Read Banggai SADEONG 136 Bible Online

SADEONG 136 - Banggai bible

SADEONG 136

¹ Basukurkai doi TEMENENO, sabab Yana monondok, Konamaasi sidutu-posidutukon.

²Basukurkai doi Mian Bisa Moinakatandak Tuuno; Konamaasi sidutu-posidutukon.

³Basukurkai doi TEMENENO Mobabasal Konakuasa; Konamaasi sidutu-posidutukon.

⁴Tolongo Yana komo mokubai langge-langge mominasaindinggon mobabasal; Konamaasi sidutu-posidutukon.

⁵ Tukon napandoiyan Yana tealikene kotimbu; Konamaasi sidutu-posidutukon.

⁶Yana beleatene kodunia doi paisu bunggono; Konamaasi sidutu-posidutukon.

⁷ Yana kubaiyo kolangge-langge mokadioloniiyo kotimbu; Konamaasi sidutu-posidutukon;

⁸kooloyo matano kuasaiyo komadialan; Konamaasi sidutu-posidutukon;

⁹kobituwon tukon bituwon pauno kuasaiyo kopopook; Konamaasi sidutu-posidutukon.

¹⁰ Yana akateyo ko Mesir miano napau-pau langgongo; Konamaasi sidutu-posidutukon.

¹¹ Ko Israel miano Yana tobuatene luwedoi Mesir; Konamaasi sidutu-posidutukon;

¹²tukon limano mobukuan maka natambongan; Konamaasi sidutu-posidutukon.

¹³ Yana batayo ko Gelagah Tobuno; Konamaasi sidutu-posidutukon;

¹⁴Konaumat Israel miano Yana babayo mopintasene; Konamaasi sidutu-posidutukon.

¹⁵Bai ko tomundo Mesir tukon nasuludadu Yana tombukene; Konamaasi sidutu-posidutukon.

¹⁶Konaumat Yana lolainge liisiyo kopadang gurun; Konamaasi sidutu-posidutukon.

¹⁷Yana lungguiyo kotomundo-tomundo motambongan tukon barani; Konamaasi sidutu-posidutukon;

¹⁸Yana akateyo kotomundo-tomundo motololongol; Konamaasi sidutu-posidutukon;

¹⁹ Sihon, tomundo Amori; Konamaasi sidutu-posidutukon;

²⁰ tukon Og, tomundo Basyan; Konamaasi sidutu-posidutukon.

²¹Konapo lipu Yana beekene doi Naumat; Konamaasi sidutu-posidutukon;

²²teali Israel miano nalipu donapeleleanidoo; Konamaasi sidutu-posidutukon.

²³Yana aki natoliminggene kita doi tempo nda linungguiyan; Konamaasi sidutu-posidutukon.

²⁴Yana olupute kita luwedoi ndamusuh limano; Konamaasi sidutu-posidutukon.

²⁵Sasamba kolangge motubo Yana beena kaan; Konamaasi sidutu-posidutukon.

²⁶Pobasyukurkai doi Mian Bisa mokuasaiyo kotimbu; Konamaasi sidutu-posidutukon.