Read Banggai SADEONG 116 Bible Online

SADEONG 116 - Banggai bible

SADEONG 116

¹Yaku yase ko TEMENENO, sabab Yana ndongoliiyaku tukon perhatikanggene daku kakabi.

²Yana ndongoliiyaku, sasamba luunggon kuuwang doiya-Na.

³Yaku salaanggene kosilakaan matean; komatakutan matean sosinggat lubotiiyaku, kubaiyaku aki kusanaang tukon matakut.

⁴Maka kuuwang doi TEMENENO, “Oh TEMENENO, yaku kabiyo, salamatanakukai!”

⁵Do TEMENENO doo daano kona seang tukon adil; konda Mian Bisa babasal kona seang.

⁶Ko TEMENENO pialayo komian moaki nababanggaal; doi tempo naakiyan kubukuan Yana salamatanaku.

⁷Kusananggene konoanggu, sabab ko TEMENENO seseangaku.

⁸Ko TEMENENO oluputakumo doi matean; Yana tealikanaku sanaang tukon aki Nasobiiyaku tuwong.

⁹Sampe yaku lasaiyo kotuboan doi dunia nia, luwedoi TEMENENO namaasi.

¹⁰ Yaku tataap maangga, maukai kubantile, “Yaku sakisaa tuuno.”

¹¹Doi kusanangan lalomo yaku bantile, “Akiyokai komeeng komian momoola inangga.”

¹²Oila naikon daku bineekon doi Temeneno tuuk mobalase Konamonondokan doi yaku?

¹³Yaku naikon mababa sosubakon anggur doi TEMENENO, sulano kubasukuur sabab Natulungan.

¹⁴Yaku naikon tapatiyo daku perjanjian doiya-Na doi sasaibino Konamian salaano.

¹⁵TEMENENO seseange tuuno Kona matean komeeng komian Naminamaasikon.

¹⁶Yaku nia Mupeleleani, oh TEMENENO, pokakana kotinanggu, yaku salaakanggene kobutonggu doi-Koo sabab Ikoo sobiiyakumo luwedoi silakaan.

¹⁷Yaku naikon mababa sosubakon sukuur doi-Koo, tukon molibakon sambeang doi-Koo.

¹⁸Yaku naikon tapaatiyo daku paladandian doi TEMENENO, doi sasaibino Konamian salaano

¹⁹mopototongi doi TEMENENO Na Bonua basaleano, doi kota Yerusalem tanga-tangano. Nggaalekai ko TEMENENO.