Read Banggai SADEONG 141 Bible Online

SADEONG 141 - Banggai bible

SADEONG 141

¹Daud na Sadeong. Oh TEMENENO, yaku uwang doi-Koo, tulungiyakukai soisobit! Longolakukai kalu yaku uwang doi-Koo.

² Talimayokai daku sambeang salaku sosubakon kamangian, tukon kolimanggu mo topopong salaku sosubakon popook.

³Oh TEMENENO, dagaiyokai kobabanggu tukon awasiyokai kosuunggu.

⁴Dodoongganaku komokubaiyan langge mo lokis. Inai mopataikanaku mopomeenggon tukon komian molokis tukon malaing kaan doi napo lamean lalomo.

⁵Kalu daano komeeng komian momonondok motoguuraku, tukon kalu sanaang konoano mootunggulaku, doiya pokakana kolisison mo monondok tuuno doiyaku. Boliisi naaki kutolake, sabab yaku banggadudul sambeang motentaange konapo kulokisan.

⁶Kalu sasaibino konapo ponguasa sinakukon doi batu namoto-motombingan, maka nasodo napo akuiyo baikon daku bantilan-bantilan tutuu.

⁷Kobuku-bukunggita naikon bineason doi bakibulan bibilo pokakana komeeng kobatu mopinipis doi buta.

⁸Oh TEMENENO daku Mian Bisa, yaku tataap moini doi-Koo, inai mopataikanaku momate, sabab tongo doi-Koo daku soopan.

⁹Dedeenggene konapo talong doiyaku, moluwedoi mian-mianoo molokis napukat.

¹⁰Pataikenemo napo kana doi napo pukatoo, bai boliisi koonggu kusalamat.