Read Banggai SADEONG 115 Bible Online

SADEONG 115 - Banggai bible

SADEONG 115

¹Bolikon kami, oh TEMENENO, bolikon kami, tongo Ikoo komo ngginaal, sabab Ikoo tataap meseseang tukon setia.

²Bulaando kobangsa-bangsa mosio nabantile, “Inaandoo konapo Mian Bisa?”

³Konda Mian Bisa daano doi surgaa, Yana lakukanggene oilamo Kona inias.

⁴ Konapo uuno luwedoi mosoni tukon suasa, banggapi komo kubaiyo.

⁵Daano kobabano, bai aki namoola basilingan, daano komatano, bai aki namoola kitayo kolangge-langge.

⁶Daano kotolingaino, bai aki nalengele kolipu, daano kosoongano, bai aki namoola nomiiyo kolangge boono.

⁷Daano kolimano, bai aki namoola mopulut langge, daano koaino, bai aki namoola ambakon, tukon akiyo koalalo motobuat luwedoi kokoyoko.

⁸Boliisi nabunodoiya konanasib komian mokubaiyo, tukon sasaibino komian moanggayo douunodoo.

⁹Eh ko Israel miano pomoini doi TEMENENO, Yanamo komo tulungiyo tukon lindungiyo komuyu.

¹⁰Eh sasaibino komian, pomoini doi TEMENENO, Yanamo komo tulungiyo tukon lindungiyo komuyu.

¹¹Eh sasaibino komian momatakutene ko Temeneno, pomoini doi TEMENENO, Yanamo komo tulungiyo tukon lindungiyo komuyu.

¹²Ko TEMENENO neneeke kita tukon balakaatiyo kita, Yana naikon balakaatiyo ko Israel miano tukon sasaibino koimam moluwedoi Harun nakaturunan.

¹³ Yana naikon balakaatiyo komian momatakutene ko Temeneno, mau mopoipoisik maukai mobabasal.

¹⁴Boliisi ko TEMENENO nabeena pau mobadaang, doi komuyu tukon mukaturunan.

¹⁵Boliisi ko TEMENENO nabalakaati komuyu, mopasitakayo kotimbu tukon buta!

¹⁶Ko timbu daanokai TEMENENO koona, bai kodunia Yana beekene doi banggapi.

¹⁷Komian momate aki nanggaale ko TEMENENO, sabab yanila obuluso doi lipu mokiis.

¹⁸Bai kita mo tubo basukuur doiya-Na, diabudodoo polong sidutu-posidutukon. Tanggaalokai ko TEMENENO!