Read Banggai AYUB 6 Bible Online

AYUB 6 - Banggai bible

AYUB 6

¹Maka Ayub timbiliyo, “Kalukai daku susah pinoloonggon tinimbang konakabalat,

³tantu lobian babalat luwedoi ndalangon boneno. Jadi, inai momasainding kalu daku bantilan-bantilan aki nataatul tukon tosia-siaikon.

⁴Luwedoi Mo Balakuasa napanah tebeke tadul kobutonggu; tebeaas kolasumo doi posaapon kobutonggu. Ko Mian Bisa nababasalan minatakuton tuuno, tukon lobosiyo yaku buno musuh napasukan.

⁵Ko keledai naikon biyai kalu binee bulung momongula, bunomo koidan saapi kalu bineekon kona kinaan.

⁶Bai konakinaan matabal, indee komo yase? bulaando konatealian konggalau moakiyo ko momoute akiyo kotamiso?

⁷Aki kuyase mosinggile; toluwe kalu yaku makaan.

⁸Bulaando ko Mian Bisa moaki nalengele daku sambeang? Bulaando moaki napinalaatikanggon daku kakabi?

⁹Siokai Mian Bisa yase manase yaku! siokai yana tindokiiyo tukon akateo yaku!

¹⁰Doiyaku dolanggedoo naikon pokakana kohiburan; yaku naikon osuleng doi sakisaawan tangano. Sasaibino ko Mian Bisa Mo Moliyous naparentah, yaku loingiyomo tukon yaku palatikanggenemo banggadudul.

¹¹Oila daku bukuanan tobikon yaku nadaanoon? Oila daku minoinikon tuuk yase tubo lobian malumbit?

¹²Kai kobutonggu nia pokakana kobatu nabukuanan? Kai nabutonggu nia luwedoi tambaga?

¹³Kabuso kobukunggu mounggolii potombonii; yaku akimo koidan kutinombonii.

¹⁴Doi sakisaawan mobuno naiya, yaku neneeke daku sobat tuuno. Yaku daano motataap totobos kai toliminggenemo Komo Balakuasa.

¹⁵Bai komuyu, he tula-tulando, aki namoola inangga tukon minoinikon. Komuyu buno paisubatango mokabus kopaisuno, doi tempo naakiyan nalubat koudan.

¹⁶Komuyu bunokai paisubatango momolino tukon tanaang, sabab totonggupi linggous tukon kopaisu keol.

¹⁷Mosobit kalu lubat kopintal, linggous tukon doessoo lapus akiyo konabakaas. Paisubatango lalomo teali mooti, akiyo kopaisuno tukon mooti tuuno.

¹⁸Kopadagang-padagang tapa doi tempo namoumboliiyan paisu; yanila lausala tukon mate doi padang bone.

¹⁹Kopadagang moluwedoi Syeba tukon moluwedoi Tema umboliiyo dopaisudoo tukon moinikenemo.

²⁰Bai konapoo minoinikon aki nateali doi paisubatango bibilo moakiyo kopaisuno.

²¹Buno paisubatango doiyamo komuyu, kotulanggu; ikoo bangabalinggon tukon matakut kitayo daku sakisaawan.

²²Bulaando? Oilano daku kinabi meeng kolobo doi butomu? Kai sumboliiyo komuyu moseleke komian tuuk kukapantingan?

²³Oilano yaku kabiyo kusinalamaton tukon tinolos luwedoi musuh moakiyo konaseang?

²⁴Nah, otunggule yaku, tudoikenemo daku kasalahan! yaku naikon dongol tukon mondongolii mubantilan.

²⁵Bantilan-bantilan mobisa kemeliyo konoano, bai komusilingan mokala akiyo koalatino!

²⁶Sasaibino daku binantil komuyu anggene mbombuul tolong; palasuma potimbiliyo yaku momanasalo.

²⁷Bai kopau moakiyono kotinano tukon tamano komuyu undio konatuboan, kotulamo posobatan tuuno komuyu akakene tuuk poteali kaasa.

²⁸Soba, kitayo yaku; yaku nia akikai kubakokolii doi komuyu?

²⁹Inai motindokiiyo tukon aki naadil, sadaro! Inai mososiboliiyaku, yaku tutuu aki kusalah.

³⁰Oilakai ikoo anggene yaku bakokolii, aki namoola posasalakene komo monondok tukon mosinisibolii?