Read Banggai SADEONG 140 Bible Online

SADEONG 140 - Banggai bible

SADEONG 140

¹Tuuk mokatuaiyo konyanyian. Daud na Sadeong.

²Oh TEMENENO, oluputakukai luwedoi mian molokis, jagaiyakukai luwedoi mian mo mokubai tindakan mokaraas.

³Yanila mokubai tetel mo lokis doi noanoila lalomo, tobikon doiya sasamba kooloyo lubatene koponggelekiyan.

⁴ Kopai alepo pokakana kobinda moupason, konapo bantilan-bantilan pokakana kobindda posiyuk upaso.

⁵Oh TEMENENO, osoopakukai luwedoi mian mo lokis nakuasa, jagaiyakukai luwedoi mian momokubai tindakan mokaraas mo mokubai maksuud sulano naotuwongaku.

⁶Komian mobabanggaal aki nabiyok-biyok banggonkai talongganakumo, tukon beleatenemo kopukat sulano nalakowaku. Doi popupuson kololoon yanila mokubai talong sulano napo lolongganaku kukana doi talongoo.

⁷Oh TEMENENO, yaku bantile: Ikoomokai daku Mian Bisa, palatikanggenekai daku sambeang makabian tulung.

⁸TEMENENO, daku Mian Bisa, daku pasalamat mo bukuan, Ikoo lindungiyakumo doi polobosian lalomo.

⁹Oh TEMENENO, inai modaanekene komian molokis namongiasan, tukon akiyenggene konapo tetel.

¹⁰Inai mopataikene daku musuh namonaang; pataikenemo kobantilan-bantilan molokis yanila mobantile sulano donapo bantilan-bantilanoo molokis naabali tepake kobutongoila sabab yanila tongo mokubaiyanggu pitanaa.

¹¹Pataikenemo napo linubotii sesel molokis tuuno, tukon napo sinakukon doi bitu lalomo sulano naakimo napo moola tobuat koidan.

¹²Pataikenemo komian momokubai tindakan mokaraas sulano napoo tinepak bahaya molokis, inai mopataikene komian mobapitanaa namodungoli dunia.

¹³Yaku toiyo Ikoo mebee kaadilan doi mian molinai-lainggon, tukon belayo komian motalalais naulusan.

¹⁴Komian momoloyos konoano naikon nggaale Ikoo; tukon yanila naikon podungoli Ikoo.