Read Banggai SADEONG 105 Bible Online

SADEONG 105 - Banggai bible

SADEONG 105

¹Pobasukuurkai doi TEMENENO, pobabilitakene Konababasalan, basalitakenekai Kona kokubai-kokubai doi bangsa-bangsa.

²Pomanyanyikenekai konggaalano ko TEMENENO, pobabilitakenekai sasaibino Kona limang mo minasaindinggon.

³Yanamokai ko TEMENENO Mo Meeng; polaba-labakai sabab kita nia koonamo Nalobo, sasaibino komo sombaiyo yana siokai nalaba-laba.

⁴Makabikai bukuanan doiya-Na, sombaiyokai yana momeenggon.

⁵Eh Abraham nakatulunan, Napeleleani, nenekekai sasaibino Konalangge linakukon mominasaindinggon, Kona kaputusan-kaputusan inai motolininggene.

⁷Ko TEMENENO daanokai nda Mian Bisa, Konakaputusan pinake doi posaapon kodunia.

⁸Yana sidutu neneeke Kona perjanjian Kona janji pinake sidutu-posidutukon.

⁹ Doperjanjianoo Yana kubaiyo tukon Abraham, tukon doibundu polong Ishak ekeenggele

¹⁰ maka doibundu koidan yana ekeenggele tukon Yakub, teali perjanjian mokekal doi Israel miano.

¹¹Kona bantilano, “Ko Kanaan butano Yaku naikon bekonggomuyu, nateali pobuta pusaka.”

¹²Loolukoo ko Mian Bisa namian tubo tongo buno mian lulubaton indaa konapo kadaang tongo soisik tuuno.

¹³Yanila lausala luwedoi bangsa meeng taus doi bangsa bailon, biyol luwedoi meeng kotano doi tano bailonggon.

¹⁴ Bai ko TEMENENO aki nabatadikene indeekai komo lailanggene yanila; sabab tukon yanila, kotomundo-tomundo Iningotiikon,

¹⁵“Inai nagangguwo komian Yaku molilikemo, inai mokulokisanggene Daku nabi-nabi!”

¹⁶ Ko TEMENENO lubatene komalaalan doi tanodoo, tukon alayo sasaibino kokinaan nasinadiamo.

¹⁷ Bai yana mosumbolii meeng komian moloolukoniyo yanila, doi Yusuf, molapamo binalukon salaku ata.

¹⁸ Koaino pinagot tukon panga, kobulungo bakalonggene korante besi.

¹⁹Kona pupusan tealimokai kona tinantukonan, yana tinutuukon luwedoi Temeneno nabantilan.

²⁰ Maka ko Tomundo Mesir, mokuasaiyo kobangsa-bangsa, tobuatene yana luwedoi talunggu lalomo.

²¹ Yana binee limang mouluse kokamalio, tukon binee kuasa mokuasaiyo sasaibino konabuat;

²²tukon koidan haak sulano naatule sasaibino kotomundo napagawe, tukon katuaiyo komian momotu-motuamo.

²³ Maka Yakub taus doi Mesir tukon tataapo indaa salaku mian lulubaton.

²⁴ Ko TEMENENO kubaiyo Konamian sosungi badaang, tobikon doiya yanila lobiyoniiyo konapo lawan nabukuanan.

²⁵Yana boliiyo ko Mesir miano noano tobikon doiya yanila mosikitene Konamian tukon yanila kubaiyo lokis Konapele-peleleani.

²⁶ Maka Yana utuse Konapeleleani Musa tukon Harun Namian pinilih.

²⁷Doi Mesir yanila lakukene kolangge-langge mominasaindinggon, kokokubai-kokubai babasal moluwedoi TEMENENO,

²⁸ tukon yanila taatiyo Konaparenta-parenta. Maka ko TEMENENO tealikene dotanodoo kalipookan tuuno.

²⁹ Konapo paisubatango binoliimo teali sau, tobikon doiya koikano molopu kabus.

³⁰ Kotupak sasabul doi napo tanodoo, tukon koidan usok doi tomundo nakamali.

³¹ Luwe Mian Bisa naparenta lubatkai konggaalok-nggaalok, tukon kopipil lubotiiyo posaapon dotanodoo.

³² Yana kuudange koes posoboli udan, tukon lubatene kodidip mopopondili.

³³Yana duwekene ko anggur tukon ara batango, tukon lubangemo sasaibino konapo kayung-kayung batango.

³⁴ Luwedoi naparenta, lubatkai kobetek, koaito badaang tuuno, aki namoola inait.

³⁵Yanila kaane sasaibino komo sinakakon doiasi, tukon kaane kabus sasaibino kodunia hasilo.

³⁶ Kopau mala-malaneno langgongo yana akateyomo doi memeeng ko Mesir miano nabonua lalomo.

³⁷ Doi bundu kobangsa Israel inantokono tobuat, yanila mababa mosoni tukon suasa; sasaibino yanila sehat tukon bukuan.

³⁸Ko Mesir miano tinepak matakutan tukon susaan tuuno, jadi yanila sanaang salataa ko Israel miano taus.

³⁹ Ko Mian Bisa belekayo bebelan kobunom sulano naitolungiyo ko Namian, tukon bilat teali podial doi napopookan tempono.

⁴⁰ Yanila makabi, maka linubatonokai kotomisi peleet, yanila binee roti moluwedoi surgaa tukon yanila kaane pobobosukon.

⁴¹ Yana batayo kobatu bunggulo, maka nasasabul kopaisu molomba buno paisubatango doi padang lalomo.

⁴²Sabab ko TEMENENO neneeke Kona janji doi Abraham, Dona peleleanidoo.

⁴³Maka Yana antekene Kona mian tukon lalaba, Kona mian linilik tukon nggeleamon laba.

⁴⁴ Ko bangsa-bangsa nabuta bineekono doi yanila, konapoasi-asi Yana tealikene Namian koona,

⁴⁵sulano Kona mianoo taatiyo Konahukum-hukum tukon loingiyo Konaparenta-parenta. Ponggaalekai ko TEMENENO!