Read Banggai SADEONG 144 Bible Online

SADEONG 144 - Banggai bible

SADEONG 144

¹Luwedoi Daud. Nggaalekai ko TEMENENO sabab doiyamo daku soopan; Iyanamo komo otunggulaku doi polobosian lalomo, tukon komo otunggulaku polobosi.

²Iyanamokai komo tulungiyaku tukon komo belaaku, yana komo salamatanaku tukon doiyamokai daku soopan. Iyanamo daku soopan, tukon doiyamokai daku tampat bulenan, kobangsa-bangsa Yana kubaiyo somba doiyaku.

³ TEMENENO, oilakai dobanggapidoo sampe Ikoo palatikanggene yana? Indeekai yana sampe Ikoo palatikanggene?

⁴Dobanggapidoo tongo buno mbombuul puul, tukon tongo buno bayangan moalon, bunomokai doiya konatuboan.

⁵Oh TEMENENO, bukayokai Komu timbu tukon bulusokai, singgilekai kobunggo-bunggo sulano natibolungon.

⁶Sakukenekai Komu didip sulano komusuh natopobandakon, sobiiyomokai Komu panah sulano napo matakut.

⁷Ululekai kolima-Mu moluwedoi surgaa, tukon oluputakukai luwedoi paisu moeyaba. Salamatanaku luwedoi mian molulubaton nakuasa

⁸moiyase bakala-kala tukon batipu, tukon mokubai totopi mokala.

⁹Oh ko Mian Bisa, yaku naikon manyanyikene kolagu moboolu doi-Koo, tukon yaku kutiyo kokacapi maka kumanyanyi.

¹⁰Ikoo beenamo manaangan kotomundo-tomundo, tukon Ikoo oluputemo Daud Domu peleleanidoo.

¹¹Oluputaku luwedoi mian molokis nasabel; tukon salamatanakukai luwedoi mian molulubaton nakuasa moiyase bakala-kala tukon batipu, tukon mokubai totopi mokala.

¹²Boliisi kondapau mala-malaneno doi tempo napaumalanekonan napokakana kolangge mosinakakon moteali babasal. Boliisi konda pau-pau boineno napokakana kobubunga sudongo motambongan tuuno, mokinubai pobubungai kotomundo-tomundo nakamali.

¹³Boliisi konda gudang-gudang namoono tukon antoko tukon sasaibino kokaliangano konda hasil doi dunia. Boliisi konda domba-domba doi padang-padang namosuung pau polong doi libu-libuso kona kadang.

¹⁴Boliisi konda sapi-sapi nalibuang tukon naakiyo komo lapus kai komo tobulus. Boliisi naaki natololongol komian monggele-nggeleamon sabab nasakisaawan doi nda kota lolo-loloono.

¹⁵Kinatauwankai kobangsa mo buno doiya, tukon kinatauwankai doi umat kona Mian Bisa doiyamo TEMENENO!