Read Banggai SADEONG 143 Bible Online

SADEONG 143 - Banggai bible

SADEONG 143

¹Daud na Sadeong. Oh TEMENENO, lengelekai daku sambeang, palatikanggenekai daku kakabi, Timbiliyakukai luwedoi Mukesetiaan, talimayokai daku sambeang luwedoi Muadilan.

² Yaku nia Mupeleleani, inaikai moadiliyaku, sabab akiyo komeeng komian mo akiyo kona salah doi salaamu.

³Daku musuh lapamo lolongganaku tukon lungguiyakumo, tukon usokanakumo doi talunggu lalomo mokalipookan; tukon koidan yaku teali pokakana komian momalumbito kona matean.

⁴Molotomo daku semangat, tukon bingungo tuuno konoanggu.

⁵Kalu kuneneeke kooloyo-oloyo molapamo; kupikikene sasaibino kokubai, tukon kalu pikikene sasaibino Komu limang.

⁶Yaku sambeang doi-Koo tukon totidokon kolimanggu; pokakana kobuta momotuul, totubo konoanggu napoloongganano Ikoo.

⁷Oh TEMENENO, timbiliyakukai namosobit, sabab akiyono daku moinian. Inaikai mobasookon luwedoi yaku, sulano naaki kubuno mian molapamo bulus doi mian mo mate natampat.

⁸Sasamba kododowa ingotiikanakukai Komu seang, sabab tongo doi-Kookai daku moinian. Tudoikanakukai kololoon mosio kuloloiyo, sabab tongo doi-Kookai daku sambeangan.

⁹Yaku lubat yase soop doi-Koo, oh TEMENENO oluputaku luwedoi kumusuh-musuh.

¹⁰Otunggulakukai molakukanggene komu mongiasan, sabab tongo ikookai daku Mian Bisa. Konoamu monondok tuuno, tukon naikon andanaku doi loloon momesea.

¹¹Oh TEMENENO, salamatanakukai pokokonoy tukon Muperjanjian tukon luwedoi monondokan, oluputaku luwedoi kususaan.

¹²Luwedoi Mumaasi akateomokai sasaibino daku musuh, tukon akatemo kabus sasaibino komo lailaingganaku, sabab yaku nia Muumat.