Read Banggai SADEONG 108 Bible Online

SADEONG 108 - Banggai bible

SADEONG 108

¹Nyanyian. Daud na Sadeong.

² Oh ko Mian Bisa, daku maanggaan tataap moonggol, yaku yase momanyanyi tukon nggaale Ikoo. Bangunokai eh, konoanggu!

³Bangunokai eh, gambus tukon kacapi! Yaku yase mobangune kooloyo panano.

⁴TEMENENO, yaku yase basukuur doi-Koo doi sasaibino kobangsa-bangsa. Yaku kilayo manyanyikene konyanyian nggaalano doi-Koo doi sasaibino kobangapi.

⁵Sabab Komumaasi babasal polong doitimbu tukon Komusetian polong doi bunom-bunom.

⁶Oh ko Mian Bisa, okitakenemokai Komu babasal doi timbu, tukon Komu taanggaan doi posaapon kodunia.

⁷ Salamatanggamimokai tukon Mukuasa, timbiliyokai komai sambeang, sulano komian Ikoo moseseange nasinalamaton.

⁸Luwedoi nadungolan momoliyous ko Mian Bisa bantile, “Yaku yase wookon laba ebes-ebese ko Tano Sikhem, ko Sukot Pepelako naikon Yaku undiyo.

⁹Gilead tukon Manasye daanokai Kumian pinili, Efraim Kukalambi songgono, tukon Yehuda Kutongkat batomundoan.

¹⁰Bai ko Moab daanokai tampat Kukumosiano koainggu; Yaku wookon laba luwe Filistea namanaangan. Doi Edom Yaku sakukene Daku sapatu, salaku paloosan baikon yana Koonggumo.”

¹¹Indee naikon komo babaaku doi Edom? Indee komotandanaku doi kotadoo mopinagal kayung molinapis buta?

¹²Oh ko Mian Bisa, akikai Mupoolaing pososinggat kami? Akikai Mupoolaing maju komai suludadu?

¹³Tulungikamikai molawane komai musu, sabab kobanggapi nabantuan akiyo kogunano.

¹⁴Kita naikon tambongan barani, kalu kita poolaing ko Mian Bisa; sabab Yanamokai komo lungguyo konda musu.