokisan, tukon momotipas kalibuang molokis buno kalibuang mosinakakon, naikon mopupui silakaan tukon nasusaan!

⁹Buno sokoi, bunomodoiyakai ko Mian Bisa nanggimalan akabuse yanila sampe kabus!

¹⁰Komian lokis nggeleamon tukon tataluuang, babunokon singa yanila ngaaton. Bai ko Mian Bisa aki nabiokiyo yanila tukon lotoyomo kongoli-ngolingo.

¹¹Yanila mate buno singa moakiyono konakinaan, tobikon konapau-pau malapaaso akimo natantu.

¹²Daano komeeng kobatokitaan polong doiyaku, babunokon bantilan alus doi tolingainggu lalomo.

¹³ Kumoolo taganggu tukon yana siikayo, pokakana momalaat olumon molokis doi popook molondomikon.

¹⁴Yakukai ngginggim tukon mbombokon; totubo kobutonggu bubusak, mbombokon.

¹⁵Mombuul puul idan singgile kodudusonggu, maka kokondong daku onoan.

¹⁶Meeng kobayangan kokondong doi salaanggu, kununuiyo, bai aki kutingoniiyo yana. Maka kulengele kolalo bulungan pasayo kona kiisan kolipu nandondoong,

¹⁷‘Kaibisa kobanggapi moakiyo konasalah doi Mian Bisa salaano? Kai bisa yana moaki nasinisibolii doi Mopasitakayo matano?

¹⁸Baikon ko Mian Bisa napeleleani doi surgaa, aki nateali inangga Yana. Bunomo kai doi Namalaekat-malaekat ilaat Kona kasalahan tukon totulai.

¹⁹Oila nokoidan kobanggapi luwedoi buta makalambulut laga ambata momoola pinidol buno bibil!

²⁰Dobanggapidoo tubo doi tempo dodowa, maka mate tongokoolo doi nakinobianan, tukon tuuk posidutukon yana akimo naninoonook koidan.

²¹Maka lapuso sasaibino konatinotooli; yanakai mate doi naakiyonan kona pikilan.’